完整藏文原文 · 德格版页 当前仅加载第 53 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
མ་གཞན་ཡང་འཇིག་རྟེན་གྱི་ཆོས་ལ་རྣམ་པ་གཉིས་ཏེ། ཡོད་པ་དང་མེད་པའོ། །ཡོད་པ་ནི་ནམ་མཁའོ། །མེད་པ་ནི་རི་བོང་གི་རྭའོ། །དེ་ལྟར་ཆོས་གཉིས་པོ་ཡང་ཡོད་པ་ཡང་རྒྱུ་དང་རྐྱེན་མ་ཡིན། མེད་པ་ཡང་རྒྱུ་དང་རྐྱེན་མ་ཡིན་ཏེ། དེ་བས་ན་ཆོས་ཐམས་ཅད་རང་བཞིན་དུ་
D119.053.0295b01.01ཟད་ཀྱི། རྒྱུ་དང་རྐྱེན་ལས་མ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སྨྲ་བ་ལྟར་ཆེན་པོ་ལྔའི་རང་བཞིན་དང་འདྲ་བར་ཆོས་ཐམས་ཅད་ཀྱང་དེ་དང་འདྲའོ་ཞེས་བྱ་བ་མི་རུང་ངོ་། །དེ་ཅིའི་ཕྱིར་ཞེ་ན། རིགས་ཀྱི་བུ་ཁྱོད་ཀྱི་ཆོས་ལ་ཆེན་པོ་ལྔ་རྟག་པ་ཡིན་ན་
D119.053.0295b02.01ཅིའི་ཕྱིར་ཆོས་ཐམས་ཅད་རྟག་པ་མ་ཡིན་ནོ་ཞེས་སྨྲ། ཇི་སྟེ་འཇིག་རྟེན་གྱི་དངོས་པོ་མི་རྟག་པ་ཞིག་ཡིན་ན་ཆེན་པོ་ལྔའི་རང་བཞིན་ཅིའི་ཕྱིར་མི་རྟག་པ་མ་ཡིན། ཇི་སྟེ་ཆེན་པོ་ལྔ་རྟག་པ་ཞིག་ཡིན་ན་འཇིག་རྟེན་གྱི་དངོས་པོ་ཡང་རྟག་པ་ཡིན་པའི་རིགས་ཏེ། དེ་བས་ན་ཁྱོད་
D119.053.0295b03.01ཀྱིས་ཆེན་པོ་ལྔའི་རང་བཞིན་ཡོད་པས་རྒྱུ་དང་རྐྱེན་ལས་མ་ཡིན་ཏེ། ཆོས་ཐམས་ཅད་ཀྱང་ཆེན་པོ་ལྔ་དང་འདྲའོ་ཞེས་བྱ་བ་མི་རུང་ངོ་། །རིགས་ཀྱི་བུ་ཁྱོད་སྨྲ་བ་ལྟར་དགོས་པའི་གནས་ངེས་པ་ན་རང་བཞིན་ཡོད་དོ་ཞེས་བྱ་བར་ཡང་མི་རུང་ངོ་། །དེ་ཅིའི་ཕྱིར་ཞེ་ན། རྒྱུ་དང་
D119.053.0295b04.01རྐྱེན་ལས་མིང་ཁྱེར་ཐོབ་པའི་ཕྱིར་རོ། །ཇི་སྟེ་རྒྱུ་ལས་མིང་ཁྱེར་ཐོབ་ན་དོན་ཡང་རྒྱུ་ལས་མིང་ཁྱེར་ཐོབ་བོ། །ཇི་ལྟར་རྒྱུ་ལས་མིང་ཁྱེར་ཐོབ་པ་ཞེ་ན། དཔེར་ན་འཕྲལ་བར་བཏགས་པ་ནི་ཕྲེང་བ་ཞེས་བྱ་བ་དང་། མགུལ་དུ་བཏགས་པ་ནི་དོ་ཤལ་ཞེས་བྱ་བ་དང་། ལག་པ་ལ་བཏགས་
D119.053.0295b05.01པ་ནི་གདུ་བུ་ཅེས་བྱ་བ་དང་། ཤིང་རྟ་ལ་བཏགས་པ་ནི་འཁོར་ལོ་ཞེས་བྱ་བ་དང་། ཤིང་དང་རྩྭ་ལས་འབར་ན་ཤིང་དང་རྩྭའི་མེ་ཞེས་བྱ་བ་དང་། རིགས་ཀྱི་བུ་ཤིང་ཐོག་མ་སྐྱེས་པ་ན་མདའ་དང་། མདུང་གི་རང་བཞིན་མེད་མོད་ཀྱི། རྒྱུ་དང་རྐྱེན་གྱིས་བཟོས་མདའ་དང་མདུང་དུ་བྱེད་
D119.053.0295b06.01དོ། །དེ་བས་ན་ཆོས་ཐམས་ཅད་ལ་རང་བཞིན་ཡོད་ཅེས་བྱ་བའི་མི་རིགས་སོ། །རིགས་ཀྱི་བུ་ཁྱོད་སྨྲ་བ་ལྟར་རུ་སྦལ་ཐང་ལས་སྐྱེས་ཀྱང་རང་བཞིན་གྱིས་ཆུར་འགྲོ་བ་དང་། བེའུ་འབྲངས་མ་ཐག་ཏུ་རང་བཞིན་གྱིས་ནུའོ་ཞེས་བྱ་བ་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། ཆུར་འགྲོ་བ་
D119.053.0295b07.01