完整藏文原文 · 德格版页 当前仅加载第 53 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་མྱ་ངན་ལས་འདས་པའི་མདོ་སྡེ་འདི་ལས་བསྟན་ཅིང་གསུངས་པས། ཆོས་འདི་དག་ནི་རིམ་གྱིས་གཞོལ་བ་ཞེས་བྱ་སྟེ། དེ་བས་ན་མདོ་སྡེ་འདི་ནི་རིམ་གྱིས་གཞོལ་བ་ཞེས་བྱ་བ་ཡིན་ཟབ་ཅིང་གཏིང་རིང་བ་ནི་སངས་རྒྱས་བཅོམ་ལྡན་འདས་ནི་མ་
D119.053.0182a01.01སྐྱེས་པ་མི་འགོག་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་བརྙེས་པ་ཡང་མེད། ཆོས་ཀྱི་འཁོར་ལོ་བསྐོར་བ་ཡང་མེད། བསོད་སྙོམས་བཞེས་པ་ཡང་མེད། སྦྱིན་པ་བྱས་པ་ཡང་མེད་དེ། དེ་བས་ན་རྟག་པ་དང་བདེ་བ་དང་བདག་དང་ཡོངས་སུ་དག་
D119.053.0182a02.01པ་སྟེ། སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པ་ཞེས་བྱའོ། །སངས་རྒྱས་ཀྱི་རང་བཞིན་ནི་གཟུགས་མ་ཡིན། གཟུགས་ལས་གཞན་མ་ཡིན། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་མ་ཡིན་པ་ནས། རྣམ་པར་ཤེས་
D119.053.0182a03.01པའི་བར་དུ་གཞན་པ་མ་ཡིན་ཏེ། རྟག་པ་བལྟར་རུང་བ། གསལ་བའི་རྒྱུ་བྱས་པའི་རྒྱུ་མ་ཡིན་པ། རྒྱུན་དུ་ཞུགས་པ་ནས་རང་སངས་རྒྱས་ཀྱི་བར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པ་ཡང་ཉོན་མོངས་པ་ཡང་མེད། གནས་ཀྱང་མེད་དེ། ཉོན་
D119.053.0182a04.01མོངས་པ་མེད་ཀྱང་རྟག་པ་ཞེས་མི་བྱ་སྟེ། དེ་བས་ན་ཟབ་པ་ཞེས་བྱའོ། །གཞན་ཡང་ཤིན་ཏུ་ཟབ་པ་ནི་མདོ་སྡེ་འདི་ལས་བར་བར་ནི་བདག་ཡོད་ཅེས་འཆད། བར་བར་ནི་བདག་མེད་ཅེས་ཀྱང་འཆད། བར་བར་ནི་རྟག་ཅེས་འཆད། བར་བར་ནི་མི་རྟག་ཅེས་འཆད། བར་
D119.053.0182a05.01བར་ནི་ཡོངས་སུ་དག་པའོ་ཞེས་འཆད། བར་བར་ནི་ཡོངས་སུ་མ་དག་པའོ་ཞེས་འཆད། བར་བར་ནི་བདེའོ་ཞེས་འཆད། བར་བར་ནི་སྡུག་བསྔལ་བའོ་ཞེས་འཆད། བར་བར་ནི་སྟོང་པའོ་ཞེས་འཆད། བར་བར་ནི་སྟོང་པ་མ་ཡིན་ནོ་ཞེས་འཆད། བར་བར་ནི་ཐམས་
D119.053.0182a06.01ཅད་ཡོད་དོ་ཞེས་འཆད། བར་བར་ནི་ཐམས་ཅད་མེད་དོ་ཞེས་འཆད། བར་བར་ནི་ཐེག་པ་གསུམ་དུ་འཆད། བར་བར་ནི་ཐེག་པ་གཅིག་ཏུ་འཆད། བར་བར་ནི་ཕུང་པོ་ལྔ་ཉིད་སངས་རྒྱས་ཀྱི་རང་བཞིན་ཡིན་ཏེ། རྡོ་རྗེ་ལྟ་བུའི་ཏིང་ངེ་འཛིན་དང་། ལམ་དབུ་མ་དང་དཔའ་
D119.053.0182a07.01