完整藏文原文 · 德格版页 当前仅加载第 53 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྲོ་བའི་ཏིང་ངེ་འཛིན་དང་། རྟེན་ཅིང་འབྲེལ་ཏེ་འབྱུང་བ་བཅུ་གཉིས་དང་། དོན་དམ་པའི་སྟོང་པ་ཉིད་དང་། བྱམས་པ་དང་སྙིང་རྗེ་དང་། དགའ་བ་དང་། བཏང་སྙོམས་དང་། སེམས་ཅན་ཐམས་ཅད་ལ་སྤྱི་བོའི་ཡེ་ཤེས་དང་། དད་པའི་སེམས་དང་།
D119.053.0182b01.01དབང་པོ་དང་། སྟོབས་ཤེས་པ་དང་། ཆོས་ཐམས་ཅད་ལ་ཐོགས་པ་མེད་པའི་ཡེ་ཤེས་ལ་བྱ་སྟེ། སངས་རྒྱས་ཀྱི་རང་བཞིན་ཡོད་མོད་ཀྱི་ངེས་པར་མ་གསུངས་པས་ན་ཟབ་པ་ཞེས་བྱ་བ་ཡིན། ཐམས་ཅད་རོ་གཅིག་པ་ཞེས་བྱ་བ་ནི་སེམས་ཅན་ཐམས་ཅད་ལ་འཐུན་
D119.053.0182b02.01པར་སངས་རྒྱས་ཀྱི་རང་བཞིན་ཡོད་དེ། ཐེག་པ་གཅིག་པར་འཐུན་པ་དང་། རྣམ་པར་གྲོལ་བར་གཅིག་པར་འཐུན་པ་དང་། རྒྱུ་གཅིག་པ་དང་། འབྲས་བུ་གཅིག་པ་དང་། ཟིལ་དངར་གཅིག་པར་འཐུན་པ་སྟེ། ཐམས་ཅད་ཀྱིས་རྟག་པ་དང་། བདེ་བ་དང་།
D119.053.0182b03.01བདག་དང་ཡོངས་སུ་དག་པ་ཐོབ་པར་འགྱུར་བས་ན། རོ་གཅིག་པ་ཞེས་བྱ་བ་ཡིན། དབྲེས་ཀྱི་མཚམས་ལས་མི་འདའ་བ་ནི་མདོ་སྡེ་འདི་ལས་དགེ་སློང་དག་མ་བརྟགས་པའི་དངོས་པོ་བརྒྱད་མི་བཅང་བར་ཁྲིམས་བཅས་པ་ལས། ངའི་ཉེ་གནས་སུ་གྱུར་པ་གང་
D119.053.0182b04.01ཞིག་འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་འདི་འཆང་ངམ། འཛིན་ཏམ། ཀློག་གམ། འདོན་ཏམ། ཡི་གེར་བྲིས་སམ། དགྲོལ་ཞིང་བཤད་ན་ལུས་དང་སྲོག་གི་བར་དུ་ཡལ་ཡང་ཚུལ་ཁྲིམས་ཉམས་པར། མི་བྱེད་དེ། དེ་ནི་དབྲེས་ཀྱི་མཚམས་
D119.053.0182b05.01ལས་མི་འདའ་བ་ཞེས་བྱ་བ་ཡིན། རིན་པོ་ཆེ་རྣམ་པ་མང་པོ་ནི་མདོ་སྡེ་འདི་ཉིད་རིན་པོ་ཆེ་ཚད་མེད་པའི་གཏེར་ཡིན་ནོ། །གཏེར་ཞེས་བྱ་བ་ནི་དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་
D119.053.0182b06.01དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་དང་། བུས་པ་ཆུང་ངུའི་སྤྱོད་པ་དང་། འཕགས་པའི་སྤྱོད་པ་དང་། ཚངས་པའི་སྤྱོད་པ་དང་། ལྷའི་སྤྱོད་པ་དང་། དགེ་བ་མང་པོའི་ཐབས་དང་། སེམས་ཅན་གྱི་སངས་རྒྱས་ཀྱི་རང་བཞིན་དང་།
D119.053.0182b07.01