完整藏文原文 · 德格版页 当前仅加载第 53 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱབས་སུ་མཆི་ན། ཐུགས་རྗེ་ཆེན་པོས་བདག་ཅག་རབ་ཏུ་དབྱུང་བར་གསོལ་ལོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་ཤེས་ཀཽཎྜི་ནྱ་ལ་བཀའ་སྩལ་པ། ཁྱོད་ཀྱིས་བཤད་དེ་ཞུ་ན། སྐྲ་དང་ཁ་སྤུ་བྲེགས་ལ་ཁྱིམ་ནས་ཁྱིམ་མ་ཡིན་པར་རབ་ཏུ་ཕྱུང་ཤིག །
D119.053.0280a01.01དེའི་ཚེ་ཚེ་དང་ལྡན་པ་ཀུན་ཤེས་ཀཽཎྜི་ནྱས། བཅོམ་ལྡན་འདས་ཀྱི་བཀའ་བཞིན་དུ་སྐྲ་དང་ཁ་སྤུ་བྲེག་པ་ན་རྣམ་པ་གཉིས་ལྟུང་བར་གྱུར་ཏོ། །གང་ཞེ་ན། སྐྲ་དང་ཁ་སྤུ་དང་། ཉོན་མོངས་པ་སྟེ། གནས་དེ་ཉིད་དུ་དགྲ་བཅོམ་པའི་འབྲས་བུ་ཐོབ་པར་གྱུར་ཏོ། །དེའི་ཚེ་གཞན་ཡང་ཀུན་ཏུ་
D119.053.0280a02.01རྒྱུ་བ་སི་ཏ་ཞེས་བགྱི་བས་འདི་སྐད་ཅེས་གསོལ་ཏོ། །གཽ་ཏ་མས་གསུངས་པའི་མྱ་ངན་ལས་འདའ་བ་དེ་ཇི་རྟག་གམ། དེ་དེ་བཞིན་ནོ། །ཀུན་དུ་རྒྱུ་བ་སི་ཏས་གསོལ་པ། གཽ་ཏ་མ་ཇི་ཉོན་མོངས་པ་མ་མཆིས་པ་ལ་མྱ་ངན་ལས་འདའ་བ་ཞེས་བགྱིའམ། དེ་བཞིན་ནོ། །ཀུན་ཏུ་རྒྱུ་བ་སི་
D119.053.0280a03.01ཏས་གསོལ་པ། གཽ་ཏ་མ་འཇིག་རྟེན་ན་མ་མཆིས་པ་རྣམ་པ་བཞི་སྟེ། བཞི་གང་ཞེ་ན། མ་བྱུང་བ་ལ་མ་མཆིས་ཞེས་བགྱི་བ་སྟེ། དཔེར་ན་འཇི་བ་ལས་མ་བགྱིས་པའི་སྔ་རོལ་ན་རྫ་མ་མ་མཆིས་པ་དང་། འགགས་ཏེ་མ་མཆིས་པ་ལ་ཡང་མ་མཆིས་པ་ཞེས་བགྱི་བ་སྟེ། དཔེར་
D119.053.0280a04.01ན་རྫ་མ་ཞིག་ནས་མ་མཆིས་པ་དང་། གཅིག་ལ་གཅིག་མ་མཆིས་པས་མ་མཆིས་པ་ཞེས་བགྱི་བ་སྟེ། དཔེར་ན་བ་ལང་ལ་རྟ་མ་མཆིས་ལ། རྟ་ལ་བ་ལང་མ་མཆིས་པ་ལྟ་བུ་དང་། གཏན་མ་མཆིས་པ་ལ་མ་མཆིས་པ་ཞེས་བགྱི་བ་སྟེ། དཔེར་ན་རུ་སྦལ་གྱི་སྤུ་དང་། རི་བོང་གི་རྭ་ལྟ་
D119.053.0280a05.01བུའོ། །གཽ་ཏ་མ་ཇི་སྟེ་ཉོན་མོངས་པ་མ་མཆིས་པས་མྱ་ངན་ལས་འདས་པ་ཞེས་བགྱི་ན། མྱ་ངན་ལས་འདའ་བ་ནི་མ་མཆིས་པའོ། །ཇི་སྟེ་མ་མཆིས་པ་ལགས་ན་ཅིའི་སླད་དུ་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་མཆིས་པར་གསུངས། བཅོམ་ལྡན་འདས་
D119.053.0280a06.01ཀྱིས་བཀའ་སྩལ་པ། རིགས་ཀྱི་བུ་འདི་ལྟར་མྱ་ངན་ལས་འདའ་བ་ནི་སྔ་ནས་མེད་པ་སྟེ། འཇི་བའི་ཚེ་རྫ་མ་མེད་པ་ལྟ་བུ་མ་ཡིན། འགགས་ཏེ་མེད་པ་སྟེ། རྫ་མ་ཞིག་ནས་མེད་པ་ལྟ་བུ་ཡང་མ་ཡིན། གཏན་མེད་པ་སྟེ། རུ་སྦལ་གྱི་སྤུ་དང་། རི་བོང་གི་རྭ་ལྟ་བུ་ཡང་མ་ཡིན་ཏེ། གཅིག་
D119.053.0280a07.01