完整藏文原文 · 德格版页 当前仅加载第 53 函德格 338a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཤར་ཏེ་སྐར་མ་སྤྲིན་ལ་ཆར་བཞིན་དུ་འབབ་པ་དང་། དུད་པ་ས་ལས་བྱུང་ནས་སྐར་མའི་གཟའ་བདུན་པོ་གནམ་ལ་མངོན་དུ་སྣང་བ་དང་གནམ་ལ་མེའི་ཕུང་པོ་ཆེན་པོ་འབར་ཏེ་མཁའ་ལ་མངོན་དུ་འབར་ནས་དུས་གཅིག་ཏུ་ས་ལ་ལྟུང་བ་སྙམ་རྨིས་ནས། དེ་མ་ཐག་ཏུ་སད་དེ་ཤིན་ཏུ་དངངས་
D119.053.0338a01.01ནས་བློན་པོ་རྣམས་བསྡུས་ཏེ། འདི་ལྟ་བུ་ཞིག་རྨིས་ན་ཅི་ལ་ལྟ་ཞེས་བཀའ་སྩལ་ཏོ། །བློན་པོ་རྣམས་ཀྱིས་གསོལ་པ། འདི་ནི་སངས་རྒྱས་ཡོངས་སུ་མྱ་ངན་ལས་འདས་པའི་ལྟས་ལགས་ཏེ། སངས་རྒྱས་མྱ་ངན་ལས་འདས་ནས་ཁམས་གསུམ་ན་ལམ་རྒྱུད་དྲུག་གི་སེམས་ཅན་ལ་ཉོན་མོངས་པ་
D119.053.0338a02.01ཀུན་ནས་ལྡང་བས་མེ་ཆེན་པོ་གནམ་ལས་ལྟུང་བ་ལགས་སོ། །སངས་རྒྱས་ཡོངས་སུ་མྱ་ངན་ལས་འདས་ནས། ཟླ་བ་ལྟ་བུའི་ཐུགས་རྗེའི་འོད་དང་ཀུན་ལ་སྙོམས་པར་ཁྱབ་པའི་ཤེས་རབ་ནུབ་པར་འགྱུར་བས་ཟླ་བ་ས་ལ་ལྟུང་བ་ལགས་སོ། །སྐར་མ་ས་ལ་ལྟུང་བ་ནི་སངས་རྒྱས་མྱ་ངན་ལས་
D119.053.0338a03.01འདས་ནས། སྤྱོད་ལམ་བརྒྱད་ཁྲི་དང་། ཚུལ་ཁྲིམས་ཐམས་ཅད་ལས་སྐྱེ་བོ་ཐམས་ཅད་འགལ་བར་བྱེད་དོ། །སངས་རྒྱས་ཀྱི་བཀའ་བཞིན་དུ་མི་བྱེད་ཀྱི། ལོག་པའི་ཆོས་སྤྱོད་པས་སེམས་ཅན་དམྱལ་བར་ལྟུང་ངོ་། །ཉི་མ་ས་ལ་ལྟུང་བ་ནི་སངས་རྒྱས་མྱ་ངན་ལས་འདས་ནས། ངན་སོང་གསུམ་
D119.053.0338a04.01གྱི་སྡུག་བསྔལ་གྱི་ཕུང་པོ་ཉི་མ་ལྟ་བུར་འཇིག་རྟེན་དུ་ཤར་བས་རྨི་ལམ་འདི་དག་རྨིས་པ་ལགས་སོ། །རྒྱལ་པོས་དེ་སྐད་ཅེས་ཐོས་ནས་ནམ་གྱི་གུང་ཚིགས་ན་བློན་པོའི་འཁོར་དང་བཅས་ཏེ། གྲོང་ཁྱེར་རྩྭ་མཆོག་དང་ཉེ་བ་ཞིག་ཏུ་ལྷགས་ནས། དམག་གི་ཚོགས་གྲངས་མེད་པ་རྣམ་བཞིས་རྩྭ་
D119.053.0338a05.01མཆོག་གི་གྲོང་ཁྱེར་རིམ་པ་གྲངས་མེད་པར་བསྐོར་བ་དང་། སྒོ་བཞི་ན་བགེགས་སྲུང་བའི་སྔགས་མཁན་ལ་སོགས་པ་ཡང་མཐོང་ནས་སྔགས་མཁན་ལ་འདི་སྐད་ཅེས་སྨྲས་སོ། །ཅི་སངས་རྒྱས་ཡོངས་སུ་མྱ་ངན་ལས་འདས་སམ། སྔགས་མཁན་གྱིས་སྨྲས་པ། སངས་རྒྱས་ཡོངས་སུ་
D119.053.0338a06.01མྱ་ངན་འདས་ནས་དེང་དུ་ཞག་བདུན་བཞི་ལོན་ཏེ། འཁོར་མང་པོ་རྣམས་ད་ལྟར་སྐུ་གདུང་འགོད་དོ། །རྒྱལ་པོས་སྨྲས་པ། བདག་གིས་སངས་རྒྱས་མྱ་ངན་ལས་འདས་པ་མ་ཐོས་ཏེ། རྨི་ལམ་དུ་ལྟས་ངན་པ་མཐོང་ནས་བློན་པོ་རྣམས་ཀྱིས་དེ་བཞིན་གཤེགས་པ་མྱ་ངན་ལས་འདས་པའི་
D119.053.0338a07.01