完整藏文原文 · 德格版页 当前仅加载第 53 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་གནས་ནི་འདུ་བྱེད་དུ་ལྟ་བས་ལྟ་བ། ཆགས་པར་ལྟ་བ་བཅིངས་པར་ལྟ་བ་སྡུག་བསྔལ་དུ་ལྟ་བ་ལེན་པར་ལྟ་བ་འཇིག་པར་ལྟ་བ་གདུང་བར་ལྟ་བའམ། ཀུན་ནས་དཀྲིས་པར་ལྟ་བ་ཞེས་བྱའོ། །པུ་ན་བྱིས་པ་སོ་སོའི་སྐྱེ་བོ་ནི་ལྟ་བས་ཀུན་དུ་དཀྲིས་པས་ན། སྐྱེ་བ་དང་།
D119.053.0290a01.01རྒ་བ་དང་ན་བ་དང་། འཆི་བ་དང་མ་བྲལ་ཏེ་རྒྱུད་དྲུག་ཏུ་འཁོར་ནས་སྡུག་བསྔལ་ཚད་མེད་པ་མྱོང་སྟེ། འགྲོ་བ་ལྟ་བུ་མ་ཡིན་པ་དང་། མི་འགྲོ་བ་ལྟ་བུ་མ་ཡིན་པའི་བར་དུ་དེ་བཞིན་དུ་རིག་པར་བྱའོ། །པུ་ན་ལྟ་བ་དེ་ལ་དེ་ལྟ་བུའི་སྐྱོན་ཡོད་པར་མཐོང་བས་དེ་བས་ན་མ་ཆགས་ཏེ་གཞན་ལ་ཡང་མི་སྟོན་ཏོ། །
D119.053.0290a02.01པུ་ནས་གསོལ་པ། གཽ་ཏ་མ་དེ་ལྟ་བུའི་སྐྱོན་གཟིགས་ཏེ་མ་ཆགས་མི་སྟོན་ན། གཽ་ཏ་མ་ད་ལྟ་ཅི་ལ་ཆགས་ཅི་ཞིག་སྟོན། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆགས་པར་ལྟ་བ་ནི་འཁོར་བའི་ཆོས་ཞེས་བྱའོ། །དེ་བཞིན་གཤེགས་པ་ནི་འཁོར་བའི་ཆོས་དང་བྲལ་བས་མ་
D119.053.0290a03.01ཆགས་པ་ཞེས་བྱའོ། །རིགས་ཀྱི་བུ་དེ་བཞིན་གཤེགས་པ་ནི་མཐོང་བ་དང་སྟོན་པ་ཞེས་བྱའི། ཆགས་པ་ཞེས་མི་བྱའོ། །པུ་ནས་གསོལ་པ། གཽ་ཏ་མ་ཇི་ལྟ་བུར་གཟིགས། ཇི་ལྟ་བུར་སྟོན། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་ནི་སྡུག་བསྔལ་དང་། ཀུན་འབྱུང་བ་
D119.053.0290a04.01དང་། འགོག་པ་དང་ལམ་གསལ་བར་གཟིགས་ཏེ། དེ་བས་ན་འཕགས་པའི་བདེན་པ་བཞི་རྣམ་པར་ཕྱེ་སྟེ་སྟོན་ཏོ། །ངས་དེ་ལྟ་བུ་དག་གཟིགས་པས་ལྟ་བ་ཐམས་ཅད་དང་། སྲེད་པ་ཐམས་ཅད་དང་། འཐབ་པ་ཐམས་ཅད་དང་། ང་རྒྱལ་ཐམས་ཅད་ཡོངས་སུ་སྤངས་ཏེ། དེ་བས་ན་བདག་
D119.053.0290a05.01ནི་ཡོངས་སུ་དག་པའི་ཚངས་པར་སྤྱོད་པ་དང་ལྡན་ཞིང་བླ་ན་མེད་པའི་རབ་ཏུ་ཞི་བས་རྟག་པའི་སྐུ་ཐོབ་པར་གྱུར་ཏོ། །རྟག་པའི་སྐུ་འདི་ནི་ཤར་ཕྱོགས་དང་། ནུབ་ཕྱོགས་དང་། ལྷོ་ཕྱོགས་དང་། བྱང་ཕྱོགས་མ་ཡིན་ནོ། །པུ་ནས་གསོལ་པ། ཅིའི་རྒྱུ་ཅིའི་རྐྱེན་གྱིས་འདི་རྟག་པའི་སྐུ་ཤར་
D119.053.0290a06.01ཕྱོགས་དང་། ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་མ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་ཁྱོད་ལ་ཅི་དང་ཅི་དྲིས་པ་དེ་དང་དེའི་ལན་ཡིད་བཞིན་དུ་སྨྲོས་ཤིག །རིགས་ཀྱི་བུ་འདི་ཁྱོད་ཀྱིས་ཡིད་ལ་ཇི་སྙམ་ཁྱོད་ཀྱི་མདུན་དུ་མེ་ཆེན་པོ་ཞིག་
D119.053.0290a07.01