完整藏文原文 · 德格版页 当前仅加载第 53 函德格 319a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཡང་དང་ཡང་ཤིང་ཏ་ལ་བདུན་སྲིད་དུ་འཕགས་ནས་ལན་བདུན་གྱི་བར་དུ་ང་ནི་ཡོངས་སུ་མྱ་ངན་ལས་འདར་ཉེ་ཡིས་ཁྱེད་ལ་སོགས་པ་བསམ་པ་དག་པས་ངའི་སྐུ་གསེར་བཙོ་མའི་ཁ་དོག་ལྟ་བུ་ལ་ལྟོས་ཤིག་ཅེས་ལན་བདུན་གྱི་བར་དུ་བཀའ་སྩལ་ཏོ། །དེ་ནས་ཡང་ནམ་
D119.053.0319a01.01མཁའ་ལས་བབས་ནས་སེང་གེའི་ཁྲི་ལ་བཞུགས་ཏེ། ཡང་འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ། །ང་ཡོངས་སུ་མྱ་ངན་ལས་འདར་ཉེ་ཡིས་ཁྱེད་ལ་སོགས་པ་བསམ་པ་དག་པས་ངའི་སྐུ་གསེར་བཙོ་མའི་ཁ་དོག་ལྟ་བུ་ལ་ལྟོས་ཤིག །དེའི་ཚེ་བཅོམ་ལྡན་འདས་དེ་བཞིན་
D119.053.0319a02.01གཤེགས་པའི་སྐུ་གསེར་བཙོ་མའི་ཁ་དོག་ལྟ་བུ་མངོན་པར་བསྟན་ཏེ། འཁོར་མང་པོ་རྣམས་ལ་མངོན་སུམ་དུ་བསྟན་པའི་ཕྱིར། དེ་ལྟར་ལན་གསུམ་གྱི་བར་དུ་སྟེང་གི་ནམ་མཁའ་ལ་ཤིང་ཏ་ལ་བདུན་སྲིད་དུ་འཕགས་ནས། ལན་གསུམ་གྱི་བར་དུ་ནམ་མཁའ་ལས་ཕྱིར་བབས་
D119.053.0319a03.01ནས་སེང་གེའི་ཁྲི་ལ་བཞུགས་ཏེ། དེ་བཞིན་དུ་ཡང་དང་ཡང་ལན་ཉི་ཤུ་རྩ་བཞིའི་བར་དུ་འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ། །ང་ཡོངས་སུ་མྱ་ངན་ལས་འདར་ཉེ་ཡིས་ངའི་སྐུ་རྡོ་རྗེ་ལྟ་བུར་བརྟན་པ་མི་འཇིག་པ་གསེར་བཙོ་མའི་ཁ་དོག་ལྟ་བུ་འཇིག་པ་མེད་པ་ལ་ལྟོས་
D119.053.0319a04.01ཤིག །མེ་ཏོག་ཨུ་དུམ་བཱ་ར་ལྟར་ཤིན་ཏུ་མཐོང་དཀའ་བ་ཡིན་གྱིས་ཁྱེད་ལ་སོགས་པས་ཤེས་པར་གྱིས་ཤིག །ང་ཡོངས་སུ་མྱ་ངན་ལས་འདར་ཉེ་ཡིས་ཁྱེད་ལ་སོགས་པ་སེམས་རྩེ་གཅིག་ཏུ་ངའི་སྐུ་གསེར་བཙོ་མའི་ཁ་དོག་ལྟ་བུ་ལ་ཤིན་ཏུ་ལྟོས་ཤིག །དཔེར་ན་མི་ཞིག་ཚ་བས་
D119.053.0319a05.01གདུངས་ཏེ་ཤིན་ཏུ་སྐོམ་པ་ཆུ་གྲང་མོ་འཐུངས་ན་ངོམས་པར་འགྱུར་བ་ལས་གཞན་མི་སེམས་པ་དང་འདྲ་བར་ཁྱེད་ལ་སོགས་པ་ཡང་དེ་དང་འདྲ་སྟེ། ང་ཡོངས་སུ་མྱ་ངན་ལས་འདར་ཉེ་ཡིས་ཁྱེད་ལ་སོགས་པ་བསམ་པ་དག་པས་ཤིན་ཏུ་ལྟོས་ཤིག །འདི་ནི་ནང་གི་ཐ་མར་མཐོང་བ་སྟེ།
D119.053.0319a06.01མཐོང་བ་འདི་ལས་ཕྱིན་ཆད་མཐོང་བའི་དུས་མེད་ཀྱི་ཁྱེད་ལ་སོགས་པ་འཁོར་མང་པོ་རྣམས་ཕྱིན་ཆད་འགྱོད་པ་མེད་པར་ལྟ་བས་ངོམས་པར་གྱིས་ཤིག །དེ་ནས་བཅོམ་ལྡན་འདས་ཀྱིས་འཁོར་མང་པོ་རྣམས་ལ་ཡང་འདི་སྐད་ཅེས་བཀའ་སྩལ་ཏོ། །ང་མྱ་ངན་ལས་འདས་ནས་ཁྱེད་ལ་
D119.053.0319a07.01