完整藏文原文 · 德格版页 当前仅加载第 53 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
གཽ་ཏ་མ་མི་ཞིག་ཚེ་འཕོས་ནས་ལུས་ཕྱི་མ་མ་བླངས་ཀྱི་བར་དུ་ཚེ་ལེན་པའི་རྒྱུ་དང་རྐྱེན་དུ་གྱུར་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དུ་རྒྱུ་མ་རིག་པ་དང་སྲེད་པ་ནི་དེའི་རྒྱུ་དེའི་རྐྱེན་དུ་འགྱུར་ཏེ། མ་རིག་པ་དང་སྲེད་པ་གཉིས་ཀྱི་རྒྱུ་དང་རྐྱེན་གྱི་
D119.053.0289a01.01དབང་གིས་འཚོ་བ་གནས་པར་འགྱུར་རོ། །རིགས་ཀྱི་བུ་རྒྱུ་དང་རྐྱེན་གྱི་ཕྱིར་ལུས་ཉིད་སྲོག་ཡིན་ལ་སྲོག་ཉིད་ཀྱང་ལུས་ཡིན་ནོ། །རྒྱུ་དང་རྐྱེན་གྱི་ཕྱིར་ལུས་ཀྱང་གཞན་ལ་སྲོག་ཀྱང་གཞན་ཏེ། མཁས་པ་ཤེས་རབ་ཅན་ནི་ཕྱོགས་གཅིག་ཏུ་ལུས་ཀྱང་ཐ་དད་ལ་སྲོག་ཀྱང་ཐ་དད་དོ་ཞེས་མི་
D119.053.0289a02.01སྨྲའོ། །ཀུན་དུ་རྒྱུས་གསོལ་པ། བཅོམ་ལྡན་འདས་བདག་ལ་རྣམ་པར་གྲོལ་ཞིང་བསྟན་ཏེ། རྒྱུ་དང་འབྲས་བུ་མངོན་པར་རྟོགས་པར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀུན་དུ་རྒྱུ་རྒྱུ་ཡང་ཕུང་པོ་ལྔ་ཡིན་ཏེ། འབྲས་བུ་ཡང་ཕུང་པོ་ལྔ་ཡིན་ནོ། །རིགས་ཀྱི་
D119.053.0289a03.01བུ་གལ་ཏེ་སེམས་ཅན་དག་མེ་མ་བུས་ན་དུད་པ་མེད་དོ། །ཀུན་དུ་རྒྱུས་གསོལ་པ། བཅོམ་ལྡན་འདས་བདག་གིས་ནི་འཚལ་ཏོ་རྟོགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་ཇི་ལྟ་བུར་ཤེས་ཤིང་རྟོགས། གསོལ་པ། བཅོམ་ལྡན་འདས་
D119.053.0289a04.01ཞུགས་ཞེས་བགྱི་བ་ནི་ཉོན་མོངས་པ་སྟེ། སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་བྱོལ་སོང་གི་སྐྱེ་གནས་དང་། ལྷ་དང་མིའི་གནས་སུ་ཤིན་ཏུ་འབར་བའོ། །དུད་པ་ཞེས་བགྱི་བ་ནི་ཉོན་མོངས་པའི་འབྲས་བུ་སྨིན་པ་སྟེ། མི་རྟག་པ་དང་མི་གཙང་བ་དང་ཤིན་ཏུ་བཙོག་པས་ན་དུད་
D119.053.0289a05.01པ་ཞེས་བགྱི་སྟེ། སེམས་ཅན་གང་ཉོན་མོངས་པ་མ་བྱས་ན་དེ་ལ་ཉོན་མོངས་པའི་རྣམ་པར་སྨིན་པའི་འབྲས་བུ་མ་མཆིས་ཏེ། དེ་བས་ན་དེ་བཞིན་གཤེགས་པས་མེ་མ་བུས་ན་དུད་པ་མེད་དོ་ཞེས་གསུངས་སོ། །བཅོམ་ལྡན་འདས་བདག་ནི་ཡང་དག་པར་ལྟ་བ་ལགས་ན། ཐུགས་བརྩེ་བའི་
D119.053.0289a06.01སླད་དུ་རབ་ཏུ་འབྱུང་བར་ཅི་གནང་ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་ཤེས་ཀཽཎྜི་ནྱ་ལ་འདི་སྐད་ཅེས་བཀའ་སྩལ་ཏོ། །ཀུན་དུ་རྒྱུ་འདི་རབ་ཏུ་ཕྱུང་ལ་བསྙེན་པར་རྫོགས་པར་གྱིས་ཤིག །དེ་ནས་ཀཽཎྜི་ནྱས་སངས་རྒྱས་ཀྱིས་བཀའ་སྩལ་པ་དེ་བཞིན་དུ་དགེ་སློང་
D119.053.0289a07.01