完整藏文原文 · 德格版页 当前仅加载第 53 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། མཁར་ནི་མྱ་ངན་ལས་འདའ་བའི་དཔེའོ། །སྒོ་ནི་འཕགས་པའི་ལམ་བརྒྱད་ཀྱི་དཔེའོ། །སྒོ་སྲུངས་ནི་དེ་བཞིན་གཤེགས་པའི་དཔེའོ། །རིགས་ཀྱི་བུ་དེ་བཞིན་གཤེགས་པས་ཟད་པ་དང་མི་ཟད་པའི་ལན་མ་གསུངས་མོད་ཀྱི། ཇི་ཙམ་དུ་ཟད་པར་འགྱུར་བ་དེ་ནི་
D119.053.0299a01.01འཕགས་པའི་ལམ་བརྒྱད་ནན་ཏན་བྱེད་པ་ལས་འགྱུར་རོ། །བྲམ་ཟེས་སྨྲས་པ། ལེགས་སོ་ལེགས་སོ། །བཙུན་པ་ཀཽཎྜི་ནྱས་དེ་བཞིན་གཤེགས་པ་དམ་པའི་ཆོས་སྟོན་པ་ལ་ཤིན་ཏུ་མཁས་སོ། །བདག་ཀྱང་མཁར་དང་ལམ་ཤེས་ཤིང་སྒོ་སྲུངས་ལྟ་བུར་དད་དོ། །ཀཽཎྜི་ནྱས་སྨྲས་པ།
D119.053.0299a02.01ལེགས་སོ། །བྲམ་ཟེ་བླ་ན་མེད་པ་རྒྱ་ཆེ་བའི་སེམས་བསྐྱེད་པ་ལེགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་ཤེས་ཀཽཎྜི་ནྱ་དེ་སྐད་མ་ཟེར་ཅིག །བྲམ་ཟེ་འདི་ནི་ད་གདོད་དེ་ལྟར་སེམས་བསྐྱེད་པ་མ་ཡིན་གྱི། ཀཽཎྜི་ནྱ་སྔོན་འདས་པའི་དུས་ན་བཅོམ་ལྡན་འདས་ཚད་མེད་པ་
D119.053.0299a03.01སྙེད་འདས་པའི་སྔ་རོལ་ན་སངས་རྒྱས་བཅོམ་ལྡན་འདས་ཀུན་ཏུ་འོད་ཅེས་བྱ་བ་དེ་བཞིན་གཤེགས་པ་ཡང་དག་པར་རྫོགས་པ། མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་རིག་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མིའི་སྟོན་པ་
D119.053.0299a04.01སངས་རྒྱས་བཅོམ་ལྡན་འདས་འཇིག་རྟེན་དུ་གཤེགས་ཏེ། སངས་རྒྱས་དེ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་བསྐལ་པ་བཟང་པོ་འདིར་མངོན་པར་སངས་རྒྱས་ཏེ། ཆོས་ཀྱི་མཚན་ཉིད་ཁོང་དུ་ཆུད་ཅིང་རྟོགས་ནས་ཡུན་རིང་མོད་ཀྱི། སེམས་ཅན་གྱི་
D119.053.0299a05.01ཕྱིར་མུ་སྟེགས་ཅན་དུ་སྟོན་ཏེ་མི་ཤེས་པ་ལྟར་བྱེད་དོ། །དེ་བས་ན་ཀཽཎྜི་ནྱ་ཁྱོད་བླ་ན་མེད་པའི་སེམས་བསྐྱེད་པ་ལེགས་སོ་ལེགས་སོ་ཞེས་མ་ཟེར་ཅིག །དེའི་ཚེ་བཅོམ་ལྡན་འདས་མཁྱེན་བཞིན་དུ་ཚེ་དང་ལྡན་པ་ཀཽཎྜི་ནྱ་ལ་དགེ་སློང་དགའ་བོ་ད་ལྟར་གང་ན་འདུག་ཅེས་བཀའ་སྩལ་ཏོ། །
D119.053.0299a06.01ཚེ་དང་ལྡན་པ་ཀཽཎྜི་ནྱས་གསོལ་པ། བཅོམ་ལྡན་འདས་དགེ་སློང་དགའ་བོ་ནི་ད་ལྟར་ཤིང་སཱ་ལའི་ཚལ་འདི་ནས་དཔག་ཚད་བཅུ་གཉིས་ཀྱི་ཕ་རོལ་ན་བདུད་དྲུག་ཁྲི་བཞི་སྟོང་སྙེད་ཀྱིས་ཡོངས་སུ་གཙེ་ཞིང་མཆིས་སོ། །བདུད་དེ་རྣམས་དེ་བཞིན་གཤེགས་པའི་གཟུགས་སུ་སྤྲུལ་
D119.053.0299a07.01