完整藏文原文 · 德格版页 当前仅加载第 53 函德格 325a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་ཉག་གཅིག་བདེ་བ་ཆེན་པོ་ལ་བཞུགས་ན། །འགྲོ་བ་མང་པོའི་སྡུག་བསྔལ་ཆེན་པོ་ཇི་ལྟར་བགྱི། །བཅོམ་ལྡན་འདས་པའི་དུས་ན་བདག་ཅག་རྣམས་ཀྱི་ཕྱིར། །བསྐལ་པ་མང་པོར་དབུ་དང་ཕྱག་དང་ཞབས་ཀྱང་བཏང་། །བླ་ན་མེད་པའི་བྱང་ཆུབ་མངོན་པར་སངས་
D119.053.0325a01.01རྒྱས་ནས། །རིང་པོར་མི་བཞུགས་མྱ་ངན་ལས་ནི་འདའ་བར་གཤེགས། །བདག་ཅག་འཁོར་བཞི་མ་རིག་ཐིབས་པོར་གནས་པས་ན། །བདུད་ཀྱི་རྒྱལ་པོ་དགའ་ཤིང་སྤྲོ་བས་གོ་ཆའང་བོར། །ཀྱི་ཧུད་བཅོམ་ལྡན་འདས་ནི་ཐུགས་རྗེ་ཆེན་པོ་ཡིས། །རིང་བསྲེལ་བྱམས་པའི་འོད་ཀྱིས་
D119.053.0325a02.01བདག་ཅག་བསྐྱབས་པར་ཤོག །འཁོར་བཞི་པོ་ལ་བཅོམ་ལྡན་ཐུགས་བརྩེའི་ཕྱིར། །ཆོས་ཀྱི་དཀོན་མཆོག་ཕན་པ་ཟད་མི་ཤེས་པར་ཤོག །བདག་ཅག་རྣམས་ནི་འཕྲལ་དུ་འཆི་བར་མ་གྱུར་ཏེ། །འཚོ་བའི་ལྷག་མ་འདི་ཙམ་གྱིས་ནི་ཅི་ཞིག་ནུས། །ཀྱི་ཧུད་ཤིན་ཏུ་སྡུག་བསྔལ་
D119.053.0325a03.01བཟོད་པར་དཀའ། །ད་ནི་སླན་ཅད་བཅོམ་ལྡན་མཐོང་བའི་དུས་མ་མཆིས། །དེའི་ཚེ་དགའ་བོ་བགས་ཀྱིས་སངས་ནས། ཐལ་མོ་མགོ་ལ་རྡེབས་ཤིང་བྲང་ལ་ཁུ་ཚུར་གྱིས་བརྡེགས་ནས་སྐད་བརྣངས་ཤིང་སྡུག་བསྔལ་ལུས་ཀྱིས་མི་བཟོད་པ་ཙམ་དུ་ངུས་ནས་སངས་རྒྱས་ཀྱི་སྤྱན་སྔར་པུས་
D119.053.0325a04.01མོ་བཙུགས་ཏེ་ངུ་བའི་ཚིགས་སུ་བཅད་པ་འདི་སྐད་ཅེས་གསོལ་ཏོ། །བདག་སྔོན་བཅོམ་ལྡན་འདས་དང་སྨོན་ལམ་མཐུ་གཅིག་པས། །འཐུན་པར་གཅིག་ཏུ་ཤཱཀྱའི་རིགས་སུ་སྐྱེས་པར་གྱུར། །དེ་བཞིན་གཤེགས་པ་མངོན་པར་བྱང་ཆུབ་སངས་རྒྱས་ནས། །བདག་གིས་ལོ་ནི་ཉི་ཤུ་ལྷག་ཅིག་
D119.053.0325a05.01གཡོག་ཀྱང་བགྱིས། །དད་པའི་སེམས་ཀྱིས་བསྙེན་པར་བགྱི་བ་མ་ངོམས་བཞིན། །ནང་གཅིག་བོར་ནས་ཡོངས་སུ་མྱ་ངན་འདའ་བར་གཤེགས། །ཀྱི་ཧུད་ཀྱི་ཧུད་སྡུག་བསྔལ་ཆེན་པོས་གདུངས་པར་གྱུར། །ཡུན་དུ་སྡུག་བསྔལ་གྱིས་ནི་སེམས་ཀྱང་རབ་ཏུ་གཟིར། །བདག་གི་ལུས་ཀྱང་
D119.053.0325a06.01སྲིད་པའི་དྲ་བ་ལས་མ་གྲོལ། །མ་རིག་པ་ཡི་སྒོ་ང་ལས་ཀྱང་ཕྱིར་མ་བྱུང་། །བཅོམ་ལྡན་འདས་ཀྱིས་མ་རིག་སྒོ་ང་མ་བཅག་པར། །ཅི་ཡི་སླད་དུ་ཡོངས་སུ་མྱ་ངན་འདའ་བར་གཤེགས། །བདག་ནི་གསར་དུ་བཙས་པའི་བུ་དང་མཚུངས་པ་ལ། །མ་ཡིས་བོར་ན་གདོན་མི་འཚལ་བར་
D119.053.0325a07.01