完整藏文原文 · 德格版页 当前仅加载第 53 函德格 335a 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཡས་པའི་ཚེམས་མཆེ་བ་གོང་མ་གཅིག་ལྷའི་འཇིག་རྟེན་དུ་སྤྱན་དྲངས་ནས་མཆོད་རྟེན་བྱས་ཏེ་མཆོད་དོ། །དེའི་ཚེ་ན་སྲིན་པོ་ཤིན་ཏུ་མྱུར་བ་དང་ལྡན་པ་གཉིས་ཤིག་ལུས་མི་སྣང་བར་སྦས་ནས་བརྒྱ་བྱིན་གྱི་ཕྱི་བཞིན་དུ་སངས་རྒྱས་ཀྱི་ཚེམས་མཆེ་བ་གཉིས་བརྐུས་ན། འཁོར་
D119.053.0335a01.01མང་པོ་ཀུན་གྱིས་མ་ཚོར་རོ། །དེའི་ཚེ་ན་གྲོང་ཁྱེར་དེའི་སྐྱེས་པ་དང་། བུད་མེད་དང་། འཁོར་མང་པོ་ཐམས་ཅད་ཀྱིས་རིང་བསྲེལ་རྟོད་དུ་ཆ་བ་ལས་མ་འགགས་པས་འདི་སྐད་ཅེས་སྨྲས་སོ། །ཁྱེད་རྣམས་རེ་ཞིག་སྡོད་ཅིག །དེ་བཞིན་གཤེགས་པས་གསུངས་པའི་ལུང་བཞིན་དུ་
D119.053.0335a02.01ལེགས་པར་བགོས་ཏེ་མཆོད་པ་བྱའོ། །དེའི་ཚེ་ན་གྲོང་ཁྱེར་དེའི་སྐྱེས་པ་དང་། བུད་མེད་དང་། འཁོར་མང་པོས་མ་འགགས་པས་སྨྲས་པ་མ་ཐོས་པ་རྣམས་སོ་སོ་ནས་མཚོན་ཤག་ཏི་དང་། མདའ་གཞུ་དང་། རལ་གྲི་དང་། ཞགས་པ་ལ་སོགས་ཏེ་མཚོན་མང་པོ་ཐོགས་ནས་
D119.053.0335a03.01རིང་བསྲེལ་རྟོད་དུ་ཆས་སོ། །དེ་ནས་གྲོང་ཁྱེར་དེའི་མི་རྣམས་ཀྱིས་དེ་བཞིན་གཤེགས་པའི་པུར་སྒྲོམ་ཕྱེ་ན་ཤིང་བལ་དང་། རས་དཀར་པོ་ཡང་ཅང་མ་ཚིག་པར་འཁོར་རྣམས་ཀྱིས་མཐོང་ནས་ལྷག་པར་མྱ་ངན་གྱིས་ཡིད་གདུངས་ཏེ་མཆི་མ་བླགས་ནས་ངུས་སོ། །དེ་ནས་ངུས་བཞིན་དུ་
D119.053.0335a04.01མཆོད་དེ་ཕྱག་འཚལ་ནས། པུས་མོའི་ལྷ་ང་ས་ལ་བཙུགས་ཏེ་ཚིགས་སུ་བཅད་པ་འདི་སྐད་ཅེས་སྨྲས་སོ། །དེ་བཞིན་གཤེགས་པའི་དབང་སྒྱུར་ཆེན་པོའི་ཤུགས། །འཇིག་རྟེན་ཐམས་ཅད་ཀུན་ལ་དབང་སྒྱུར་མཛད། །ཐུགས་རྗེ་ཆེན་པོ་སྔོན་གྱི་སྨོན་ལམ་གྱིས། །སྲིད་པའི་རྒྱ་མཚོར་སེམས་
D119.053.0335a05.01ཅན་ཡོངས་སུ་སྒྲོལ། །ཚད་མེད་ཡེ་ཤེས་མངོན་པར་ཤེས་པའི་མཐུ། །ཐོགས་པ་མེད་པ་སྲིད་པའི་འཁོར་བར་འཇུག །སྐུ་གཅིག་ལས་ནི་སྐུ་མང་རྣམ་པར་སྟོན། །སྐུ་མང་སྐུ་གཅིག་དེ་བཞིན་ཚད་ཀྱང་མེད། །འདུལ་བར་འགྱུར་བ་བྱིན་གྱི་བརླབས་ཀྱིས་མཐོང་། །རྒྱུ་མེད་པ་ལ་མྱ་ངན་འདའ་བ་སྟོན། །
D119.053.0335a06.01བདག་ཅག་བསོད་ནམས་ཟད་དེ་རྒྱུ་མེད་པས། །དེ་བཞིན་གཤེགས་པས་ཡོངས་སུ་བཏང་བར་གྱུར། །དེ་བཞིན་གཤེགས་པའི་རིན་ཆེན་པུར་སྒྲོམ་ནི། །གྱད་ཀུན་བཟློག་སྟེ་བཏེག་ཀྱང་བསྐྱོད་མ་ནུས། །ཐུགས་རྗེ་ཆེན་པོའི་ཤུགས་ཀྱིས་འཕགས་པ་ནི། །སྟེང་གི་ནམ་མཁའ་ཏ་ལ་གཅིག་གི་སྲིད། །མཁའ་ལས་རྩྭ་
D119.053.0335a07.01