完整藏文原文 · 德格版页 当前仅加载第 53 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་མར་ཡང་དགེ་ཞིང་སེམས་ཅན་ཚད་མེད་པ་སྙེད་ལ་ཕན་འདོགས་པའི་ཕྱིར་ཚངས་པའི་སྤྱོད་པ་སྟོན་པའི་དགེ་སློང་དེ་ལྟ་བུ་ནི་སཱ་ལའི་ཤིང་རབ་ཏུ་བརྒྱན་པར་འགྱུར་རོ། །བྱང་ཆུབ་སེམས་དཔའ་སེང་གེ་སྒྲས་གསོལ་པ། བཅོམ་ལྡན་འདས་ཇི་ལྟར་བདག་
D119.053.0144a01.01གིས་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། དགེ་སློང་དགའ་བོ་དེ་ཁོ་ན་ལགས་སོ། །དེ་ཅིའི་སླད་དུ་ཞེ་ན། དགེ་སློང་དགའ་བོ་ནི་མདོ་སྡེ་སྡེ་བཅུ་གཉིས་གཟུངས་སུ་འཛིན་ཅིང་འདོན་ནོ། །ཀློག་གོ། །གཞན་ལ་ཡང་ཚིག་དམ་པ་དང་། དོན་དམ་
D119.053.0144a02.01པ་འབྱེད་ཅིང་སྟོན་ཏོ། །ཇི་ལྟར་སྣོད་གཅིག་ནས་གཅིག་ཏུ་ཆུ་བླུགས་པ་ལྟར་དགེ་སློང་དགའ་བོ་ཡང་དེ་དང་འདྲ་སྟེ། སངས་རྒྱས་ལས་ཇི་ལྟར་ཐོས་པ་ལྟར་གཞན་ལ་ཡང་སྟོན་ཏོ། །རིགས་ཀྱི་བུ་གལ་ཏེ་དགེ་སློང་གང་ལྷའི་མིག་རྣམ་པར་དག་པ་ཐོབ་པས་ཕྱོགས་
D119.053.0144a03.01བཅུའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ལག་མཐིལ་དུ་ཨ་མྲའི་འབྲས་བུ་བཞག་པ་ལྟར་མཐོང་བའི་དགེ་སློང་དེ་ལྟ་བུ་ཡང་སཱ་ལའི་ཤིང་རབ་ཏུ་བརྒྱན་པར་འགྱུར་རོ། །སེང་གེ་སྒྲས་གསོལ་པ། བཅོམ་ལྡན་འདས་གལ་ཏེ་དེ་ལྟ་ན་དགེ་སློང་མ་
D119.053.0144a04.01འགགས་པ་དེ་ཁོ་ན་ལགས་སོ། །དེ་ཅིའི་སླད་དུ་ཞེ་ན། མ་འགགས་པའི་ལྷའི་མིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལྔ་ཕུང་བར་མའི་བར་དུ་ཅི་མཆིས་པ་ཐམས་ཅད་ཐོགས་པ་མ་མཆིས་པར་གསལ་བར་མཐོང་ངོ་། །རིགས་ཀྱི་བུ་གལ་ཏེ་དགེ་
D119.053.0144a05.01སློང་གང་འདོད་པ་ཉུང་ཞིང་ཆོག་ཤེས་ལ་བདེ་བ་ལ་མོས་ཤིང་བརྩོན་འགྲུས་རབ་ཏུ་རྩོམ་སྟེ། དྲན་པ་དང་། ཏིང་ངེ་འཛིན་དང་། ཤེས་རབ་སྒོམ་པ་དེ་ལྟ་བུའི་དགེ་སློང་ཡང་སཱ་ལའི་ཤིང་རབ་ཏུ་བརྒྱན་པར་འགྱུར་རོ། །སེང་གེ་སྒྲས་གསོལ་པ། བཅོམ་ལྡན་འདས་གལ་ཏེ་དེ་ལྟ་ན་
D119.053.0144a06.01དགེ་སློང་འོད་སྲུང་ཉིད་དེ་ཁོ་ན་ལགས་སོ། །དེ་ཅིའི་སླད་དུ་ཞེ་ན། དགེ་སློང་འོད་སྲུང་ནི་འདོད་པ་ཉུང་བ་དང་། ཆོག་ཤེས་པ་ལ་སོགས་པའི་ཆོས་ཤིན་ཏུ་སྒོམ་མོ། །རིགས་ཀྱི་བུ་གལ་ཏེ་དགེ་སློང་གང་སེམས་ཅན་ལ་ཕན་པའི་དོན་དུ་རྙེད་པ་དང་། གྲགས་པའི་ཕྱིར་མ་ཡིན་
D119.053.0144a07.01