完整藏文原文 · 德格版页 当前仅加载第 53 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་མཛད་པའི་དུས་ཀྱི་སྲས་ལགས་ཏེ། རབ་ཏུ་བྱུང་ནས་མདོ་སྡེ་སྡེ་བཅུ་གཉིས་འཆང་བ་དང་། འཛིན་པ་དང་། ཀློག་པ་དང་། འདོན་པ་དང་། རྣམ་པར་ཕྱེ་སྟེ་དགྲོལ་ཞིང་བཤད་པར་ཡང་བགྱི། འདོད་པའི་ཁམས་ཀྱི་ཀུན་ནས་ཉོན་མོངས་
D119.053.0186a01.01པ་ཡང་བཅོམ། བསམ་གཏན་བཞི་ཡང་ཐོབ་ན་ཅིའི་སླད་དུ་དེ་བཞིན་གཤེགས་པས་དགེ་སློང་ལེགས་པའི་སྐར་མ་ནི་ལོག་སྲེད་ཅན་ཡིན་ཏེ། ཀུན་གྱི་ཐ་མར་གྱུར་པ་འདི་བསྐལ་པའི་བར་དུ་སེམས་ཅན་དམྱལ་བར་གནས་ཀྱང་གསོར་མི་རུང་ངོ་ཞེས་ལུང་བསྟན། ཅིའི་
D119.053.0186a02.01སླད་དུ་དེ་བཞིན་གཤེགས་པས་སྔར་དམ་པའི་ཆོས་བསྟན་ཏེ། ཕྱིས་བྱང་ཆུབ་སེམས་དཔར་འགྱུར་བར་མི་མཛད། གལ་ཏེ་སངས་རྒྱས་བཅོམ་ལྡན་འདས་ཀྱིས་ལེགས་པའི་སྐར་མའི་མགོན་དང་སྐྱབས་མཛད་པར་མི་འགྱུར་ན། ཐུགས་རྗེ་ཆེན་པོ་དང་ལྡན་ཞིང་ཐབས་མཁས་
D119.053.0186a03.01པ་ཆེན་པོའོ་ཞེས་ཅི་ལ་གདགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེར་ན་ཕ་མ་ལ་བུ་གསུམ་ཞིག་ཡོད་དེ། བུ་རབ་ནི་ཕ་མ་ལ་སྲི་ཞུ་དང་བཀུར་སྟི་ཡང་བྱེད། དབང་པོ་རྣོ་བས་འཇིག་རྟེན་གྱི་བྱ་བ་ཐམས་ཅད་བསླབས་ན་མྱུར་དུ་ལོབས་སོ། །བུ་འབྲིང་པོ་
D119.053.0186a04.01ནི་ཕ་མའི་ཡིད་དང་འཐུན་པར་ཡང་མི་བྱེད། སྲི་ཞུ་དང་བཀུར་སྟིའི་སེམས་ཀྱང་མེད། དབང་པོ་རྣོ་བས་འཇིག་རྟེན་གྱི་བྱ་བ་བསླབས་ན་མྱུར་དུ་ལོབས་སོ། །བུ་ཐ་{ཆུངས་,ཆུང་}ནི་ཕ་མའི་ཡིད་དང་འགལ་བར་བྱེད་དེ། སྲི་ཞུ་དང་བཀུར་སྟིའི་སེམས་ཀྱང་མེད། དབང་པོ་ཡང་རྟུལ་ཏེ་ཤེས་པ་མེད་དོ། །
D119.053.0186a05.01གལ་ཏེ་ཕ་མས་སྦྱང་ཞིང་བསླབ་པར་བྱ་ན་སྔར་གང་བསླབ་ཏུ་གཞུག་ཅིང་གང་ལ་སྡུག་ཅིང་བྱམས་པར་བྱེད། བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་སྔར་གང་ཕ་མའི་ཡིད་དང་མི་འགལ་བར་བྱེད་ཅིང་སྲི་ཞུ་དང་བཀུར་སྟི་བྱེད་པ་དང་། འཇིག་རྟེན་གྱི་བྱ་བ་
D119.053.0186a06.01བསླབས་ན་མྱུར་དུ་ལྡོབ་པ་དེ་བསླབས་ནས། དེའི་འོག་ཏུ་བུ་འབྲིང་པོ་དང་ཐ་{ཆུངས་ཀྱང་,ཆུང་ཡང་}སློབ་བོ། །བུ་འོག་མ་གཉིས་ལ་སྲི་ཞུ་དང་བཀུར་སྟི་བྱ་བའི་སེམས་མེད་མོད་ཀྱི། འོན་ཀྱང་བྱམས་པས་སློབ་པའི་གྲར་སློབ་ཏུ་བཅུག་གོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་
D119.053.0186a07.01