完整藏文原文 · 德格版页 当前仅加载第 53 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་པར་གྱུར་ན་གཉིས་སུ་གསུང་བར་མི་འགྱུར་རམ། བདག་གིས་སྔོན་རྒན་རབས་མཁས་པ་བློ་ཅན་ལས་གཏམ་དུ་ཐོས་ན། གལ་ཏེ་སངས་རྒྱས་འཇིག་རྟེན་དུ་གཤེགས་པ་ན། རྣམ་པ་གཉིས་སུ་གསུང་མི་སྲིད་དོ་ཞེ་ན། ད་ནི་གཽ་ཏ་མས་རྣམ་པ་གཉིས་སུ་གསུངས་སོ། །གཞན་
D119.053.0278b01.01ཡང་སངས་རྒྱས་ཞེས་བགྱི་བ་ང་ཡིན་ནོ་ཞེས་གསུངས་པའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བྲམ་ཟེ་ལ་བཀའ་སྩལ་པ། ཁྱོད་ཀྱིས་སྨྲས་པ་ལྟར་ཡང་ཁྱོད་ལ་དྲི་བ་དྲིས་ན་དེ་དང་དེའི་ལན་ཡང་སྨྲ་བར་བྱའོ། །བྲམ་ཟེས་ལེགས་སོ་གཽ་ཏ་མ་ཞེས་གསོལ་ཏོ། །བཅོམ་ལྡན་
D119.053.0278b02.01འདས་ཀྱིས་བཀའ་སྩལ་པ། ཁྱོད་ཀྱི་རང་བཞིན་ཞེས་བྱ་བ་དེ་རྟག་པ་ཡིན་ནམ། མི་རྟག་པ་ཡིན། བྲམ་ཟེས་གསོལ་པ། བདག་གི་རང་བཞིན་ཞེས་བགྱི་བ་ནི་རྟག་པ་ལགས་སོ། །བྲམ་ཟེ་རང་བཞིན་དེས་ཕྱི་ནང་གི་ཆོས་ཐམས་ཅད་ཀྱི་རྒྱུར་འགྱུར་རམ། གསོལ་པ། དེ་བཞིན་
D119.053.0278b03.01ནོ། །བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་ཇི་ལྟ་བུར་རྒྱུར་འགྱུར། གསོལ་པ། གཽ་ཏ་མ་རང་བཞིན་ལས་ཆེན་པོ་སྐྱེའོ། །ཆེན་པོ་ལས་ང་རྒྱལ་སྐྱེའོ། །ང་རྒྱལ་ལས་ཆོས་བཅུ་དྲུག་པོ་སྐྱེའོ། །འདི་ལྟ་སྟེ། ས་དང་། ཆུ་དང་། མེ་དང་། རླུང་དང་། ནམ་མཁའ་
D119.053.0278b04.01དང་། ཤེས་པའི་དབང་པོ་ལྔ་སྟེ། མིག་དང་། རྣ་བ་དང་། སྣ་དང་། ལྕེ་དང་། རེག་བྱ་དང་། ལུས་ཀྱི་དབང་པོ་ལྔ་སྟེ། ལག་པ་དང་། རྐང་པ་དང་། ཁ་དང་། སྐྲ་དང་། ཕོ་དང་མོའི་དབང་པོ་དང་། སེམས་མཉམ་པའི་དབང་པོའོ། །ཆོས་རྣམ་པ་བཅུ་དྲུག་པོ་འདི་ནི་
D119.053.0278b05.01གཟུགས་དང་། སྒྲ་དང་། དྲི་དང་། རོ་དང་། རེག་བྱའི་ཆོས་ལྔ་པོ་ལས་སྐྱེས་སོ། །ཆོས་ཉི་ཤུ་རྩ་གཅིག་པོ་འདིའི་རྩ་བ་ནི་རྣམ་པ་གསུམ་སྟེ། ཞེན་པ་དང་། རྡུལ་དང་། ནག་པོའོ། །ཞེན་པ་ཞེས་བགྱི་བ་ནི་འདོད་པའོ། །རྡུལ་ཞེས་བགྱི་བ་ནི་ཞེ་སྡང་ངོ་། །ནག་པོ་ཞེས་
D119.053.0278b06.01བགྱི་བ་ནི་མ་རིག་པའོ། །གཽ་ཏ་མ་ཆོས་ཉི་ཤུ་ལྔ་པོ་ནི་ཐམས་ཅད་ཀྱང་རང་བཞིན་ལས་སྐྱེས་སོ། །བཀའ་སྩལ་པ། བྲམ་ཟེ་ཆེན་པོ་ལ་སོགས་པའི་ཆོས་འདི་དག་རྟག་པ་ཡིན་ནམ། མི་རྟག་པ་ཡིན། གསོལ་པ། གཽ་ཏ་མ་བདག་གི་ཆོས་ཀྱི་རང་བཞིན་ནི་རྟག་པ་ལགས་ཀྱི། ཆེན་
D119.053.0278b07.01