完整藏文原文 · 德格版页 当前仅加载第 53 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དགེ་བསྙེན་མའི་བར་དུ་མི་རྟག་པར་འདུ་ཤེས་པ་ལ་ནན་ཏན་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་ལ་རྣམ་པ་གཉིས་ཏེ། ཐོག་མ་སེམས་བསྐྱེད་པ་དང་། བྱང་ཆུབ་ལ་ནན་ཏན་བྱེད་པའོ། །མི་རྟག་པར་
D119.053.0264b01.01འདུ་ཤེས་པ་ལ་ཡང་རྣམ་པ་གཉིས་ཏེ། སྦོམ་པོ་དང་། ཕྲ་མོའོ། །ཐོག་མ་སེམས་བསྐྱེད་པའི་བྱང་ཆུབ་སེམས་དཔས་མི་རྟག་པ་ལ་འདུ་ཤེས་པའི་ཚེ་ན་འདི་སྙམ་དུ་སེམས་སོ། །འཇིག་རྟེན་གྱི་དངོས་པོ་ལ་ཡང་རྣམ་པ་གཉིས་ཏེ། ནང་དང་ཕྱི་རོལ་ལོ། །དེ་ལྟར་
D119.053.0264b02.01ནང་གི་དངོས་པོ་ནི་མི་རྟག་ལ་འགྱུར་ཞིང་འཕོ་བ་སྟེ། བདག་གི་ལུས་འདི་ཐོག་མ་བཙས་པ་དང་། གཞོན་ནུ་དང་། ལང་ཚོ་བ་དང་། རྒས་འཁོགས་པ་དང་། ཤི་བ་ལ་སོགས་པའི་དུས་དང་། ཚད་སོ་སོར་ཐ་དད་དེ། དེ་བས་ན་ནང་གི་དངོས་པོ་ནི་མི་རྟག་པར་རྟོགས་
D119.053.0264b03.01སོ། །མི་རྟག་པར་རིག་གོ། །གཞན་ཡང་འདི་སྙམ་དུ་བདག་གིས་སེམས་ཅན་དག་ལ་བརྟགས་ན། ཁ་ཅིག་ཁ་དོག་དང་མདོག་དང་མཐུ་སྟོབས་སུ་ལྡན་ཏེ། འགྲོ་བ་དང་འོང་བ་ལ་ཐོགས་པ་མེད་པར་དབང་དུ་གྱུར། ཁ་ཅིག་ནི་ནད་ཀྱིས་གཟིར་ནས་ཤིན་དུ་རིད་དེ་
D119.053.0264b04.01མདོག་དང་ཁ་དོག་ཏུ་མི་ལྡན། མཐུ་དང་སྟོབས་མེད་པས་དབང་དུ་མ་གྱུར་ཏོ། །ཁ་ཅིག་ནི་ཤིན་ཏུ་ལོངས་སྤྱོད་དང་ལྡན་ཏེ་བང་མཛོད་ཀྱང་ཡོངས་སུ་གང་ངོ་། །ཁ་ཅིག་ནི་དབུལ་ཕོངས་པས་ཅི་ཡང་མི་བདོག་གོ། །ཁ་ཅིག་ནི་ཡོན་ཏན་ཕུན་སུམ་ཚོགས་པ་དང་ལྡན་པར་
D119.053.0264b05.01མཐོང་ངོ་། །ཁ་ཅིག་ནི་སྡིག་པ་མི་དགེ་བའི་ཆོས་དང་ལྡན་པར་མཐོང་བས་དེ་བས་ན་ངེས་པར་ནང་གི་ཆོས་ནི་མི་རྟག་པར་རིག་གོ། །གཞན་ཡང་ཕྱི་རོལ་གྱི་ཆོས་རྣམས་ནི་ས་བོན་དང་། མྱུ་གུ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུའི་ཚེ་སོ་སོར་ཐ་དད་དེ། དེ་
D119.053.0264b06.01ལྟར་ཕྱི་རོལ་གྱི་ཆོས་ཀྱང་ཁ་ཅིག་ནི་ཕུན་སུམ་ཚོགས་པ་དང་ལྡན། ཁ་ཅིག་ནི་ཕུན་སུམ་ཚོགས་པ་དང་མི་ལྡན་ཏེ། དེ་བས་ན་ཕྱི་རོལ་གྱི་ཆོས་ཐམས་ཅད་ཀྱང་མི་རྟག་པར་རིག་གོ་སྙམ་སེམས་སོ། །དེ་ལྟར་ཆོས་ཐམས་ཅད་མི་རྟག་པར་རྟོགས་ནས་ཐོས་པའི་སྒོ་ནས་ཆོས་
D119.053.0264b07.01