完整藏文原文 · 德格版页 当前仅加载第 53 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
སྔོན་གྱི་ལས་ནི་ཐོག་མ་དང་ཐ་མ་མེད་པའི་ཕྱིར་རོ། །དེ་བས་ན་ངས་ནི་འཕགས་པའི་ལམ་བསྒོམ་པ་ནི། ལམ་གྱིས་ཐོག་མ་དང་ཐ་མ་པའི་ལས་རྣམ་པར་བཟློག་པར་འགྱུར་རོ་ཞེས་གསུངས་སོ། །སྐྱེས་བུ་ཇི་སྟེ་དཀའ་ཐུབ་སྤྱོད་པས་ལམ་ཐོབ་ན་བྱོལ་སོང་ཐམས་ཅད་ཀྱིས་ཀྱང་བྱང་ཆུབ་ཐོབ་པའི་རིགས་
D119.053.0306b01.01སོ། །དེ་བས་ན་སྔར་སེམས་གདུལ་བར་བྱའི་ལུས་གདུལ་བ་མ་ཡིན་ནོ། །དེ་བས་ན་ངས་མདོ་སྡེ་ལས་ཀྱང་གསུངས་ཏེ། ཚལ་གཅོད་ན་ཤིང་མ་གཅོད་ཅིག །དེ་ཅིའི་ཕྱིར་ཞེ་ན། ཚལ་ལས་འཇིགས་པ་སྐྱེའི་ཤིང་ལས་སྐྱེ་བ་མ་ཡིན་ནོ། །ལུས་གདུལ་བར་འདོད་ན་སྔར་སེམས་
D119.053.0306b02.01གདུལ་བར་བྱའོ། །སེམས་ནི་ཚལ་གྱི་དཔེའོ། །ལུས་ནི་ཤིང་གི་དཔེའོ། །ཤིན་ཏུ་བཟང་པོས་གསོལ་པ། བཅོམ་ལྡན་འདས་བདག་གིས་ནི་སེམས་སྔར་བཏུལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་ཇི་ལྟ་བུར་སེམས་སྔར་བཏུལ། ཤིན་
D119.053.0306b03.01ཏུ་བཟང་པོས་གསོལ་པ། བཅོམ་ལྡན་འདས་བདག་གིས་ནི་འདོད་པ་ལ་མི་རྟག་པ་དང་། བདེ་བ་མེད་པ་དང་། ཡོངས་སུ་མ་དག་པར་ཡིད་ལ་བྱས་ཏེ། གཟུགས་ལ་རྟག་པ་དང་། བདེ་བ་དང་། བདག་དང་། ཡོངས་སུ་དག་པར་བརྟགས་སོ། །དེ་ལྟར་རྟོགས་ནས་འདོད་པའི་ཁམས་
D119.053.0306b04.01ཀྱི་ཉོན་མོངས་པ་ཆོད་དེ། གཟུགས་ཀྱི་སྐྱེ་མཆེད་ཐོབ་བོ། །དེ་བས་ན་བདག་གིས་ནི་སེམས་སྔར་བཏུལ་ལོ། །དེ་ནས་གཟུགས་ལ་བརྟགས་ན་གཟུགས་ནི་མི་རྟག་པ་སྟེ། རྨའམ། ཤུ་བའམ། གདུག་པའམ། ཟུག་རྔུ་ལྟ་བུར་རྟོགས་སོ། །གཟུགས་མེད་པ་ལ་ནི་རྟག་པ་དང་། རྣམ་པར་
D119.053.0306b05.01དག་པ་དང་། རབ་ཏུ་ཞི་བར་མཐོང་སྟེ། དེ་ལྟར་རྟོགས་ནས་གཟུགས་ཀྱི་ཁམས་ཀྱི་ཉོན་མོངས་པ་ཟད་པས་གཟུགས་མེད་པའི་སྐྱེ་མཆེད་ཐོབ་བོ། །དེ་བས་ན་བདག་གིས་སེམས་ནི་སྔར་བཏུལ་ལོ། །དེ་ནས་ཡང་འདུ་ཤེས་ལ་བརྟགས་ན་མི་རྟག་པ་དང་། རྨ་དང་། ཤུ་བ་དང་། གདུག་པ་དང་།
D119.053.0306b06.01ཟུག་རྔུ་ལྟ་བུར་རྟོགས་ཏེ། དེ་ལྟར་རྟོགས་ནས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་སྟེངས་ཀྱི་ཏིང་ངེ་འཛིན་ཐོབ་བོ། །དེ་ལྟར་འདུ་ཤེས་མེད་འདུ་ཤེས་མེད་མིན་སྐྱེ་མཆེད་སྟེངས་ཀྱི་ཐམས་ཅད་མཁྱེན་པའི་ཡེ་ཤེས་ཡིན་ཏེ། རབ་ཏུ་ཞི་བ། རྣམ་པར་དག་པ། ལྟུང་བ་མེད་པ། རྟག་པ་མི་འགྱུར་
D119.053.0306b07.01