完整藏文原文 · 德格版页 当前仅加载第 53 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
བས་ན་ང་ཡོངས་སུ་མྱ་ངན་ལས་འདས་ན་མདོ་སྡེ་སྡེ་བཅུ་གཉིས་རྒྱས་པར་སྒྲོགས་མི་ནུས་སོ། །ཇི་སྟེ་བྱང་ཆུབ་སེམས་དཔས་བར་བར་སྒྲོགས་ན་ཡང་གཞན་དག་ཡིད་མི་ཆེས་སོ། །འཇམ་དཔལ་དགེ་སློང་དགའ་བོ་ནི་ངའི་གཅུང་ཡིན་ཏེ། ལོ་ཉི་ཤུ་ལྷག་གི་བར་དུ་ངའི་གཡོག་
D119.053.0303b01.01བྱས་ནས་ཅི་ཐོས་པ་ཐམས་ཅད་ཡོངས་སུ་འཛིན་པ་ནི་ཇི་ལྟར་སྣོད་གཅིག་གི་ཆུ་གཅིག་གི་ནང་དུ་བྱོ་བ་བཞིན་ནོ། །དེ་བས་ན་ངས་དགའ་བོ་ག་རེ་ཞེས་དྲིས་ཏེ། ཡོངས་སུ་མྱ་ངན་ལས་འདའ་བའི་མདོ་སྡེ་འདི་འཛིན་དུ་གཞུག་པའི་ཕྱིར་བོས་སོ། །དགེ་སློང་དགའ་བོས་གང་མ་ཐོས་པའི་
D119.053.0303b02.01རྣམས་ཀྱང་བྱང་ཆུབ་སེམས་དཔའ་རྣམས་ལ་ཤིན་ཏུ་རྒྱས་པར་སྟོན་ཏེ། དགའ་བོས་ཅི་ཐོས་པ་ཐམས་ཅད་ཁོང་དུ་ཆུད་ཅིང་རྟོགས་པར་འགྱུར་རོ། །འཇམ་དཔལ་དགེ་སློང་དགའ་བོ་ནི་ད་ལྟར་འདི་ནས་དཔག་ཚད་བཅུ་གཉིས་ཀྱི་ཕ་རོལ་གནས་གཞན་ཞིག་ན་བདུད་དྲུག་ཁྲི་བཞི་སྟོང་
D119.053.0303b03.01སྙེད་ཀྱིས་རྣམ་པར་གཙེ་ཞིང་འདུག་གིས། ཁྱོད་སོང་ལ་སྐད་ཆེན་པོས་བདུད་རྣམས་ལ་ལེགས་པར་ཉོན་ཅིག །ལེགས་པར་ཉོན་ཅིག །དེ་བཞིན་གཤེགས་པས་གསུངས་པའི་གཟུངས་ཆེན་པོ་ནི་འདི་ཡིན་ནོ་ཞེས་བསྒོ་ཞིག །ལྷ་དང་། ཀླུ་དང་། དྲི་ཟ་དང་། ལྷ་མ་ཡིན་དང་། ནམ་
D119.053.0303b04.01མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དང་། རིའི་ལྷ་དང་། ཤིང་གི་ལྷ་དང་། ཆུའི་ལྷ་དང་། རྒྱ་མཚོའི་ལྷ་དང་། ཁྱིམ་གྱི་ལྷ་ལ་སོགས་ཏེ། ལྷ་ཐམས་ཅད་ཀྱིས་གཟུངས་ཀྱི་མིང་འདི་ཐོས་པ་ཙམ་གྱིས་བསྟི་སྟང་མི་བྱེད་པའམ། གཟུངས་
D119.053.0303b05.01ཀྱི་མིང་མི་འཛིན་པ་གང་ཡང་མེད་དོ། །གཟུངས་འདི་ནི་སངས་རྒྱས་གང་གཱའི་ཀླུང་བཅུའི་བྱེ་མ་སྙེད་ཀྱིས་གསུངས་ཏེ། བུད་མེད་ཀྱི་ལུས་སྤོང་ཞིང་སྔོན་གྱི་གནས་དྲན་པར་འགྱུར་རོ། །གལ་ཏེ་ཚངས་པར་སྤྱོད་པ་དང་། ཤ་མི་ཟ་བ་དང་། ཆང་མི་འཐུང་བ་དང་། དཀུ་བག་མི་ཟ་བ་དང་། གནས་
D119.053.0303b06.01དབེན་པ་ལ་དགའ་བ་དང་། རྣམ་པ་འདི་ལྔ་ལྟར་བྱས་ཏེ། དད་པའི་སེམས་ཀྱིས་གཟུངས་འདི་ཀློག་གམ། འདོན་ཏམ། གླེགས་བམ་དུ་འདྲི་ན་གང་ཟག་དེས་ནི་སྡིག་པ་མི་དགེ་བའི་ལས་ཁྲག་ཁྲིག་བདུན་ཅུ་རྩ་བདུན་ལས་འདས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ།
D119.053.0303b07.01