完整藏文原文 · 德格版页 当前仅加载第 53 函德格 312b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱའོ། །ལུས་ལ་ལུས་ཀྱི་རྗེས་སུ་བརྟགས་ཏེ་ནམ་མཁའ་དང་འདྲ་བར་རྟོགས་ན་ལུས་ལ་ལུས་ཀྱི་རྗེས་སུ་དྲན་པ་ཉེ་བར་གཞག་པ་ཞེས་བྱའོ། །ཚོར་བ་ལ་ཚོར་བའི་རྗེས་སུ་དྲན་པར་བྱས་ཏེ། ཚོར་བ་ཕྱི་རོལ་ན་ཡང་མི་གནས། ནང་ན་ཡང་མི་གནས། གཉིས་ཀའི་བར་ན་ཡང་མི་གནས་པར་རྟོགས་ན་ཚོར་བ་
D119.053.0312b01.01ལ་ཚོར་བའི་རྗེས་སུ་དྲན་པ་ཉེ་བར་གཞག་པ་ཞེས་བྱའོ། །སེམས་ལ་སེམས་ཀྱི་རྗེས་སུ་བརྟགས་ཏེ། སེམས་ནི་མིང་ཙམ་དུ་ཟད་དེ། མིང་ཉིད་དང་ཡང་བྲལ་བར་རྟོགས་ན་སེམས་ལ་སེམས་ཀྱི་རྗེས་སུ་དྲན་པ་ཉེ་བར་གཞག་པ་ཞེས་བྱའོ། །ཆོས་ལ་ཆོས་ཀྱི་རྗེས་སུ་བརྟགས་ཏེ་དགེ་བའི་ཆོས་སུ་
D119.053.0312b02.01ཡང་མི་དམིགས། མི་དགེ་བའི་ཆོས་སུ་ཡང་མི་དམིགས་ན་ཆོས་ལ་ཆོས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པ་ཞེས་བྱའོ། །དགའ་བོ་ཁྱོད་ཞུ་བ་ལྟར་དེ་བཞིན་གཤེགས་པ་མྱ་ངན་ལས་འདས་ནས་ཆོས་ཀྱི་མཛོད་བསྡུས་པ་ན། མདོ་སྡེ་ཐམས་ཅད་ཀྱི་མགོ་ནན་ལ་ཇི་སྐད་གདགས་ཞེས་བྱ་བ་ནི་དགའ་བོ་
D119.053.0312b03.01དེ་བཞིན་གཤེགས་པ་མྱ་ངན་ལས་འདས་ནས་ཆོས་ཀྱི་མཛོད་བསྡུས་པའི་མདོ་སྡེ་ཐམས་ཅད་ཀྱི་མགོ་ནན་ལ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཆེ་གེ་མོ་ཞིག་ན་འཁོར་རྣམ་བཞི་དང་ཐབས་ཅིག་ཏུ་བཞུགས་ཏེ། མདོ་སྡེ་འདི་གསུངས་སོ་ཞེས་ཐོགས་ཤིག །དེའི་ཚེ་དགའ་བོས་ཡང་
D119.053.0312b04.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་སངས་རྒྱས་འཇིག་རྟེན་ན་བཞུགས་ཀྱང་རུང་། མྱ་ངན་ལས་འདས་ཀྱང་རུང་། སྦྱིན་བདག་དད་པས་དེ་བཞིན་གཤེགས་པ་ལ་གསེར་དང་། དངུལ་དང་། རིན་པོ་ཆེ་སྣ་བདུན་དང་། ལོངས་སྤྱོད་ཀྱི་ཡོ་བྱད་མང་པོ་ཕུལ་ནས་ཇི་ལྟ་བུར་སུ་ལ་བཞག་པར་བགྱི་བཅོམ་
D119.053.0312b05.01ལྡན་འདས་ཀྱིས་དགའ་བོ་ལ་བཀའ་སྩལ་པ། གལ་ཏེ་སངས་རྒྱས་མངོན་དུ་བཞུགས་ན། སངས་རྒྱས་ལ་ཅི་ཕུལ་བ་ཐམས་ཅད་དགེ་འདུན་ལ་གཏད་པར་བྱའོ། །གལ་ཏེ་སངས་རྒྱས་མྱ་ངན་ལས་འདས་ནས་ཡོན་བདག་དད་པས་སངས་རྒྱས་ལ་བསྔོས་ཤིང་ཕུལ་བ་ཐམས་ཅད་སངས་རྒྱས་ཀྱི་སྐུ་གཟུགས་དང་།
D119.053.0312b06.01སངས་རྒྱས་ཀྱི་ན་བཟའ་དང་རིན་པོ་ཆེ་སྣ་བདུན་གྱི་བ་དན་དང་གདུགས་སུ་བྱ་ཞིང་མར་བསུང་ཅན་དང་། རིན་པོ་ཆེའི་མེ་ཏོག་ཉོས་ཏེ་སངས་རྒྱས་ལ་མཆོད་པ་བྱའོ། །སངས་རྒྱས་ལ་མཆོད་པ་བྱ་བ་མ་གཏོགས་པར་གཞན་དུ་སྤྱད་དུ་མི་རུང་ངོ་། །གལ་ཏེ་གཞན་དུ་སྤྱད་ན་སངས་རྒྱས་ཀྱི་དཀོར་བརྐུས་པ་ཡིན་ནོ། །དགའ་
D119.053.0312b07.01