完整藏文原文 · 德格版页 当前仅加载第 53 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་བྱིས་པ་ཞེས་མི་བྱའོ། །རིགས་ཀྱི་བུ་ཁྱོད་ཀྱིས་རྡོ་ཁབ་ལེན་དང་འདྲའོ་ཞེས་བྱ་བའི་དོན་ནི་དེ་ལྟ་མ་ཡིན་གྱི། དེ་ཅིའི་ཕྱིར་ཞེ་ན། རྡོས་ལྕགས་འཛིན་པ་མ་ཡིན་ནོ། །དེ་ཡང་ཅིའི་ཕྱིར་ཞེ་ན། སེམས་དང་ལས་མེད་པའི་ཕྱིར་རོ། །རིགས་ཀྱི་བུ་ཆོས་
D119.053.0172a01.01ཐ་དད་པ་ཡོད་པས་ཆོས་ཐ་དད་པར་འབྱུང་ངོ་། །ཆོས་ཐ་དད་པ་མེད་པས་ཆོས་ཐ་དད་པ་འགོག་སྟེ། བྱེད་པ་ཡང་མེད། འཇིག་པ་ཡང་མེད་དོ། །རིགས་ཀྱི་བུ་དཔེར་ན། མེ་མུར་གྱིས་ཤིང་ཚིག་པར་མི་ནུས་མོད་ཀྱི། མེ་བྱུང་ནས་ཤིང་འཇིག་པས་ཚིག་པ་ཞེས་བྱའོ། །
D119.053.0172a02.01རིགས་ཀྱི་བུ་དཔེར་ན་ལྕམ་པ་ནི་ཉི་མ་ཇི་ལྟ་བ་ལྟར་འགྱུར་ཏེ། ལྕམ་པ་དེ་ལ་འདུད་པའི་སེམས་ཀྱང་མེད། རྣམ་པར་ཤེས་པ་ཡང་མེད་ལ། ལས་ཀྱང་མེད་མོད་ཀྱི། ཆོས་ཐ་དད་པའི་མཚན་ཉིད་ཀྱིས་རང་འཁོར་ཞིང་འགྱུར་རོ། །རིགས་ཀྱི་བུ་དཔེར་ན་ཆུ་ཤིང་གི་སྡོང་པོ་ནི་
D119.053.0172a03.01འབྲུག་གི་སྒྲ་བསྒྲགས་པ་ན་སྐྱེ་སྟེ། སྡོང་པོ་དེ་ལ་རྣ་བ་མེད། སེམས་མེད། ཡིད་ཀྱི་རྣམ་པར་ཤེས་པ་མེད་ཀྱང་ཆོས་ཐ་དད་པ་ཡོད་པས་ཆོས་ཐ་དད་པ་སྐྱེས་སོ། །ཆོས་ཐ་དད་པ་མེད་ན་ཆོས་ཐ་དད་པ་འགོག་གོ། །རིགས་ཀྱི་བུ་དཔེར་ན་ཤིང་ཨ་ཤོ་ཀ་ལ་བུད་མེད་ཀྱིས་རེག་ན་
D119.053.0172a04.01མེ་ཏོག་འབྱུང་སྟེ། ཤིང་དེ་ལ་སེམས་ཀྱང་མེད། རེག་པའི་ཚོར་བ་ཡང་མེད་ཀྱང་། ཆོས་ཐ་དད་པ་ཡོད་པས་ཆོས་ཐ་དད་པ་འབྱུང་ངོ་། །ཆོས་ཐ་དད་པ་མེད་ན་ཆོས་ཐ་དད་པ་འགོག་གོ། །རིགས་ཀྱི་བུ་དཔེར་ན་སྐྱུར་རྩིའི་ཤིང་ནི་རོ་དང་འབགས་ན་ཤིང་ཏོག་ལེགས་ཤིང་མང་བར་
D119.053.0172a05.01འགྱུར་ཏེ། སྐྱུར་རྩིའི་ཤིང་དེ་ལ་སེམས་ཀྱང་མེད། རེག་པ་མེད་མོད་ཀྱི། ཆོས་ཐ་དད་པ་ཡོད་པས་ཆོས་ཐ་དད་པ་འབྱུང་ངོ་། །ཆོས་ཐ་དད་པ་མེད་ན་ཆོས་ཐ་དད་པ་འགོག་གོ། །རིགས་ཀྱི་བུ་དཔེར་ན་བལ་པོ་སེའུའི་ཤིང་འཛུགས་པ་སོ་ཕག་དང་། རུས་པ་དང་ལུད་ཀྱིས་སྨྲེད་བྱས་
D119.053.0172a06.01ན་འབྲས་བུ་ལེགས་པར་འགྱུར་ཏེ། བལ་པོ་སེའུའི་ཤིང་དེ་ལ་སེམས་དང་རེག་པ་མེད་མོད་ཀྱི། ཆོས་ཐ་དད་པ་ཡོད་པས་ཆོས་ཐ་དད་པ་འབྱུང་ངོ་། །ཆོས་ཐ་དད་པ་མེད་ན་ཆོས་ཐ་དད་པ་འགོག་སྟེ། རིགས་ཀྱི་བུ་རྡོ་ཁབ་ལེན་གྱིས་ལྕགས་ལེན་པ་ཡང་དེ་དང་འདྲ་བར་ཆོས་
D119.053.0172a07.01