完整藏文原文 · 德格版页 当前仅加载第 53 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
མཐུ་མེད་པར་བྱེད་ནུས་སོ། །དགེ་སྦྱོང་གཽ་ཏ་མའི་རིག་སྔགས་ཀྱི་མཐུ་མེད་པར་གྱུར་ན་བདག་ཅག་ལ་སོགས་པ་རྙེད་པ་དང་གྲགས་པ་ཐོབ་ཅིང་ཤིན་ཏུ་བདེ་བ་མྱོང་བར་འགྱུར་རོ། །དེའི་ཚེ་ན་གཞན་ཡང་བྲམ་ཟེ་ཞིག་འདི་སྐད་ཅེས་སྨྲས་སོ། །ཀྱེ་སྐྱེས་བུ་
D119.053.0275a01.01དག་དགེ་སྦྱོང་གཽ་ཏ་མ་ནི་ཡོན་ཏན་ཕུན་སུམ་ཚོགས་པ་ཚད་མེད་པ་དང་ལྡན་ཏེ། དེ་བས་ན་ཁྱེད་ལ་སོགས་པ་དེ་དང་རྩོད་པར་མ་བྱེད་ཅིག །མུ་སྟེགས་ཅན་གྱི་འཁོར་རྣམས་ཀྱིས་དེ་ལ་འདི་སྐད་སྨྲས་སོ། །གླེན་པ་གཏི་མུག་ཅན་ཁྱོད་ཅིའི་ཕྱིར་དགེ་སྦྱོང་གཽ་ཏ་མ་ལ་ཡོན་ཏན་ཚད་
D119.053.0275a02.01མེད་པ་དང་ལྡན་ནོ་ཞེས་སྨྲ། བཙས་ནས་ཞག་བདུན་ལོན་ནས་མ་ཡང་ཤི་བར་གྱུར་ན་དེ་ལ་བསོད་ནམས་དང་ཡོན་ཏན་དུ་ལྡན་ནོ་ཞེས་བྱར་རུང་ངམ། བྲམ་ཟེ་དེས་སྨྲས་པ། ཕ་རོལ་པོས་གཤེ་ཡང་ཕྱིར་མི་གཤེ་ལ། ཕ་རོལ་པོས་བརྡེགས་ཀྱང་ཕྱིར་མི་རྡེག་པས་དེ་ནི་ཡོན་
D119.053.0275a03.01ཏན་ཆེན་པོ་དང་ལྡན་པའི་མཚན་ཉིད་དེ། སྐུ་ལ་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་རྫུ་འཕྲུལ་ཚད་མེད་པ་དང་ལྡན་ཏེ། དེ་བས་ན་བསོད་ནམས་དང་ཡོན་ཏན་ཚད་མེད་པ་དང་ལྡན་པར་རིག་གོ། །ང་རྒྱལ་གྱི་སེམས་མེད་པས་སྔར་གསོང་པོར་སྨྲའོ། །
D119.053.0275a04.01གསུང་བའི་ཚིག་འཇམ་ཞིང་ངེས་པས་ངག་རྩུབ་པོ་མེད་དོ། །ལང་ཚོའི་དུས་ལ་བབ་ཀྱང་ཁྲོ་བ་དང་གཏུམ་པ་མེད་དོ། །རྒྱལ་པོའི་ཡུལ་ན་ནོར་རྫས་ཤིན་ཏུ་མང་ཡང་ཆགས་པ་མེད་པར་ཡོངས་སུ་བཏང་ནས་རབ་ཏུ་བྱུང་སྟེ། ངར་སྣབས་དང་འདྲ་བར་སྤངས་པས་བདག་གིས་ནི་དགེ་
D119.053.0275a05.01སྦྱོང་གཽ་ཏ་མ་འདི་ཡོན་ཏན་ཕུན་སུམ་ཚོགས་པ་ཚད་མེད་པ་དང་ལྡན་པར་སྨྲའོ། །དེ་ནས་འཁོར་རྣམས་ཀྱིས་འདི་སྐད་ཅེས་སྨྲས་སོ། །ཤིན་ཏུ་ལེགས་སོ་སྐྱེས་བུ་ཆེན་པོ་དགེ་སྦྱོང་གཽ་ཏ་མ་ནི་ཡང་དག་པར་ཁྱོད་སྨྲ་བ་ལྟར་ཡོན་ཏན་ཚད་མེད་པ་དང་། མངོན་པར་ཤེས་པའི་རྫུ་འཕྲུལ་
D119.053.0275a06.01ཚད་མེད་པ་དང་ལྡན་པས་བདག་ཅག་ནི་དེ་དང་འགྲན་མི་ཕོད་དོ། །དགེ་སྦྱོང་གཽ་ཏ་མ་ནི་རང་བཞིན་གྱིས་མཉེན་ཞིང་དེས་ཏེ་དཀའ་བ་ནི་མ་སྤྱད་ཀྱི་རྒྱལ་པོའི་ཁབ་ཏུ་བཙས་པས་སློབ་པ་གང་ལ་ཡང་མ་ཞུགས་ཏེ་ཚིག་འཇམ་པོར་སྨྲར་ནི་རུང་གི །སྒྱུ་རྩལ་དང་ཡི་གེ་དང་གཙུག་ལག་ལ་སོགས་པ་
D119.053.0275a07.01