完整藏文原文 · 德格版页 当前仅加载第 53 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
མོངས་པའི་བར་དུ་ཐམས་ཅད་ཀྱང་མི་རྟག་པ་ལགས་པས་རྒྱུ་མི་རྟག་པ་ལགས་ན་མྱ་ངན་ལས་འདའ་བ་ཐོབ་པ་ཡང་མི་རྟག་པ་ལགས་པའི་རིགས་སོ། །གཽ་ཏ་མ་རྟག་ཏུ་རྒྱུའི་དབང་གིས་ལྷར་སྐྱེས་ལ། རྒྱུའི་དབང་གིས་སེམས་ཅན་དམྱལ་བར་ལྟུང་སྟེ། རྒྱུ་ལས་
D119.053.0278a01.01རྣམ་པར་གྲོལ་ལོ་ཞེས་གསུངས་པས། དེ་བས་ན་ཆོས་ཐམས་ཅད་ནི་རྒྱུ་ལས་སྐྱེས་སོ། །གལ་ཏེ་རྒྱུའི་དབང་གིས་རྣམ་པར་གྲོལ་བར་གྱུར་ན་རྟག་ཅེས་བགྱིར་རུང་ངམ། གཽ་ཏ་མས་གཟུགས་ནི་རྐྱེན་ལས་སྐྱེས་པས་མི་རྟག་གོ་ཞེས་གསུངས་ལ། ཚོར་བ་དང་། འདུ་ཤེས་དང་།
D119.053.0278a02.01འདུ་བྱེད་དང་། རྣམ་པར་ཤེས་པ་ཡང་དེ་དང་འདྲའོ་ཞེས་གསུངས་ན། དེ་ལྟར་རྣམ་པར་གྲོལ་བ་དེ་གལ་ཏེ་གཟུགས་ལགས་ན་ནི་མི་རྟག་པ་ལགས་ཏེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་དེ་བཞིན་དུ་མི་རྟག་པ་ལགས་སོ། །གལ་ཏེ་ཕུང་
D119.053.0278a03.01པོ་ལྔའི་ཕ་རོལ་ན་རྣམ་པར་གྲོལ་བ་ཞིག་མཆིས་ན་རྣམ་པར་གྲོལ་བ་དེ་ནི་ནམ་མཁའ་ལགས་པར་འགྱུར་རོ། །གལ་ཏེ་ནམ་མཁའ་ལགས་ན་རྒྱུ་དང་རྐྱེན་ལས་སྐྱེས་ཞེས་བགྱིར་ཡང་མི་རུང་ངོ་། །དེ་ཅིའི་སླད་དུ་ཞེ་ན། རྟག་པ་དང་གཅིག་ཅེས་བགྱི་བ་གནས་ཐམས་ཅད་དུ་ཁྱབ་པའི་ཕྱིར་
D119.053.0278a04.01རོ། །གཽ་ཏ་མ་གཞན་ཡང་རྒྱུ་ལས་སྐྱེས་པ་ནི་སྡུག་བསྔལ་ཡིན་ནོ་ཞེས་གསུངས་ན། གལ་ཏེ་སྡུག་བསྔལ་ལགས་ན་ཅིའི་སླད་དུ་རྣམ་པར་གྲོལ་བ་ནི་བདེ་བའོ་ཞེས་གསུངས། གཽ་ཏ་མས་གཞན་ཡང་མི་རྟག་པ་ནི་སྡུག་བསྔལ་བ་སྟེ། སྡུག་བསྔལ་བ་ནི་བདག་མེད་པའོ་ཞེས་གསུངས་ན།
D119.053.0278a05.01གལ་ཏེ་མི་རྟག་ཅིང་སྡུག་བསྔལ་བ་དང་། བདག་མེད་པ་ལགས་ན་ནི་ཡོངས་སུ་མ་དག་པ་ལགས་ཏེ། རྒྱུ་ལས་སྐྱེས་པའི་ཆོས་ཐམས་ཅད་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། ཡོངས་སུ་མ་དག་པ་ལགས་ན་ཅིའི་སླད་དུ་མྱ་ངན་ལས་འདས་པ་ལ་རྟག་པ་དང་།
D119.053.0278a06.01བདེ་བ་དང་། བདག་དང་། ཡོངས་སུ་དག་པ་ལགས་སོ་ཞེས་གསུངས། གཽ་ཏ་མས་གལ་ཏེ་རྟག་པ་དང་མི་རྟག་པ་ཡང་ལགས། སྡུག་བསྔལ་བ་དང་བདེ་བ་ཡང་ལགས། བདག་དང་བདག་མ་མཆིས་པ་ཡང་ལགས། ཡོངས་སུ་དག་པ་དང་། ཡོངས་སུ་མ་དག་པ་ཞེས་ཀྱང་
D119.053.0278a07.01