完整藏文原文 · 德格版页 当前仅加载第 53 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཆོས་དང་། དགེ་འདུན་རྟག་པ་ཡིན་པར་ཡིད་ཆེས་ཤིང་ཕྱོགས་བཅུའི་སངས་རྒྱས་རྣམས་ཀྱང་ཐབས་ཀྱིས་མངོན་པར་སྟོན་པ་དང་། ལོག་སྲེད་ཅན་གྱི་བར་དུ་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པར་ཡིད་ཆེས་ཀྱི། དེ་བཞིན་གཤེགས་པ་ལ་སྐྱེ་བ་
D119.053.0153b01.01དང་། རྒ་བ་དང་། ན་བ་དང་། འཆི་བ་དང་། དཀའ་བ་སྤྱོད་པ་དང་། ལྷ་སྦྱིན་གྱིས་ཡང་དག་པར་དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པའི་སྐུ་ལ་ཁྲག་ཕྱུང་བ་དང་། དེ་བཞིན་གཤེགས་པ་མཐའ་ཡུན་དུ་མྱ་ངན་ལས་འདས་པ་དང་། དམ་པའི་ཆོས་མ་ལུས་
D119.053.0153b02.01པར་ཟད་པར་འགྱུར་རོ་ཞེས་བྱ་བ་ལ་ཡིད་ཆེས་པ་མ་ཡིན་པ་ནི་བྱང་ཆུབ་སེམས་དཔའ་དད་པའི་སེམས་དང་ལྡན་པ་ཞེས་བྱའོ། །ཚུལ་ཁྲིམས་རྣམ་པར་དག་པ་དང་ལྡན་པ་ཡིན། དེ་ལ་ཇི་ལྟར་ན་ཚུལ་ཁྲིམས་རྣམ་པར་དག་པ་དང་ལྡན་པ་ཞེ་ན། རིགས་ཀྱི་བུ་གལ་ཏེ་བྱང་ཆུབ་སེམས་
D119.053.0153b03.01དཔའ་གང་བདག་ཉིད་ཚུལ་ཁྲིམས་རྣམ་པར་དག་གོ་ཞེས་ཁས་འཆེས་ཏེ། བུད་མེད་ལ་མི་རེག་མོད་ཀྱི་བུད་མེད་མཐོང་བ་ན་སྟེག་གམ། རྩེད་མོའི་ཚིག་སྨྲ་བ་ན་བྱང་ཆུབ་སེམས་དཔའ་དེ་ནི་འདོད་ཆགས་ཀྱི་ཆོས་དང་ལྡན་པ་ཡིན་ཏེ་དེ་ནི་ཚུལ་ཁྲིམས་རྣམ་པར་དག་པ་ཉམས་ཤིང་ཚངས་པར་
D119.053.0153b04.01སྤྱོད་པའི་རིགས་སུན་པར་བྱེད་པས་ཚུལ་ཁྲིམས་སྨེ་བར་བྱེད་པ་སྟེ། དེ་ནི་ཚུལ་ཁྲིམས་རྣམ་པར་དག་པ་དང་ལྡན་པ་ཞེས་མི་བྱའོ། །གཞན་ཡང་བྱང་ཆུབ་སེམས་དཔའ་གང་ཚུལ་ཁྲིམས་རྣམ་པར་དག་གོ་ཞེས་ཁས་འཆེས་ཏེ། བུད་མེད་ཀྱི་ལུས་ལ་མི་རེག་ཅིང་སྟེག་པ་དང་རྩེད་མོའི་
D119.053.0153b05.01ཚིག་མི་སྨྲ་མོད་ཀྱི་དབེན་པ་སྐྱབས་ཡོད་པའི་ཕྱི་རོལ་ན་བུད་མེད་ཀྱི་རྒྱན་དང་། ཕྲེང་བ་དང་། དོ་ཤལ་གྱི་སྒྲ་དང་། སྐད་རྣམ་པ་སྣ་ཚོགས་ཐོས་པ་ལས་ཆགས་པའི་སེམས་བསྐྱེད་ན། བྱང་ཆུབ་སེམས་དཔའ་དེ་ཡང་འདོད་ཆགས་ཀྱི་ཆོས་དང་ལྡན་པ་ཡིན་ཏེ། ཚུལ་ཁྲིམས་རྣམ་
D119.053.0153b06.01པར་དག་པ་ཉམས་ཤིང་ཚངས་པར་སྤྱོད་པའི་རིགས་སུན་པར་བྱེད་པས་ཚུལ་ཁྲིམས་སྨེ་བར་བྱེད་པ་སྟེ། དེ་ཡང་ཚུལ་ཁྲིམས་རྣམ་པར་དག་པ་དང་ལྡན་པ་ཞེས་མི་བྱའོ། །གཞན་ཡང་བྱང་ཆུབ་སེམས་དཔའ་གང་ཚུལ་ཁྲིམས་རྣམ་པར་དག་གོ་ཞེས་ཁས་འཆེས་ཏེ། བུད་མེད་
D119.053.0153b07.01