完整藏文原文 · 德格版页 当前仅加载第 53 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དུས་ན་ལུས་ཡོངས་སུ་དག་པར་འགྱུར་བས་སངས་རྒྱས་ཀྱི་རང་བཞིན་ཞེས་གསུངས་སོ། །གསོལ་པ། བཅོམ་ལྡན་འདས་བཅོམ་ལྡན་འདས་ཀྱིས་གསུངས་པ་ལྟར་དོན་དེ་ལྟ་བུ་ལགས་ན་ཅིའི་སླད་དུ་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་
D119.053.0192b01.01མཆིས་སོ་ཞེས་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སེམས་ཅན་གྱི་སངས་རྒྱས་ཀྱི་རང་བཞིན་ནི་ད་ལྟར་གྱི་དུས་ན་མེད་ཀྱང་མེད་ཅེས་བྱར་མི་རུང་ངོ་། །དཔེར་ན་ནམ་མཁའ་ཡང་ད་ལྟར་མེད་མོད་ཀྱི་མེད་ཅེས་བྱར་མི་རུང་ངོ་། །སེམས་
D119.053.0192b02.01ཅན་ཐམས་ཅད་ནི་མི་རྟག་པ་ཡིན་མོད་ཀྱི། སངས་རྒྱས་ཀྱི་རང་བཞིན་ནི་རྟག་པ་མི་འགྱུར་མི་འཕོ་བ་ཡིན་ཏེ། དེ་བས་ན་ངས་མདོ་སྡེ་འདི་ལས་སེམས་ཅན་གྱི་སངས་རྒྱས་ཀྱི་རང་བཞིན་ནི་ནང་ན་མ་ཡིན། ཕྱི་རོལ་ན་མ་ཡིན་ཏེ། ནམ་མཁའ་ལྟར་ནང་ན་མ་ཡིན་ཕྱི་
D119.053.0192b03.01རོལ་ན་མ་ཡིན་ནོ། །གལ་ཏེ་ནམ་མཁའ་ལ་ནང་དང་ཕྱི་རོལ་ཡོད་ན་ནམ་མཁའ་ལ་གཅིག་པའམ། རྟག་པ་ཞེས་བྱར་མི་རུང་སྟེ། གནས་ཐམས་ཅད་ན་ཡོད་དོ་ཞེས་བྱར་ཡང་མི་རུང་ངོ་། །ནམ་མཁའ་ནི་ནང་ན་མ་ཡིན་ཕྱི་རོལ་ན་མ་ཡིན་མོད་ཀྱི་འོན་ཀྱང་སེམས་ཅན་ཐམས་
D119.053.0192b04.01ཅད་ལ་ཡོད་དེ། སེམས་ཅན་གྱི་སངས་རྒྱས་ཀྱི་རང་བཞིན་ཡང་དེ་དང་འདྲའོ། །ཁྱོད་སྨྲ་བ་ལྟར་ལོག་སྲེད་ཅན་ལ་དགེ་བའི་ཆོས་ཡོད་དོ་ཞེས་བྱ་བ་དོན་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། ལོག་སྲེད་ཅན་ལ་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་
D119.053.0192b05.01དང་། ལེན་པའི་ལས་དང་། སྦྱིན་པའི་ལས་དང་། ཚོལ་བའི་ལས་དང་། ཤེས་པའི་ལས་ལ་སོགས་པ་ལས་ཐམས་ཅད་ཀྱང་ལོག་པའི་ལས་སོ། །དེ་ཅིའི་ཕྱིར་ཞེ་ན། རྒྱུ་དང་འབྲས་བུ་ལ་མི་རེ་བའི་ཕྱིར་རོ། །རིགས་ཀྱི་བུ་འདི་ལྟ་སྟེ་དཔེར་ན། ཨ་རུ་ར་ནི་མྱུ་གུ་
D119.053.0192b06.01དང་། ལོ་མ་དང་། སྡོང་བུ་དང་། ཡལ་ག་དང་། མེ་ཏོག་དང་། འབྲས་བུའི་བར་དུ་ཁ་བ་ལྟར་ལོག་སྲེད་ཅན་གྱི་མི་དགེ་བའི་ལས་ཀྱང་དེ་དང་འདྲའོ། །རིགས་ཀྱི་བུ་དེ་བཞིན་གཤེགས་པ་ནི་དབང་པོ་རྣམས་མཁྱེན་པའི་སྟོབས་དང་ལྡན་ཏེ། དེ་བས་ན་སེམས་ཅན་ཐམས་
D119.053.0192b07.01