完整藏文原文 · 德格版页 当前仅加载第 53 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
བའོ། །གཅིག་ནི་ལས་བྱེད་པའི་ཚེ་ཡང་ལ། རྣམ་པར་སྨིན་པ་མྱོང་བའི་ཚེ་ལྕི་བའོ། །ཡང་གཅིག་ནི་ལས་བྱེད་པའི་ཚེ་ཡང་ལྕི་ལ། རྣམ་པར་སྨིན་པ་ལེན་པའི་ཚེ་ཡང་ལྕི་བའོ། །ཡང་གཅིག་ནི་ལས་བྱེད་པའི་ཚེ་ཡང་ཡང་ལ། རྣམ་པར་སྨིན་པའི་ཚེ་ཡང་ཡང་བའོ། །རིགས་ཀྱི་བུ་གང་ཉོན་མོངས་པའི་སྐྱོན་
D119.053.0248b01.01རྟོགས་པ་ནི་ལས་བྱས་པ་དང་འབྲས་བུ་སྨིན་པ་གཉིས་ཀ་ཡང་ཡང་ངོ་། །རིགས་ཀྱི་བུ་མཁས་པ་ཤེས་རབ་ཅན་གྱིས་འདི་སྙམ་དུ་བདག་གིས་དེ་ལྟ་བུའི་ཟག་པ་དེ་དག་སྤང་ངོ་། །སྡིག་པ་མི་དགེ་བའི་དངོས་པོ་དེ་དག་ཀྱང་མི་བྱའོ་སྙམ་སེམས་སོ། །དེ་ཅིའི་ཕྱིར་ཞེ་ན། བདག་ད་དུང་སེམས་ཅན་དམྱལ་བ་དང་།
D119.053.0248b02.01བྱོལ་སོང་གི་སྐྱེ་གནས་དང་། {ཡི་དགས་,ཡི་དྭགས་}དང་། ལྷ་དང་། མིའི་རྣམ་པར་སྨིན་པ་ལས་མ་ཐར་ཏེ། གལ་ཏེ་བདག་གིས་སྤྱོད་པ་ལ་ནན་ཏན་བྱས་ན་དེའི་མཐུས་སྡུག་བསྔལ་ཐམས་ཅད་ཡོངས་སུ་བཅོམ་པར་འགྱུར་རོ་ཞེས་དེས་དེ་ལྟར་བརྟགས་ནས། འདོད་ཆགས་དང་། ཞེ་སྡང་དང་། གཏི་མུག་ཉམ་དམའ་
D119.053.0248b03.01བར་འགྱུར་རོ། །འདོད་ཆགས་དང་། ཞེ་སྡང་དང་། གཏི་མུག་ཉམ་དམའ་བར་འགྱུར་བར་མཐོང་ནས། སེམས་རབ་ཏུ་དགའ་བར་འགྱུར་ཏེ། ཡང་འདི་སྙམ་དུ་དེང་བདག་འདི་ལྟར་གྱུར་པ་ཡང་ནན་ཏན་དུ་སྤྱོད་པའི་མཐུས་བདག་ནི་མི་དགེ་བའི་ཆོས་དང་བྲལ་ཏེ། དགེ་བའི་ཆོས་དང་བསྙེན་པར་གྱུར་ཏོ། །
D119.053.0248b04.01དེ་བས་ན་ཡང་དག་པའི་ལམ་མངོན་སུམ་དུ་མཐོང་བར་གྱུར་གྱིས་བརྩོན་འགྲུས་བསྐྱེད་དེ་བསྒོམ་མོ་སྙམ་སེམས་སོ། །དེས་དེར་བརྩོན་པར་བསྒོམ་པའི་མཐུས་མི་དགེ་བའི་ཉོན་མོངས་པ་ཚད་མེད་པ་སྙེད་དང་། སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། {ཡི་དགས་,ཡི་དྭགས་}དང་། མི་དང་
D119.053.0248b05.01ལྷའི་འབྲས་བུ་རྣམ་པར་སྨིན་པ་སྤོང་བར་འགྱུར་ཏེ། དེ་བས་ན་ངས་མདོ་སྡེ་ལས་སྲིད་པའི་ཟག་པའི་ཉོན་མོངས་པ་དང་། སྲིད་པའི་ཟག་པའི་རྒྱུ་ལ་བརྟག་པར་བྱའོ་ཞེས་གསུངས་སོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་བམ་པོ་བཞི་བཅུ་དགུ་པ། དེ་ཅིའི་ཕྱིར་
D119.053.0248b06.01ཞེ་ན། མཁས་པ་ཤེས་རབ་ཅན་དག་གིས་གལ་ཏེ་ཟག་པ་ལ་རྟོག་ཅིང་ཟག་པའི་རྒྱུ་མ་བརྟགས་ན། ཉོན་མོངས་པ་ཐམས་ཅད་ཆོད་པར་མི་འགྱུར་རོ། །དེ་ཅིའི་ཕྱིར་ཞེ་ན། མཁས་པ་ཤེས་རབ་ཅན་དག་གིས་ཟག་པ་ནི་རྒྱུ་དེ་ལས་སྐྱེ་བར་འགྱུར་རོ་སྙམ་རྟོགས་ནས་བདག་གིས་རྒྱུ་དེ་ཡོངས་སུ་བཅད་
D119.053.0248b07.01