完整藏文原文 · 德格版页 当前仅加载第 53 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་མདོ་སྡེ་འདི་ནི་ཚུལ་ཁྲིམས་ཉམས་པའི་སེམས་ཅན་གྱི་མེ་ལོང་གསལ་བར་འགྱུར་ཏེ། ཇི་ལྟར་འཇིག་རྟེན་གྱི་མེ་ལོང་གསལ་བས་གཟུགས་ཐམས་ཅད་སྣང་བ་དང་འདྲའོ། །རིགས་ཀྱི་བུ་མདོ་སྡེ་འདི་ནི་ཁྲེལ་བ་དང་འཛེམ་པ་མེད་པའི་གོས་སུ་
D119.053.0260a01.01འགྱུར་ཏེ། ཇི་ལྟར་འཇིག་རྟེན་ན་གོས་ཀྱིས་ལུས་སྒྲིབ་ཅིང་གཡོགས་པ་དང་འདྲའོ། །རིགས་ཀྱི་བུ་མདོ་སྡེ་འདི་ནི་དགེ་བའི་ཆོས་ཀྱིས་དབུལ་བ་རྣམས་ཀྱི་ནོར་རིན་པོ་ཆེར་འགྱུར་ཏེ། ཇི་ལྟར་ལྷ་བཀྲ་ཤིས་མས་དབུལ་བ་ཐམས་ཅད་ལ་ཕན་པར་འགྱུར་བ་དང་འདྲའོ། །རིགས་ཀྱི་
D119.053.0260a02.01བུ་མདོ་སྡེ་འདི་ནི་ཆོས་ཀྱིས་སྐོམ་པའི་སེམས་ཅན་ཐམས་ཅད་ཀྱི་བདུད་རྩིའི་ཆུར་འགྱུར་ཏེ། ཇི་ལྟར་ཡོན་ཏན་བརྒྱད་དང་ལྡན་པའི་ཆུས་སྐོམ་པ་ཐམས་ཅད་ངོམས་པར་བྱེད་པ་དང་འདྲའོ། །རིགས་ཀྱི་བུ་མདོ་སྡེ་འདི་ནི་ཉོན་མོངས་པ་ཐམས་ཅད་ཀྱི་ཆོས་ཀྱི་ཁྲིར་འགྱུར་ཏེ།
D119.053.0260a03.01ཇི་ལྟར་འཇིག་རྟེན་ན་གང་ཟག་དག་བདེ་བའི་ཁྲི་ལ་ཕྲད་པ་དང་འདྲའོ། །རིགས་ཀྱི་བུ་མདོ་སྡེ་འདི་ནི་ས་དང་པོའི་བྱང་ཆུབ་སེམས་དཔའ་ནས་ས་བཅུ་པའི་བྱང་ཆུབ་སེམས་དཔའི་བར་གྱི་རྒྱན་དང་། བདུག་པ་དང་། མེ་ཏོག་དང་། བྱུག་སྤོས་དང་། སྤོས་ཕྱེ་མ་དང་། བདུག་
D119.053.0260a04.01སྤོས་རྣམ་པར་དག་པའི་རིགས་ཕུན་སུམ་ཚོགས་པའི་ཐེག་པས་ཕ་རོལ་ཏུ་ཕྱིན་པ་དྲུག་ལ་གནས་པར་བྱེད་དོ། །རབ་ཏུ་བདེ་བ་མྱོང་བར་བྱེད་པ་ནི། ཇི་ལྟར་སུམ་ཅུ་རྩ་གསུམ་གནམ་གྱི་ཤིང་པ་རི་ཙི་ཏྲ་དང་འདྲའོ། །རིགས་ཀྱི་བུ་མདོ་སྡེ་འདི་ནི་ཡེ་ཤེས་ཀྱི་མཚོན་ངར་ཅན་
D119.053.0260a05.01ལྟ་བུ་སྟེ། ཉོན་མོངས་པའི་ཤིང་ཐམས་ཅད་གཅོད་པར་འགྱུར་རོ། །འདི་ནི་མཚོན་རྣོན་པོ་ལྟ་བུ་སྟེ། བག་ཆགས་ཐམས་ཅད་གཅོད་པར་འགྱུར་རོ། །འདི་ནི་ཤིན་ཏུ་དཔའ་ཞིང་རྟུལ་ཕོད་པ་ལྟ་བུ་སྟེ། ཕས་རྒོལ་བའི་བདུད་ཐམས་ཅད་བཅོམ་པའོ། །འདི་ནི་ཡེ་
D119.053.0260a06.01ཤེས་ཀྱི་མེ་ལྟ་བུ་སྟེ། ཉོན་མོངས་པ་ཐམས་ཅད་སྲེག་པའོ། །འདི་ནི་རྟེན་ཅིང་འབྲེལ་ཏེ་འབྱུང་བའི་སྙིང་པོ་ལྟ་བུ་སྟེ། རང་སངས་རྒྱས་ཐམས་ཅད་ཀྱི་འབྱུང་གནས་སོ། །འདི་ནི་ཐོས་པའི་གཏེར་ལྟ་བུ་སྟེ། ཉན་ཐོས་ཀྱི་སྐྱེ་གནས་ཡིན་ནོ། །འདི་ནི་ལྷ་ཐམས་ཅད་ཀྱི་
D119.053.0260a07.01