完整藏文原文 · 德格版页 当前仅加载第 53 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་ཨུ་དུམ་བཱ་ར་ལ་སོགས་པ་འདུས་པ་ལ་ཚལ་ཞེས་བྱ་སྟེ། དེ་དག་སྤངས་པའི་ཕ་རོལ་ན་ཚལ་ཞེས་བྱ་བ་གཞན་མེད་དོ། །དཔེར་ན་ཤིང་རྟའི་ཚོགས་དང་། བལ་གླང་གི་ཚོགས་དང་། རྟའི་ཚོགས་དང་། རྐང་ཐང་གི་ཚོགས་འདུས་པ་ལས་
D119.053.0175a01.01དམག་ཅེས་བྱ་སྟེ། དེ་དག་སྤངས་པའི་ཕ་རོལ་ན་དམག་ཅེས་བྱ་བ་གཞན་མེད་དོ། །དཔེར་ན་ཁ་ཆེ་དར་གྱི་ཚོན་རྣམ་པ་ལྔ་འདུས་པ་ལས་ཟ་འུག་ཅེས་བྱ་སྟེ། དེ་དག་སྤངས་པའི་ཕ་རོལ་ན་ཟ་འུག་ཅེས་བྱ་བ་གཞན་མེད་དོ། །དཔེར་ན་རིགས་རྣམ་པ་བཞི་འདུས་པ་ལ་ཚོགས་
D119.053.0175a02.01ཆེན་པོ་ཞེས་བྱ་སྟེ། དེ་དག་སྤངས་པའི་ཕ་རོལ་ན་ཚོགས་ཆེན་པོ་ཞེས་བྱ་བ་གཞན་མེད་པ་ལྟར་སེམས་ཅན་གྱི་བདག་ཅེས་བྱ་བ་ཡང་དེ་དང་འདྲ་སྟེ། ཕུང་པོ་ལྔ་སྤངས་པའི་ཕ་རོལ་ན་བདག་ཅེས་བྱ་བ་གཞན་མེད་དོ། །རིགས་ཀྱི་བུ་དེ་བཞིན་གཤེགས་པ་ནི་རྟག་ཏུ་གནས་པས་
D119.053.0175a03.01བདག་ཅེས་བྱའོ། །དེ་བཞིན་གཤེགས་པའི་ཆོས་ཀྱི་སྐུ་ནི་མཐའ་ཡས། ཐོགས་པ་མེད། མི་སྐྱེ་མི་འགོག་ཅིང་དབང་བརྒྱད་ཐོབ་པས་བདག་ཅེས་བྱ་སྟེ། སེམས་ཅན་ལ་ནི་ཡང་དག་པར་དེ་ལྟ་བུའི་བདག་དང་བདག་གི་བ་མེད་དེ། མཐར་གདོན་མི་ཟ་བར་དོན་དམ་པའི་སྟོང་
D119.053.0175a04.01པ་ཐོབ་པར་འགྱུར་བའི་ཕྱིར་སངས་རྒྱས་ཀྱི་རང་བཞིན་ཞེས་བྱའོ། །རིགས་ཀྱི་བུ་བྱམས་པ་ཆེན་པོ་དང་། སྙིང་རྗེ་ཆེན་པོ་ནི་སངས་རྒྱས་ཀྱི་རང་བཞིན་ཞེས་བྱའོ། །དེ་ཅིའི་ཕྱིར་ཞེ་ན། བྱམས་པ་ཆེན་པོ་དང་། སྙིང་རྗེ་ཆེན་པོ་ནི་རྟག་ཏུ་གྲིབ་མ་བཞིན་དུ་བྱང་ཆུབ་སེམས་དཔའ་
D119.053.0175a05.01ལ་འཁོར་ཏེ། སེམས་ཅན་ཐམས་ཅད་ཀྱང་གདོན་མི་ཟ་བར་བྱམས་པ་ཆེན་པོ་དང་། སྙིང་རྗེ་ཆེན་པོ་ཐོབ་པར་འགྱུར་བའི་ཕྱིར་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་དོ་ཞེས་གསུངས་སོ། །བྱམས་པ་ཆེན་པོ་དང་། སྙིང་རྗེ་ཆེན་པོ་ནི་སངས་རྒྱས་ཀྱི་རང་བཞིན་
D119.053.0175a06.01ཞེས་བྱ་སྟེ། སངས་རྒྱས་ཀྱི་རང་བཞིན་ནི་དེ་བཞིན་གཤེགས་པ་ཞེས་བྱའོ། །དེ་ལ་དགའ་བ་ཆེན་པོ་དང་། བཏང་སྙོམས་ཆེན་པོ་ནི་སངས་རྒྱས་ཀྱི་རང་བཞིན་ཞེས་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོས་སྲིད་པ་ཉི་ཤུ་རྩ་ལྔ་མ་སྤངས་ན། བླ་ན་
D119.053.0175a07.01