完整藏文原文 · 德格版页 当前仅加载第 53 函德格 333b 版页；藏文 NFD、目录标记与异常页序保留在来源切片中，重复版页行以稳定序号区分。
རེ་སྡུག་སོ་སོའི་སྐྱེ་བོ་རྣམས། །ཡུན་{རིངས་,རིང་}ཞབས་ཀྱི་འཁོར་ལོའི་འོད་མི་མཐོང་། །མཐོལ་ལོ་བཅོམ་ལྡན་ཐུགས་རྗེ་ཆེན་པོ་ཡི། །རྩིབས་སྟོང་ལྡན་པའི་འཁོར་ལོའི་ཞབས་ཀྱི་འོད། །ཀྱི་ཧུད་དེང་འདིར་འཁོར་ལོའི་མཚན་མཐོང་བ། །དེ་ནི་སླན་ཆད་མཐོང་བའི་དུས་མ་
D119.053.0333b01.01མཆིས། །དེའི་ཚེ་འོད་སྲུང་འཁོར་དང་བཅས་ཏེ་ཚིགས་སུ་བཅད་པ་དེ་སྐད་ཅེས་སྨྲས་ནས་ཡང་བརྒྱལ་ཏེ་ས་ལ་འགྱེལ་ཏོ། །དེ་ནས་རིང་ཞིག་ལོན་ནས་ཕྱིར་སངས་ཏེ་མྱ་ངན་བསངས་སོ། །བཅོམ་ལྡན་འདས་ཀྱི་རྩིབས་སྟོང་ལྡན་པའི་འཁོར་ལོའི་མཚན་གྱི་ཞབས་གཉིས་
D119.053.0333b02.01ཀྱང་ཕྱིར་སྒྲོམ་གྱི་ནང་དུ་ནུབ་ནས་མི་སྣང་བར་གྱུར་ཏོ། །དེའི་ཚེ་ན་གྲོང་ཁྱེར་དེའི་སྐྱེས་པ་དང་། བུད་མེད་དང་། ལྷ་དང་། མི་མང་པོ་ཐམས་ཅད་ཀྱིས་འོད་སྲུང་ཆེན་པོ་དེ་ལྟར་གྱུར་པ་མཐོང་ནས། ཡང་བྲང་བརྡུངས་ཏེ་ངུད་མོ་ཆེན་པོ་དེ་སྐད་ཕྱུང་སྟེ་ངུས་ནས་ངུད་མོའི་སྒྲས་སྟོང་
D119.053.0333b03.01ཆེན་པོའི་འཇིག་རྟེན་གྱི་ཁམས་ཚད་མེད་པར་གྲགས་ཏེ། སོ་སོ་ནས་མཆོད་པའི་ཡོ་བྱད་ཀྱིས་ཡང་མཆོད་དོ། །དེའི་ཚེ་ན་རྩྭ་མཆོག་གི་གྲོང་ཁྱེར་ན་གནས་པའི་གྱད་སྟོབས་པོ་ཆེ་བཞི་ཞིག་ལུས་ཡོངས་སུ་བརྒྱན་ཏེ། རིན་པོ་ཆེ་སྣ་བདུན་གྱི་མེ་ཤིང་རྟའི་འཁོར་ལོ་ཙམ་ཐོགས་ནས།
D119.053.0333b04.01སྤོས་ཀྱི་ཤིང་བཅེར་བ་བསྲེགས་ན་མེ་རང་ཤིའོ། །དེ་ལ་འོད་སྲུང་གིས་འདི་སྐད་ཅེས་སྨྲས་སོ། །འཕགས་པ་ཆེན་པོའི་རིན་པོ་ཆེའི་པུར་སྒྲོམ་ནི་ཁམས་གསུམ་གྱི་མེས་ཚིག་པར་མི་ནུས་ན་གྱད་ཁྱེད་ཀྱི་མེས་ཚིག་པ་ལྟ་ཅི་སྨོས། གྲོང་ཁྱེར་དེ་ན་གཞན་ཡང་གྱད་སྟོབས་པོ་ཆེ་བརྒྱད་
D119.053.0333b05.01ཀྱིས་རིན་པོ་ཆེ་སྣ་བདུན་གྱི་མེ་ཆེན་པོ་ཐོགས་ཏེ། པུར་སྒྲོམ་གྱི་དྲུང་དུ་བཞག་ན་མེ་དེ་ཡང་རང་ཤིའོ། །གཞན་ཡང་གྱད་སྟོབས་པོ་ཆེ་བཅུ་དྲུག་གིས་རིན་པོ་ཆེ་སྣ་བདུན་གྱི་མེ་ཆེན་པོ་ཐོགས་ཏེ། སྤོས་ཀྱི་ཤིང་བསྲེགས་ན་མེ་དེ་ཡང་རང་ཤིའོ། །གཞན་ཡང་གྱད་སུམ་ཅུ་རྩ་
D119.053.0333b06.01དྲུག་སྙེད་ཀྱིས་རིན་པོ་ཆེ་སྣ་བདུན་གྱི་མེ་ཆེན་པོ་ཐོགས་ཏེ་བསྲེགས་ན་མེ་དེ་ཡང་རང་ཤིའོ། །དེའི་ཚེ་འོད་སྲུང་ཆེན་པོས་གྱད་རྣམས་དང་འཁོར་མང་པོ་རྣམས་ལ་འདི་སྐད་ཅེས་སྨྲས་སོ། །ཁྱེད་འདི་ལྟར་རིག་པར་གྱིས་ཤིག །གལ་ཏེ་ལྷ་དང་མི་ལ་སོགས་པའི་མེ་ཐམས་ཅད་
D119.053.0333b07.01