完整藏文原文 · 德格版页 当前仅加载第 53 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། ཇི་སྟེ་བདག་ཅེས་བྱ་བ་བྱེད་པ་པོ་ཡིན་ན། ཅིའི་ཕྱིར་སྡུག་བསྔལ་བར་འགྱུར་བ་བདག་གིས་བྱེད་ཅིང་སོ་སོའི་སྐྱེ་བོ་དག་ཡང་དག་པར་སྡུག་བསྔལ་མྱོང་བར་བྱེད། དེ་བས་ན་བདག་ཅེས་བྱ་བ་ནི་བྱེད་པ་པོ་མ་ཡིན་པར་རིག་པར་
D119.053.0285a01.01བྱའོ། །ཇི་སྟེ་སྡུག་བསྔལ་བདག་གིས་བྱས་པ་ཡིན་ལ། རྒྱུ་ལས་མ་སྐྱེས་སོ་ཞེས་སྨྲ་ན་ཆོས་ཐམས་ཅད་ཀྱང་དེ་དང་འདྲ་སྟེ། རྒྱུ་ལས་མ་སྐྱེས་པ་ཡིན་ན། ཅིའི་ཕྱིར་བདག་ལ་བྱེད་པ་པོ་ཡིན་ནོ་ཞེས་སྨྲ། རིགས་ཀྱི་བུ་སེམས་ཅན་རྣམས་ཀྱི་སྡུག་བསྔལ་དང་བདེ་བ་ནི་ཡང་དག་པར་རྒྱུ་དང་རྐྱེན་
D119.053.0285a02.01ལས་གྱུར་ཏོ། །དེ་ལྟར་སྡུག་བསྔལ་བ་དང་བདེ་བ་ནི་མྱ་ངན་དང་དགའ་བ་བྱེད་པར་གྱུར་པས་མྱ་ངན་གྱི་དུས་ན་དགའ་བ་མེད་ལ། དགའ་བའི་དུས་ན་མྱ་ངན་མེད་དེ། བར་འགའ་ནི་དགའ། བར་འགའ་ནི་མྱ་ངན་བྱེད་པ་ཡིན་ན། མཁས་པ་ཤེས་རབ་ཅན་གྱིས་ཅིའི་ཕྱིར་རྟག་པ་ཡིན་ཞེས་སྨྲ།
D119.053.0285a03.01རིགས་ཀྱི་བུ་ཁྱོད་སྨྲ་བའི་བདག་ཅེས་བྱ་བ་རྟག་པ་ཡིན་ནོ་ཞེ་ན། ཅི་སྟེ་རྟག་པ་ཞིག་ཡིན་ན། ཅིའི་ཕྱིར་དུས་རྣམ་པ་བཅུར་མི་འདྲ་ཞིང་ཐ་དད་པར་འགྱུར། རྟག་པའི་ཆོས་ནི་ཐོག་མ་ནུར་ནུར་པོའི་དུས་ནས་རྒས་པའི་དུས་ཀྱི་བར་དུ་ཡོད་པའི་མི་རིགས་སོ། །ནམ་མཁའ་ནི་རྟག་པའི་ཆོས་ཡིན་
D119.053.0285a04.01ཏེ། དེ་ལ་དུས་གཅིག་ཀྱང་མེད་ན་དུས་བཅུ་ཡོད་པ་ལྟ་སྨོས་ཀྱང་ཅི་དགོས། རིགས་ཀྱི་བུ་བདག་ཅེས་བྱ་བ་ནི་ནུར་ནུར་པོའི་དུས་མ་ཡིན་པ་ནས་རྒས་པའི་དུས་ཀྱི་བར་དུ་མ་ཡིན་ན། ཅིའི་ཕྱིར་དུས་རྣམ་པ་བཅུར་མི་འཐུན་ཏེ། ཐ་དད་པ་ཡིན་ནོ་ཞེས་སྨྲ། རིགས་ཀྱི་བུ་ཇི་སྟེ་བདག་ཅེས་བྱ་བ་བྱེད་
D119.053.0285a05.01པ་པོ་ཡིན་ན་ནི་བདག་ཅེས་བྱ་བ་ལ་དར་བའི་དུས་དང་། རྒུད་པའི་དུས་ཡོད་དེ། སེམས་ཅན་ལ་ཡང་དར་བའི་དུས་དང་། རྒུད་པའི་དུས་ཡོད་དོ། །ཇི་སྟེ་བདག་ཅེས་བྱ་བ་དེ་དེ་ལྟ་བུ་ཞིག་ཡིན་ན་ཅིའི་ཕྱིར་རྟག་ཅེས་བྱ། རིགས་ཀྱི་བུ་བདག་ཅེས་བྱ་བ་བྱེད་པ་པོ་ཡིན་ན། ཅིའི་ཕྱིར་མིར་འདྲ་བ་ལ་
D119.053.0285a06.01དབང་པོ་རྣོན་པོ་དང་། དབང་པོ་རྟུལ་པོ་ཡོད་པར་འགྱུར། རིགས་ཀྱི་བུ་ཇི་སྟེ་བདག་ཅེས་བྱ་བ་བྱེད་པ་པོ་ཡིན་ན། བདག་ཅེས་བྱ་བས་ལུས་ཀྱི་ལས་དང་། ངག་གི་ལས་ཀྱང་བྱེད་པར་འགྱུར་རོ། །ཇི་སྟེ་ངག་གི་ལས་ཀྱང་བདག་ཅེས་བྱ་བས་བྱས་པ་ཡིན་ན། ཅིའི་ཕྱིར་ངག་གིས་
D119.053.0285a07.01