完整藏文原文 · 德格版页 当前仅加载第 53 函德格 325b 版页；藏文 NFD、目录标记与异常页序保留在来源切片中，重复版页行以稳定序号区分。
འཆི་བར་འགྱུར། །ཅི་ཡི་སླད་དུ་བཅོམ་ལྡན་འདས་ཀྱིས་ཡོངས་སྤངས་ནས། །ཉག་གཅིག་ཁམས་གསུམ་ལས་ནི་འདས་ནས་བདེ་བར་བཞུགས། །བཅོམ་ལྡན་འདས་ལ་བདག་གིས་འགྱོད་ཅིང་མཐོལ་བ་ནི། །དགུང་ལོ་ཉི་ཤུའི་བར་དུ་ཞབས་འབྲིང་འཚལ་བ་ན། །སྤྱོད་ལམ་བཞི་པོ་ལེ་ལོའི་
D119.053.0325b01.01དབང་དུ་གྱུར་པས་ན། །འཕགས་པའི་ཐུགས་དང་འགལ་ཞིང་མཉེས་པར་མ་བགྱིས་པ། །ཡང་དག་རྫོགས་པའི་སངས་རྒྱས་ཐུགས་རྗེ་ཆེན་པོ་ཡིས། །བདག་ལ་བདུད་རྩི་སྩལ་ཅིང་བདེ་བ་མཛད་པར་ཤོག །བདག་གིས་ཕྱི་མའི་བསྐལ་པ་མཐའ་ཡི་བར་དུ་ཡང་། །རྟག་ཏུ་བཅོམ་
D119.053.0325b02.01ལྡན་འདས་ཀྱི་ཞམ་རིང་བྱེད་པར་ཤོག །བཅོམ་ལྡན་འདས་ནི་ཐུགས་རྗེ་ཆེན་པོའི་འོད་ཟེར་གྱིས། །ཐམས་ཅད་འཇིག་རྟེན་ཁམས་སུ་བདག་ནི་སྐྱོབ་པར་ཤོག །ཀྱི་ཧུད་ཀྱི་ཧུད་ཚིག་གིས་བརྗོད་མི་ནུས། །འཕགས་པའི་དྲིན་སྨྲར་སྐད་ཀྱང་མི་ཕྱིན་ཏོ། །དེའི་ཚེ་ཀླུང་གང་གཱ་གྲངས་མེད་པ་བྱེ་མ་
D119.053.0325b03.01སྙེད་ཀྱི་བྱང་ཆུབ་སེམས་དཔའ་དང་། འཇིག་རྟེན་དུ་བཅས་པ་ལྷ་དང་མི་ཐམས་ཅད་གཅིག་གི་ལག་པ་ལ་གཅིག་གིས་འཇུས་ནས་ཤིན་ཏུ་ངུ་ཞིང་ཆོ་ངེས་འདོན་པ་ལས་སོ་སོ་ནས་སྤྲོ་བ་བསྐྱེད་དེ། ཅི་ནུས་ཀྱིས་གྲངས་མེད་པའི་ལྷའི་སྤོས་དང་། ལྷའི་མེ་ཏོག་མན་དཱ་ར་བ་དང་། མན་དཱ་ར་བ་ཆེན་
D119.053.0325b04.01པོ་དང་། མན་ཛུ་ཥ་ཀ་དང་། མན་ཛུ་ཥ་ཀ་ཆེན་པོ་དང་། གྲངས་མེད་པའི་ལྷ་དང་མིའི་འཇིག་རྟེན་གྱི་རྒྱ་མཚོ་ངོགས་ཀྱི་ཙན་དན་དང་། ཨ་ག་རུ་དང་། རྣམ་པ་བརྒྱ་སྟོང་སྙེད་ཀྱི་སྤོས་སྦྱར་མ་དང་། གྲངས་མེད་པའི་བྱུག་སྤོས་དང་། སྤོས་ཆུ་དང་། རིན་པོ་ཆེའི་
D119.053.0325b05.01གདུགས་དང་། རིན་པོ་ཆེའི་རྒྱལ་མཚན་དང་། རིན་པོ་ཆེའི་བ་དན་དང་། མུ་ཏིག་དང་། དོ་ཤལ་ནམ་མཁའི་ཁམས་ཡོངས་སུ་གང་བ་བཅོམ་ལྡན་འདས་ཀྱི་སྤྱན་སྔར་ཕབ་ནས་མཆོད་པ་བྱས་སོ། །དེའི་ཚེ་རྩྭ་མཆོག་གི་གྲོང་ཁྱེར་གྱི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་ཀྱིས་ཀྱང་ཤིན་ཏུ་
D119.053.0325b06.01ངུས་ནས་སོ་སོ་ནས་གྲངས་མེད་པའི་མེ་ཏོག་དང་། སྤོས་དང་། རྒྱལ་མཚན་དང་། གདུགས་ལ་སོགས་པ་སྔ་མ་བས་ཤིན་ཏུ་ལྷག་པར་སྦྱར་ཏེ་དེ་བཞིན་གཤེགས་པའི་སྤྱན་སྔར་ཕབ་ནས་མཆོད་པ་བྱས་སོ། །དེའི་ཚེ་ཕྱོགས་བཞིའི་མགོན་པོ་བཞི་ལྷའི་འཁོར་དང་བཅས་ཏེ་ཤིན་
D119.053.0325b07.01