完整藏文原文 · 德格版页 当前仅加载第 53 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཆང་མི་འཐུང་བ་དང་། སེམས་ཀྱི་སྦྲུལ་གདུལ་ཞིང་བྱང་ཆུབ་ཀྱི་ལམ་ལ་དགོད་པ་དང་། དགེ་བ་དང་སྡིག་པའི་རྣམ་པར་སྨིན་པ་ལུས་ཀྱི་གྲིབ་མ་བཞིན་དུ་འབྲང་བར་འདུ་བྱེད་ཀྱི་ལས་ལ་ཤིན་ཏུ་བརྟགས་པ་དང་། དུས་གསུམ་གྱི་འབྲས་བུ་ཡོངས་སུ་འཁོར་བ་མེད་པར་མི་འགྱུར་བ་
D119.053.0311a01.01དང་། སྐྱེ་བ་འདི་ཆུད་གསན་ནས་ཕྱིས་འགྱོད་ཀྱང་མི་ཕན་པར་སྟོན་ཅིང་ཆོངས་ཤིག །ང་མྱ་ངན་ལས་འདའ་བའི་དུས་ལ་བབ་སྟེ། ཁྱོད་ལ་བསྟན་པ་འདི་དག་ཡིན་ནོ། །དེའི་ཚེ་ན་དགའ་བོས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། ལུས་དང་སེམས་འདར་ཞིང་གཡོ་སྟེ། ཤིན་ཏུ་འཁྲུགས་
D119.053.0311a02.01ནས་མྱ་ངན་གྱིས་གདུངས་ཏེ་སྐད་ཀྱང་མ་ཕྱིན་ལ། བརྒྱལ་བ་ཙམ་དུ་འཁྲུགས་ནས་དེ་བཞིན་གཤེགས་པའི་སྤྱན་སྔར་ཤི་བ་བཞིན་དུ་གྱུར་ཏོ། །དེ་ནས་མ་འགགས་པས་དགའ་བོ་ལ་སྤྲོ་བ་བསྐྱེད་དེ་མྱ་ངན་བསངས་ནས་འདི་སྐད་ཅེས་སྨྲས་སོ། །ཁྱོད་དེ་ལྟར་མྱ་ངན་མ་བྱེད་ཅིག །དེ་བཞིན་གཤེགས་
D119.053.0311a03.01པ་མྱ་ངན་ལས་འདའ་བའི་དུས་ལ་བབ་སྟེ། དེང་བཞུགས་ཀྱང་སང་མི་བཞུགས་སོ། །ཁྱོད་ཀྱིས་ངས་སྨྲས་པ་བཞིན་དུ་ཞུ་བ་རྣམ་པ་བཞི་པོ་འདི་ཞུས་ཤིག །སངས་རྒྱས་མྱ་ངན་ལས་འདས་ནས་དགེ་སློང་དྲུག་སྡེ་ཁྱིམ་སུན་འབྱིན་པ་དང་། འདོད་ལྡན་སྡིག་ཏོ་ཅན་དང་། ཇི་ལྟར་ལྷན་ཅིག་ཏུ་གནས་ཤིང་
D119.053.0311a04.01བསྟན་པ་བཞིན་དུ་བགྱི་བ་དང་། དེ་བཞིན་གཤེགས་པ་འཇིག་རྟེན་ན་བཞུགས་ན་སྟོན་པ་སངས་རྒྱས་ཀྱིས་མཛད་ན། བཅོམ་ལྡན་འདས་མྱ་ངན་ལས་འདས་ནས་སྟོན་པ་སུས་བགྱི་བ་དང་། དེ་བཞིན་གཤེགས་པ་འཇིག་རྟེན་ན་བཞུགས་ན། དེ་བཞིན་གཤེགས་པ་ལ་གནས་ཤིང་བརྟེན་ན་མྱ་ངན་ལས་
D119.053.0311a05.01འདས་པའི་འོག་ཏུ་སུ་ལ་གནས་ཤིང་རྟེན་པ་དང་། དེ་བཞིན་གཤེགས་པ་མྱ་ངན་ལས་འདས་ནས་ཆོས་ཀྱི་སྡེ་སྣོད་བསྡུ་བ་ན། མདོ་སྡེ་ཐམས་ཅད་ཀྱི་མགོ་ནན་ལ་ཇི་སྐད་བྱ་བ་ཞུས་ཤིག་ཅེས་སྨྲས་སོ། །དེའི་ཚེ་དགའ་བོའི་རྨི་ལམ་ན་མ་འགགས་པས་སྨྲས་པ་ལྟ་བུར་ཞུ་བ་བཞི་པོ་ཞུས་ཤིག་ཅེས་
D119.053.0311a06.01སྨྲས་པ་ཐོས་ནས་བགས་ཀྱིས་སངས་ཏེ། ཞུ་བ་བཞི་པོ་བཅོམ་ལྡན་འདས་ལ་ཞུས་སོ། །བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ཁྱོད་ཅིའི་ཕྱིར་འདི་ལྟར་མི་དགའ་ཞིང་ཤིན་ཏུ་མྱ་ངན་བྱེད། སངས་རྒྱས་ཀྱིས་གདུལ་བའི་མཛད་པ་ཀུན་མཛད་དོ། །ཆོས་ཉིད་ཀྱིས་འདི་ལྟར་གཤེགས་པ་ཡིན་
D119.053.0311a07.01