完整藏文原文 · 德格版页 当前仅加载第 53 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་མི་ཕྱིན་པ་ཙམ་དུ་ངུས་ནས་ལུས་ཁྲག་གིས་རྒྱས་སོ། །སྐད་ཆེན་པོ་ཕྱུང་སྟེ་ངུས་ནས། དེ་བཞིན་གཤེགས་པའི་སྤྱན་སྔར་ལུས་ས་ལ་བརྡབས་པས་དེར་བརྒྱལ་ནས་རིང་ཞིག་ལོན་པ་དང་ཕྱིར་སངས་ཏེ་ངུ་བཞིན་དུ་བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་
D119.053.0309a01.01འདས་བདག་ནི་དེ་བཞིན་གཤེགས་པ་མྱ་ངན་ལས་འདའ་བ་མཐོང་མི་བཟོད་དེ། སེམས་རབ་ཏུ་གདུངས་ནས་ཤིན་ཏུ་གཅགས་སོ། །བདག་ཀྱང་རྫ་སོ་མ་བཏང་བ་དང་འདྲ་བའི་ལུས་གདུག་པ་ཅན་འདི་དང་འགྲོགས་མི་འཚལ་ཏེ་བདག་སྔར་མཆིས། བཅོམ་ལྡན་འདས་ནི་སླད་ཀྱིས་མྱ་ངན་ལས་
D119.053.0309a02.01འདའ་བར་གཤེགས་སུ་གསོལ། དེའི་ཚེ་ཤིན་ཏུ་བཟང་པོས་དེ་སྐད་ཅེས་གསོལ་ནས། ཆོ་ངེས་རྡུང་ཞིང་དེ་ཉིད་དུ་མྱ་ངན་ལས་འདའ་བར་ཞུགས་སོ། །དེའི་ཚེ་བརྗོད་དུ་མེད་པའི་ཡང་བརྗོད་དུ་མེད་པའི་ཀླུང་གང་གཱའི་བྱེ་མ་སྙེད་ཀྱི་བྱང་ཆུབ་སེམས་དཔའ་ཆེན་པོ་དང་། དགེ་སློང་དང་། དགེ་སློང་མ་དང་།
D119.053.0309a03.01འཇིག་རྟེན་དུ་བཅས་པའི་ལྷ་དང་མི་དང་། ལྷ་མ་ཡིན་ལ་སོགས་པ་ཐམས་ཅད་ཀྱིས་ས་སྐད་འཐུན་པར་འདི་སྐད་ཅེས་སྨྲས་སོ། །ཀྱི་ཧུད་ཀྱི་ཧུད་ཡང་དག་པར་རྫོགས་པའི་སངས་རྒྱས་ཀྱིས་ནང་གཅིག་ཏུ་བོར་བས་གནས་མ་མཆིས། རྟེན་མ་མཆིས། སྐྱབས་མ་མཆིས། མགོན་མ་མཆིས་ཏེ། ཤིན་ཏུ་གཅགས་
D119.053.0309a04.01སོ་ཞེས་སྨྲས་ནས་ཐམས་ཅད་ངུས་ཏེ། གཅིག་ལ་གཅིག་འཇུ་ཞིང་བྲང་དུ་ཁུ་ཚུར་གྱིས་རྡེག་པས་བརྒྱལ་ནས་ཕྱོགས་ཀྱང་བསླད་དེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱང་གཡོས་སོ། །དེའི་ཚེ་བཅོམ་ལྡན་འདས་ཀྱིས་གསུང་རྣམ་པ་བརྒྱད་དང་ལྡན་པས་འཁོར་མང་པོ་རྣམས་ལ་འདི་
D119.053.0309a05.01སྐད་ཅེས་བཀའ་སྩལ་ཏོ། །ཁྱེད་བུས་པ་ཆུང་ངུ་ལྟར་མ་ངུ་བར་སོ་སོ་ནས་ངུ་བ་ཐོང་ལ་སེམས་མ་འཁྲུགས་པར་གྱིས་ཤིག །ཁྱེད་འདུ་བྱེད་ཀྱི་སྡུག་བསྔལ་འཁོར་བའི་རྒྱ་མཚོ་འདིར་བསམ་པ་དག་པ་ལ་ནན་ཏན་བྱ་ཞིང་རྗེས་སུ་དྲན་པའི་ཤེས་རབ་མ་བརྗེད་ཅིག །ཡང་དག་པའི་ཡེ་ཤེས་ཀྱིས་སྲིད་པ་ལས་
D119.053.0309a06.01འབྱུང་བ་ལ་བརྩོན་པར་གྱིས་ཤིག །ཁམས་གསུམ་དུ་ལུས་མྱོང་བ་ནི་སྡུག་བསྔལ་གྱི་འཁོར་ལོ་མཐའ་མེད་པ་སྟེ། མ་རིག་པའི་རྗེ་བོ་དང་། འདོད་པའི་བདུད་ཀྱི་རྒྱལ་པོས་ལུས་དང་སེམས་བཀོལ་བའི་བྲན་དུ་མི་འགྱུར་བར་བྱའོ། །སྤྱོད་པའི་ཁམས་ལ་དམིགས་པས་འཁོར་བའི་ལས་བྱེད་དེ། འདོད་ཆགས་
D119.053.0309a07.01