完整藏文原文 · 德格版页 当前仅加载第 53 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ན་སེམས་ཅན་གྱིས་ཅིའི་ཕྱིར་བདག་ཡོད་ཅེས་སྨྲ། གཞན་ཡང་ཆོས་ཐམས་ཅད་ནི་ཐ་དད་འདུས་པ་ལས་སྐྱེས་ཀྱི་གཅིག་པུ་ཞིག་འདུས་པ་ལས་ཆོས་ཐམས་ཅད་སྐྱེས་པ་ཡང་མ་ཡིན་ལ། ཆོས་གཅིག་ཀྱང་ཐམས་ཅད་འདུས་པའི་འབྲས་བུ་མ་ཡིན་པར་རྟོགས་ཏེ།
D119.053.0266b01.01འདུས་པ་ཐམས་ཅད་བདག་གི་རང་བཞིན་ཡང་མེད། གཅིག་པའི་རང་བཞིན་ཡང་མེད། ཐ་དད་པའི་རང་བཞིན་ཡང་མེད། དངོས་པོའི་རང་བཞིན་ཡང་མེད། དབང་དུ་གྱུར་པའི་རང་བཞིན་ཡང་མེད་དོ། །ཆོས་ཐམས་ཅད་ལ་གལ་ཏེ་རང་བཞིན་གྱི་མཚན་ཉིད་དེ་དག་
D119.053.0266b02.01ཡོད་ན་མཁས་པ་ཤེས་རབ་ཅན་གྱིས་ཅིའི་ཕྱིར་བདག་ཡོད་པར་སྨྲ། གཞན་ཡང་འདི་སྙམ་དུ་ཆོས་ཐམས་ཅད་ལ་ཆོས་གཅིག་ཙམ་ཡང་བྱེད་པ་པོ་མེད་དོ། །ད་ལྟར་ཆོས་གཅིག་ཙམ་ཡང་བྱེད་པ་པོ་མེད་དེ། ཆོས་ཐམས་ཅད་འདུས་པ་ལས་བྱེད་པ་པོ་ཡང་མེད་དོ། །ཆོས་
D119.053.0266b03.01ཐམས་ཅད་རང་བཞིན་གྱིས་རང་སྐྱེ་བའམ། རང་འགོག་པར་མི་འགྱུར་ཏེ། འདུས་པ་ལས་འགོག་ཅིང་འདུས་པ་ལས་སྐྱེ་སྟེ། དེ་ལྟར་ཆོས་སྐྱེས་ནས་སེམས་ཅན་གྱིས་ཕྱིན་ཅི་ལོག་པའི་འདུ་ཤེས་བསྐྱེད་དེ། འདུས་པ་ལས་སྐྱེའོ་ཞེས་སྨྲའོ། །སེམས་ཅན་གྱིས་ཕྱིན་
D119.053.0266b04.01ཅི་ལོག་ཏུ་འདུ་ཤེས་པས་ཡང་དག་པའི་བདེན་པ་མེད་ན་ཅིའི་ཕྱིར་ཡང་དག་པར་བདག་ཡོད་དོ་ཞེས་སྨྲ། དེ་བས་ན་མཁས་པ་ཤེས་རབ་ཅན་ནི་བདག་མེད་པར་རྟོག་གོ། །གཞན་ཡང་ཅིའི་རྒྱུ་དང་ཅིའི་རྐྱེན་གྱིས་སེམས་ཅན་གྱིས་བདག་ཏུ་འཛིན་སྙམ་དུ་རྟོག་སྟེ། བདག་དེ་
D119.053.0266b05.01ཡོད་པ་ཞིག་ཡིན་ན་བདག་དེ་གཅིག་ཏུ་ཟད་དམ། མང་དུ་ཡོད་སྙམ་རྟོག་གོ། །གལ་ཏེ་བདག་དེ་གཅིག་ཏུ་ཟད་ན་ཅིའི་ཕྱིར་རྒྱལ་རིགས་དང་། བྲམ་ཟེ་དང་། རྗེའུ་རིགས་དང་། གདོལ་རིགས་དང་། ལྷ་དང་མི་དང་། སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་།
D119.053.0266b06.01བྱོལ་སོང་གི་སྐྱེ་གནས་དང་། ཆེན་པོ་དང་། ཆུང་ངུ་དང་། ལང་འཚོ་བ་དང་། རྒས་པ་ཡོད་པར་གྱུར། དེ་བས་ན་བདག་ཅེས་བྱ་བ་ནི་གཅིག་མ་ཡིན་པར་རིག་གོ། །བདག་ཅེས་བྱ་བ་དེ་གལ་ཏེ་མང་ན་ཅིའི་ཕྱིར་སེམས་ཅན་ཐམས་ཅད་ཀྱི་བདག་ཅེས་བྱ་བ་དེ་གཅིག་སྟེ།
D119.053.0266b07.01