完整藏文原文 · 德格版页 当前仅加载第 53 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
འདྲ་སྟེ། བུ་གསུམ་ཞེས་པ་ནི་བུའི་ནང་ན་རབ་ནི་བྱང་ཆུབ་སེམས་དཔའ་ལ་བྱ་བའི་དཔེའོ། །འབྲིང་པོ་ནི་ཉན་ཐོས་ལ་བྱ་བའི་དཔེའོ། །བུ་ཐ་{ཆུངས་,ཆུང་}ནི་ལོག་སྲེད་ཅན་ལ་བྱ་བའི་དཔེའོ། །མདོ་སྡེ་བཅུ་གཉིས་ལས་དོན་ཤིན་དུ་ཕྲ་བ་ཟབ་མོ་ནི་ངས་སྔར་བྱང་ཆུབ་སེམས་དཔའ་
D119.053.0186b01.01རྣམས་ལ་གསུངས་སོ། །དོན་མི་ཟབ་པ་ནི་ཉན་ཐོས་རྣམས་ལ་གསུངས་སོ། །འཇིག་རྟེན་གྱི་དོན་ནི་ལོག་སྲེད་ཅན་དང་། མཚམས་མེད་པ་ལྔའི་ཁ་ན་མ་ཐོ་བ་བྱེད་པ་ལ་གསུངས་སོ། །ད་ལྟར་གྱི་དུས་སུ་འཕྲལ་དུ་ཕན་པའི་དོན་དུ་མི་འགྱུར་ཡང་བྱམས་བརྩེ་བའི་ཕྱིར་འཇིག་རྟེན་ཕྱི་མའི་
D119.053.0186b02.01དགེ་བའི་འབྲས་བུར་འགྱུར་བར་བྱ་བའི་ཕྱིར་གསུངས་སོ། །རིགས་ཀྱི་བུ་འདི་ལྟ་སྟེ། ཞིང་ལ་རྣམ་པ་གསུམ་མོ། །ཞིང་ཆུ་ཀ་བདེ་ཞིང་རྡོ་དང་གསེག་མ་དང་གྱོ་མོ་དང་ཤིང་གེལ་པ་མེད་ན་བརྒྱ་འགྱུར་སྐྱེ་བ་དང་། བྱེ་མ་དང་གསེག་མ་དང་རྡོ་བ་དང་། གྱོ་མོ་དང་ཤིང་གེལ་པ་མེད་ཀྱང་
D119.053.0186b03.01ཆུ་ཀ་མི་བདེ་སྟེ་ཆུ་མ་བཅུས་ན་འབྲས་བུ་ཕྱེད་འབྲི་བ་དང་། ཆུ་ཀ་ཡང་མི་བདེ་ལ་རྡོ་དང་གསེག་མ་དང་ཤིང་གེལ་པ་མང་བ་ནི་རྩྭ་མང་དུ་སྐྱེ་བས་གཅིག་རྨོས་ན་གཅིག་ལས་མི་སྐྱེའོ། །རིགས་ཀྱི་བུ་ཞིང་པ་དག་དབྱར་རྨོ་བའི་དུས་ལ་བབ་ན་སྔར་ཞིང་གང་རྨོ་བར་བྱེད། གསོལ་པ། བཅོམ་
D119.053.0186b04.01ལྡན་འདས་སྔར་ཞིང་གཤིན་པ་རྨོས་ནས་དེའི་འོག་ཏུ་རྣམ་པ་གཉིས་ཀྱང་མཐར་གྱིས་རྨོད་དོ། །དེ་ལ་ཐོག་མ་ནི་བྱང་ཆུབ་སེམས་དཔའ་ལ་བྱ་བའི་དཔེའོ། །བར་མ་ནི་ཉན་ཐོས་ལ་བྱ་བའི་དཔེའོ། །ཐ་མ་ནི་ལོག་སྲེད་ཅན་ལ་བྱ་བའི་དཔེའོ། །རིགས་ཀྱི་བུ་འདི་ལྟ་སྟེ་དཔེར་ན་མི་
D119.053.0186b05.01ཞིག་ལ་སྣོད་མ་ཆག་པ་དང་། ཟག་པ་དང་། ཆག་པ་དང་། གསུམ་ཡོད་དེ། སྣོད་ཀྱི་ནང་དུ་འོ་མའམ་ཞོའམ། ཆུའམ་མར་བླུགས་པར་བྱ་ན། སྔར་གང་གི་ནང་དུ་བླུགས་པའི་རིགས། གསོལ་པ། བཅོམ་ལྡན་འདས་སྔར་སྣོད་མ་ཆག་པའི་ནང་དུ་བླུགས་སོ། །དེ་ནས་
D119.053.0186b06.01ཟག་པའི་ནང་དུ་བླུགས་སོ། །དེ་ནས་ཆག་པའི་ནང་དུ་ཡང་བླུགས་སོ། །སྣོད་མ་ཆག་པ་དག་པ་ནི་བྱང་ཆུབ་སེམས་དཔའི་དགེ་འདུན་གྱི་དཔེའོ། །ཟག་པ་ནི་ཉན་ཐོས་ཀྱི་དགེ་འདུན་གྱི་དཔེའོ། །ཆག་པ་ནི་ལོག་སྲེད་ཅན་གྱི་དཔེའོ། །རིགས་ཀྱི་བུ་འདི་ལྟ་སྟེ་དཔེར་ན་ནད་པ་གསུམ་
D119.053.0186b07.01