完整藏文原文 · 德格版页 当前仅加载第 53 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
པ། བཅོམ་ལྡན་འདས་ལོག་སྲེད་ཅན་ལ་དགེ་བའི་ཆོས་མ་མཆིས་པའི་སླད་དུ་ལོག་སྲེད་ཅན་ཞེས་བགྱིའམ། བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ཏེ། དེ་དེ་བཞིན་ནོ། །གསོལ་པ། བཅོམ་ལྡན་འདས་སེམས་ཅན་ཐམས་ཅད་ཀྱི་དགེ་བ་ལ་རྣམ་པ་གསུམ་
D119.053.0191b01.01སྟེ། འདས་པ་དང་། མ་འོངས་པ་དང་། ད་ལྟར་གྱི་མཆིས་པས་ལོག་སྲེད་ཅན་གྱིས་མ་འོངས་པའི་དགེ་བའི་ཆོས་མ་བཅད་ན། ཅིའི་སླད་དུ་དགེ་བའི་ཆོས་བཅད་དེ་ལོག་སྲེད་ཅན་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བཅད་པ་ལ་རྣམ་པ་
D119.053.0191b02.01གཉིས་ཏེ། ད་ལྟར་བགགས་པ་དང་། ད་ལྟར་གྱི་སྒྲིབ་པས་མ་འོངས་པའི་བསྒྲིབས་པའོ། །ལོག་སྲེད་ཅན་དག་བཅད་པ་རྣམ་པ་གཉིས་དང་ལྡན་པའི་ཕྱིར་དགེ་བའི་རྩ་བ་ཡོངས་སུ་བཅད་པའོ་ཞེས་ངས་གསུངས་སོ། །རིགས་ཀྱི་བུ་འདི་ལྟ་སྟེ་དཔེར་ན། མི་ཞིག་ངན་
D119.053.0191b03.01སྐྱུགས་ཀྱི་དོང་དུ་ལྷུང་ནས་སྐྲ་ཉག་མ་གཅིག་ཙམ་ལས་མི་སྣང་ངོ་། །སྐྲ་ཉག་མ་གཅིག་ཙམ་མ་ནུབ་མོད་ཀྱི་སྐྲ་ཉག་མ་གཅིག་ཙམ་གྱིས་ལུས་མི་ཐེག་གོ། །ལོག་སྲེད་ཅན་དག་ཀྱང་དེ་དང་འདྲ་སྟེ། མ་འོངས་པའི་དུས་ན་དགེ་བའི་རྩ་བ་ཡོད་མོད་ཀྱི་སེམས་ཅན་དམྱལ་བའི་སྡུག་
D119.053.0191b04.01བསྔལ་ལས་ཐར་བར་མི་འགྱུར་ཏེ། མ་འོངས་པའི་དུས་ན་སྒྲོལ་བར་འགྱུར་ཡང་ད་ལྟར་གྱི་དུས་སུ་ཅི་བྱར་ཡང་མེད་པས་བསྒྲལ་དུ་མི་རུང་བ་ཞེས་བྱའོ། །སངས་རྒྱས་ཀྱི་རང་བཞིན་གྱི་རྒྱུ་དང་རྐྱེན་གྱིས་སྒྲོལ་བར་ཡང་འགྱུར་རོ། །སངས་རྒྱས་ཀྱི་རང་བཞིན་ཞེས་བྱ་བ་ནི་འདས་
D119.053.0191b05.01པ་མ་ཡིན། མ་འོངས་པ་མ་ཡིན། ད་ལྟར་གྱི་མ་ཡིན་ཏེ། དེ་བས་ན་སངས་རྒྱས་ཀྱི་རང་བཞིན་ནི་གཅད་དུ་མེད་དོ། །དཔེར་ན་ས་བོན་རུལ་བ་ལས་མྱུ་གུ་མི་སྐྱེ་བ་ལྟར་ལོག་སྲེད་ཅན་ཡང་དེ་དང་འདྲའོ་གསོལ་པ་བཅོམ་ལྡན་འདས་ལོག་སྲེད་ཅན་དག་སངས་རྒྱས་ཀྱི་རང་བཞིན་
D119.053.0191b06.01མ་བཅད་དེ། སངས་རྒྱས་ཀྱི་རང་བཞིན་ཉིད་དགེ་བ་ལགས་ན་ཅིའི་སླད་དུ་དགེ་བ་ཐམས་ཅད་བཅད་དོ་ཞེས་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སེམས་ཅན་གང་ད་ལྟར་གྱི་དུས་སུ་སངས་རྒྱས་ཀྱི་རང་བཞིན་དང་ལྡན་ན་དེ་ལ་ནི་ལོག་སྲེད་ཅན་ཞེས་མི་བྱ་
D119.053.0191b07.01