完整藏文原文 · 德格版页 当前仅加载第 53 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་ཐོབ་ནས་{བླ་དགས་,བླ་དྭགས་}སུ་མིང་འདོགས་པས་རྒྱུན་དུ་ཞུགས་པ་ཞེས་བྱ་སྟེ། སྔར་ཐོབ་པའི་ཕྱིར་རྒྱུན་དུ་ཞུགས་པ་ཞེས་བྱ། ཕྱིས་ཐོབ་པའི་ཕྱིར་ལན་ཅིག་ཕྱིར་ལྡོག་པ་ཞེས་བྱ་སྟེ། དེ་ཉིད་རྒྱུན་དུ་ཞུགས་པ་ཞེས་ཀྱང་བྱ་ལ། ལན་ཅིག་ཕྱིར་ལྡོག་པ་ཞེས་ཀྱང་བྱ་བ་ནས་སངས་
D119.053.0236a01.01རྒྱས་ཞེས་བྱ་བའི་བར་དུ་བཏགས་སོ། །རིགས་ཀྱི་བུ་རྒྱུན་དུ་ཞུགས་པ་ལ་རྣམ་པ་གཉིས་ཏེ། རྣམ་པར་གྲོལ་བ་དང་། མྱ་ངན་ལས་འདས་པའོ། །འཕགས་པ་ཐམས་ཅད་ལ་རྣམ་པ་དེ་གཉིས་ཡོད་པའི་ཕྱིར་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་ཞེས་བྱ་བ་ནས་སངས་རྒྱས་
D119.053.0236a02.01ཀྱི་བར་དུ་དེ་དང་འདྲའོ། །རིགས་ཀྱི་བུ་བྱང་ཆུབ་སེམས་དཔའ་ལ་ཡང་རྒྱུན་དུ་ཞུགས་པ་ཞེས་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་ཟད་པའི་ཡེ་ཤེས་དང་། མི་སྐྱེ་བའི་ཡེ་ཤེས་ཡིན་ཏེ། རྒྱུན་དུ་ཞུགས་པ་ཡང་ཡེ་ཤེས་རྣམ་པ་དེ་གཉིས་ཚོལ་བས་ན་རྒྱུན་དུ་ཞུགས་པ་ལ་
D119.053.0236a03.01ཡང་བྱང་ཆུབ་སེམས་དཔའ་ཞེས་གདགས་སུ་རུང་ངོ་། །རྒྱུན་དུ་ཞུགས་པ་ལ་སངས་རྒྱས་ཞེས་བྱར་ཡང་རུང་སྟེ། །དེ་ཅིའི་ཕྱིར་ཞེ་ན། ཡང་དག་པར་ལམ་མཐོང་ཞིང་ཉོན་མོངས་པ་ཡོངས་སུ་གཅོད་པ་དང་། ཡང་དག་པར་རྫོགས་པའི་རྒྱུ་དང་འབྲས་བུར་འགྱུར་བ་དང་། ཡང་དག་པར་
D119.053.0236a04.01རྫོགས་པའི་ལམ་འདྲེས་པ་དང་མ་འདྲེས་པ་དང་འཐུན་པའི་ཕྱིར་ཏེ། ལན་ཅིག་ཕྱིར་ལྡོག་པ་ནས་དགྲ་བཅོམ་པའི་བར་དུ་ཡང་དེ་དང་འདྲའོ། །རིགས་ཀྱི་བུ་རྒྱུན་དུ་ཞུགས་པ་ལ་དོན་རྣམ་པ་གཉིས་ཏེ། དབང་པོ་རྣོ་བ་དང་། དབང་པོ་རྟུལ་བའོ། །དེ་ལ་དབང་པོ་རྟུལ་བས་ནི་ལྷ་དང་མིར་ཡན་
D119.053.0236a05.01མན་ལན་བདུན་དུ་འགྲོའོ། །དབང་པོ་རྟུལ་བ་ལ་ཡང་རྣམ་པ་ལྔ་སྟེ། ལ་ལས་ནི་ཡན་མན་ལན་དྲུག་དང་། ལྔ་དང་། བཞི་དང་། གསུམ་དང་། གཉིས་སོ། །དབང་པོ་རྣོན་པོས་ནི་ད་ལྟར་གྱི་དུས་སུ་རྒྱུན་དུ་ཞུགས་པའི་འབྲས་བུ་ནས་དགྲ་བཅོམ་པའི་བར་དུ་ཐོབ་པར་འགྱུར་རོ། །རིགས་
D119.053.0236a06.01ཀྱི་བུ་ཁྱོད་ཀྱིས་ཅིའི་ཕྱིར་རྒྱུན་དུ་ཞུགས་པའི་དཔེ་ཉ་ཚག་གུ་ཞེས་བྱ་བ་ལ་ལེན་ཅེས་བྱ་བ་ནི་རིགས་ཀྱི་བུ་ཉ་དེ་ལ་དངོས་པོ་རྣམ་པ་བཞི་ཡོད་པའི་ཕྱིར་རོ། །གང་ཞེ་ན། རུས་པ་ཕྲ་བའི་ཕྱིར་ཡང་བ་དང་། འདབ་མ་ཡོད་པའི་ཕྱིར་ཡང་བ་དང་། སྣང་བའི་འོད་མཐོང་བར་དགའ་བ་དང་། དམ་
D119.053.0236a07.01