完整藏文原文 · 德格版页 当前仅加载第 53 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། ཇི་ལྟར་འཇིག་རྟེན་ན་སེམས་ཅན་ལ་བདག་ཅེས་བྱ་བ་ཡོད་པ་དང་འདྲའོ། །སངས་རྒྱས་ཀྱི་རང་བཞིན་དེ་རྟག་པ་ཡིན་ན་ནི་དུས་གསུམ་ལ་མ་གཏོགས་སོ། །ཇི་སྟེ་དུས་གསུམ་ལ་གཏོགས་ན་མི་རྟག་པ་ཞེས་བྱའོ། །སངས་རྒྱས་ཀྱི་རང་བཞིན་ནི་མ་འོངས་
D119.053.0192a01.01པའི་དུས་སུ་མཐོང་བར་འགྱུར་བས་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་དོ་ཞེས་གསུངས་ཏེ། དེ་བས་ན་ས་བཅུ་པའི་བྱང་ཆུབ་སེམས་དཔའ་བཀོད་པ་ཕུན་སུམ་ཚོགས་པ་དང་ལྡན་པས་ཅུང་ཟད་ཅིག་མཐོང་བར་གྱུར་ཏོ། །བྱང་ཆུབ་སེམས་དཔའ་འོད་སྲུང་གིས་
D119.053.0192a02.01གསོལ་པ། བཅོམ་ལྡན་འདས་སངས་རྒྱས་ཀྱི་རང་བཞིན་ནི་རྟག་པ་ལགས་ཏེ་ནམ་མཁའ་དང་འདྲ་ན་ཅིའི་སླད་དུ་དེ་བཞིན་གཤེགས་པས་མ་འོངས་པའོ་ཞེས་གསུངས། དེ་བཞིན་གཤེགས་པས་གལ་ཏེ་ལོག་སྲེད་ཅན་དག་ལ་དགེ་བའི་ཆོས་མ་མཆིས་ཞེས་གསུང་བ་ནི་ལོག་སྲེད་
D119.053.0192a03.01ཅན་གྱི་སློབ་པ་གཅིག་པ་དང་། སློབ་དཔོན་གཅིག་པ་དང་། ཕ་དང་། མ་དང་། གཉེན་བཤེས་དང་། ཆུང་མ་དང་། བུ་ལ་བྱམས་པ་དང་། སྡུག་པའི་སེམས་མི་སྐྱེའམ། ཇི་སྟེ་སྐྱེ་ན་དེ་ཉིད་དགེ་བ་མ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ལེགས་
D119.053.0192a04.01སོ་ལེགས་སོ། །རིགས་ཀྱི་བུ་ཤིན་ཏུ་ལེགས་པར་དྲིས་སོ། །སངས་རྒྱས་ཀྱི་རང་བཞིན་ཞེས་བྱ་བ་ནི་ནམ་མཁའ་དང་འདྲ་སྟེ། འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་ཡང་མ་ཡིན་ནོ། །སེམས་ཅན་ཐམས་ཅད་ལ་ཡང་ལུས་རྣམ་པ་གསུམ་སྟེ།
D119.053.0192a05.01འདས་པ་དང་། མ་འོངས་པ་དང་། ད་ལྟར་གྱིའོ། །སེམས་ཅན་གྱིས་མ་འོངས་པའི་དུས་སུ་བཀོད་པ་ཕུན་སུམ་ཚོགས་པ་རྣམ་པར་དག་པའི་ལས་ཀྱིས་སངས་རྒྱས་ཀྱི་རང་བཞིན་མཐོང་བར་འགྱུར་བས་ན་སངས་རྒྱས་ཀྱི་རང་བཞིན་མ་འོངས་པའོ་ཞེས་ངས་གསུངས་སོ། །རིགས་
D119.053.0192a06.01ཀྱི་བུ་ངས་ནི་སོ་སོའི་སྐྱེ་བོའི་ཕྱིར་དུས་ཁ་ཅིག་ཏུ་ནི་རྒྱུ་འབྲས་བུ་ཡིན་ནོ་ཞེས་ཀྱང་གསུངས། དུས་ཁ་ཅིག་ཏུ་ནི་འབྲས་བུ་རྒྱུ་ཡིན་ནོ་ཞེས་གསུངས་ཏེ། དེ་བས་ན་མདོ་སྡེ་ལས་ཁ་ཟས་ནི་འཚོ་བ་ཡིན་པ་དང་། གཟུགས་མཐོང་བ་ལ་རེག་པ་ཡིན་ནོ་ཞེས་གསུངས་པ་དང་འདྲ་བར་མ་འོངས་
D119.053.0192a07.01