完整藏文原文 · 德格版页 当前仅加载第 53 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་ན་ལྷ་སྦྱིན་གྱིས་ལས་བྱས་པ་ལ་སངས་རྒྱས་སྦྱིན་གྱིས་རྣམ་པར་སྨིན་པ་མྱོང་བར་མ་མཐོང་ངོ་། །ཇི་སྟེ་ལུས་ཀྱིས་བྱས་པ་མ་ཡིན་ལ། བདག་ཅེས་བྱ་བ་རྐྱེན་གྱིས་དབང་གིས་མྱོང་བ་མ་ཡིན་ནོ་ཞེས་སྨྲ་ན་ཁྱོད་ལ་སོགས་པ་ཅིའི་ཕྱིར་རྒྱུ་དང་རྐྱེན་ལས་རྣམ་པར་གྲོལ་བ་
D119.053.0286a01.01ཚོལ། །ཁྱོད་ཀྱི་ལུས་སྔ་ནས་ཡོད་ལ། རྒྱུ་དང་རྐྱེན་ལས་བྱུང་བ་མ་ཡིན་ན་རྣམ་པར་གྲོལ་ནས་ཀྱང་རྒྱུ་དང་རྐྱེན་མི་དགོས་པར་ལུས་ཡང་སྐྱེ་བར་འགྱུར་རོ། །ལུས་ཇི་ལྟ་བ་བཞིན་དུ་ཉོན་མོངས་པ་ཐམས་ཅད་ཀྱང་དེ་དང་འདྲའོ། །ས་ནིས་གསོལ་པ། གཽ་ཏ་མ་བདག་ཅེས་བགྱི་བ་ལ་རྣམ་པ་
D119.053.0286a02.01གཉིས་ཏེ། ཤེས་པ་དང་བཅས་པ་དང་ཤེས་པ་མེད་པའོ། །ཤེས་པ་མེད་པའི་བདག་གིས་ནི་ལུས་ཐོབ་པར་བགྱིད་དོ། །ཤེས་པ་དང་བཅས་པའི་བདག་གིས་ནི་ལུས་སྤོང་བར་བགྱིད་དོ། །དཔེར་ན་རྫ་མ་སོ་མ་བཏང་བ་བསྲེགས་ན་ཁ་དོག་རྙིང་པ་མ་མཆིས་པར་འགྱུར་ཏེ། དེ་སླར་སྐྱེ་མི་སྲིད་དོ། །
D119.053.0286a03.01མཁས་པ་ཤེས་རབ་ཅན་གྱི་ཉོན་མོངས་པ་ཡང་དེ་དང་འདྲ་སྟེ་མ་མཆིས་པར་བགྱིས་པའི་འོག་ཏུ་ནམ་དུ་ཡང་སླར་སྐྱེ་མི་སྲིད་དོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཤེས་པ་ཞེས་བྱ་བ་ཡེ་ཤེས་ཀྱིས་ཤེས་སམ། བདག་ཅེས་བྱ་བས་ཤེས། ཇི་སྟེ་ཡེ་ཤེས་ཀྱིས་ཤེས་པ་
D119.053.0286a04.01ཞིག་ཡིན་ན། ཅིའི་ཕྱིར་བདག་གིས་ཤེས་སོ་ཞེས་སྨྲ། ཇི་སྟེ་བདག་གིས་ཤེས་པ་ཞིག་ཡིན་ན། ཅིའི་ཕྱིར་ཐབས་མཁས་པས་ཡེ་ཤེས་ཚོལ་དགོས་པར་འགྱུར། ཅི་ཁྱོད་ཀྱི་ཡིད་ལ་བདག་ཅེས་བྱ་བས་ཡེ་ཤེས་ཀྱི་དབང་གིས་ཤེས་སོ་ཞེས་སྨྲ་ན་ཡང་མེ་ཏོག་གི་དཔེ་མི་རུང་བ་དང་འདྲའོ། །
D119.053.0286a05.01རིགས་ཀྱི་བུ་དཔེར་ན་ཤིང་ཚེར་མ་ཅན་ཡང་རང་བཞིན་གྱིས་འཛུག་པ་ཡིན་གྱི། ཤིང་གི་ཚེར་མ་ཐོགས་ཏེ་འཛུགས་སོ་ཞེས་བྱར་མི་རུང་ངོ་། །ཡེ་ཤེས་ཀྱང་དེ་དང་འདྲ་སྟེ། ཡེ་ཤེས་ཉིད་ཀྱིས་ཤེས་པ་ཡིན་ན། ཅིའི་ཕྱིར་བདག་གིས་ཡེ་ཤེས་ཐོགས་ཏེ་ཤེས་པར་བྱེད་དོ་ཞེས་སྨྲ། རིགས་ཀྱི་བུ་
D119.053.0286a06.01ཁྱོད་ཉིད་ཀྱི་ཆོས་ལས་བདག་ཅེས་བྱ་བ་རྣམ་པར་གྲོལ་ལོ་ཞེ་ན། ཤེས་པ་མེད་པའི་བདག་གིས་ཐོབ་བམ། ཤེས་པ་དང་བཅས་པའི་བདག་གིས་ཐོབ། ཇི་སྟེ་ཤེས་པ་མེད་པས་ཐོབ་ན་ད་དུང་ཉོན་མོངས་པ་དང་བཅས་པར་རིག་པར་བྱའོ། །ཇི་སྟེ་ཤེས་པ་དང་བཅས་པས་ཐོབ་ན། ད་དུང་ཡང་
D119.053.0286a07.01