完整藏文原文 · 德格版页 当前仅加载第 53 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་ལྔ་ཕུང་དང་སེམས་དང་། ཁམས་དང་། འཇིག་རྟེན་གྱི་བསོད་ནམས་དང་། ལས་ཀྱི་དབང་དང་། ལྷ་དབང་སྒྱུར་གྱི་འཇིག་རྟེན་ནི་བདག་ཡིན་ཞེས་གསུངས་སོ། །ངའི་ཉེ་གནས་རྣམས་དེ་སྐད་དུ་གསུངས་པ་ཐོས་ནས་ངའི་དགོངས་པ་མི་ཤེས་པས་འདི་སྐད་དུ།
D119.053.0202b01.01དེ་བཞིན་གཤེགས་པས་ངེས་པར་བདག་ཡོད་པར་གསུངས་སོ་ཞེས་ཟེར་རོ། །རིགས་ཀྱི་བུ་ཡང་དུས་གཞན་ཞིག་ན་དགེ་སློང་གཅིག་ཅིག་ང་གང་ན་བར་འོངས་ནས་འདི་སྐད་དུ་བཅོམ་ལྡན་འདས་བདག་ཅེས་བགྱི་བ་ཇི་ལྟ་བུ། བདག་ཅེས་བགྱི་བ་ནི་སུ། ཅིའི་རྐྱེན་གྱིས་བདག་
D119.053.0202b02.01ཅེས་བགྱིས་ཞེས་ཞུས་སོ། །དེ་ནས་ངས་དགེ་སློང་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་བདག་དང་བདག་གི་བ་མེད་དོ། །མེད་ཅེས་བྱ་བ་དེ་ནི་ཐོག་མ་ནས་མེད་ལ་ད་ལྟར་ཡོད་དོ། །ཡོད་པ་ལས་ཀྱང་ཕྱིས་མེད་པར་འགྱུར་ཏེ་ཐོག་མ་སྐྱེས་པའི་ཚེའང་གང་ནས་ཀྱང་
D119.053.0202b03.01མ་འོངས་ལ། ཕྱིས་འགོག་པ་ན་ཡང་གང་དུ་ཡང་སོང་བ་མེད་དེ། ལས་ཀྱི་འབྲས་བུ་ཡོད་མོད་ཀྱི། སུས་ཀྱང་མ་བྱས་སོ། །ཕུང་པོ་བཏང་བ་ཡང་མེད་ལ་ཕུང་པོ་ལེན་པ་ཡང་མེད་དེ། ཇི་ལྟར་ཁྱོད་ཀྱིས་བདག་ཅེས་བྱ་བ་ཇི་ལྟ་བུ་ཞེས་ཞུས་པ་དེ་བདག་ནི་དེ་ཁོ་ན་ཡིན་ནོ། །བདག་
D119.053.0202b04.01སུ་ཞེས་ཞུས་པ་དེ་ནི་ལས་ཡིན་ནོ། །ཅིའི་རྐྱེན་གྱིས་བདག་ཅེས་བྱ་བ་ནི་སྲིད་པ་ཡིན་ནོ། །དགེ་སློང་དཔེར་ན་ལག་པ་གཉིས་བརྡབས་པས་དེའི་བར་ན་སྒྲ་འབྱུང་བ་ལྟར་བདག་ཀྱང་དེ་དང་འདྲ་སྟེ། སེམས་དང་ལས་དང་། སྲིད་པ་གསུམ་གྱི་རྒྱུ་འབྲེལ་པས་བདག་ཅེས་བྱའོ། །དགེ་སློང་
D119.053.0202b05.01སེམས་ཅན་ཐམས་ཅད་ཀྱི་གཟུགས་ནི་བདག་མ་ཡིན་ནོ། །བདག་གི་ནང་ན་གཟུགས་མེད་ལ། གཟུགས་ཀྱི་ནང་ན་ཡང་བདག་མེད་པ་ནས་རྣམ་པར་ཤེས་པའི་བར་དུ་ཡང་དེ་བཞིན་ནོ། །དགེ་སློང་མུ་སྟེགས་ཅན་ལ་སོགས་པས་བདག་ཡོད་པར་སྨྲ་བ་ཡང་ཕུང་པོ་ལས་གཞན་པ་མ་
D119.053.0202b06.01ཡིན་ཏེ། ཕུང་པོ་སྤངས་པའི་ཕ་རོལ་ན་བདག་ཡོད་དོ་ཞེས་བྱ་བ་དེ་ལྟ་བུའི་གནས་མེད་དོ། །སེམས་ཅན་ཐམས་ཅད་ཀྱི་འདུ་བྱེད་ནི་སྒྱུ་མས་སྤྲུལ་པ་དང་། སྨིག་རྒྱུ་བ་དང་མཚུངས་ཏེ། དགེ་སློང་ཕུང་པོ་ལྔ་ནི་མི་རྟག་པ། བདེ་བ་མེད་པ། བདག་མེད་པ། ཡོངས་སུ་མ་དག་པའོ། །
D119.053.0202b07.01