完整藏文原文 · 德格版页 当前仅加载第 53 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཉིས་སུ་གསུང་བ་མེད་པ་ཞེས་བྱའོ། །ཁྱོད་སྨྲ་བ་ལྟར་སྔོན་རྒན་རབས་མཁས་པ་ལས། སངས་རྒྱས་འཇིག་རྟེན་དུ་གཤེགས་པ་ནི་གཉིས་སུ་མེད་པར་གསུང་ངོ་ཞེས་ཐོས་པ་ཤིན་ཏུ་ལེགས་སོ། །ད་ལྟར་ཕྱོགས་བཅུ་ན་དུས་གསུམ་དུ་རྣམ་པར་བཞུགས་པའི་སངས་རྒྱས་ཐམས་
D119.053.0279b01.01ཅད་ཀྱིས་གསུང་བ་ལ་ཐ་དད་པ་མེད་དེ། དེ་བས་ན་སངས་རྒྱས་བཅོམ་ལྡན་འདས་ནི་གཉིས་སུ་མེད་པར་གསུང་བ་ཞེས་བྱའོ། །ཇི་ལྟར་ན་ཐ་དད་པ་མེད་པ་ཞེ་ན། གང་ཡོད་པར་སྨྲ་བ་དེ་ལ་ཡོད་པར་ཡང་གསུང་ངོ་། །གང་མེད་པར་སྨྲ་བ་ལ་མེད་པར་ཡང་གསུང་བར་དོན་གཅིག་པ་ཞེས་
D119.053.0279b02.01བྱའོ། །བྲམ་ཟེ་སངས་རྒྱས་བཅོམ་ལྡན་འདས་ནི་རྣམ་པ་གཉིས་སུ་གསུངས་པས་གཅིག་ཏུ་གསུངས་པའི་ཚིག་གསལ་བར་བྱེད་དོ། །ཇི་ལྟར་ན་གཉིས་སུ་གསུངས་པས་གཅིག་ཏུ་གསུངས་པ་གསལ་བར་བྱེད་པ་ཞེ་ན། དཔེར་ན་མིག་དང་གཟུགས་ཞེས་ཚིག་གཉིས་ལས་རྣམ་པར་ཤེས་པ་
D119.053.0279b03.01ཞེས་བྱ་བའི་ཚིག་གཅིག་བྱུང་བ་ནས་ཡིད་དང་ཆོས་ཀྱི་བར་དུ་དེ་བཞིན་དུ་རྒྱས་པར་རིག་པར་བྱའོ། །བྲམ་ཟེས་གསོལ་པ། གཽ་ཏ་མ་སྨྲ་བའི་ཚིག་གི་དོན་ལེགས་པར་གསུངས་སོ། །བདག་ཅག་ནི་གཉིས་སུ་གསུངས་པ་ལས་གཅིག་ཏུ་གསུང་བ་གསལ་བར་མཛད་པ་མ་རྟོགས་སོ། །དེ་ནས་
D119.053.0279b04.01བཅོམ་ལྡན་འདས་ཀྱིས་དེ་དག་ལ་འཕགས་པའི་བདེན་པ་བཞི་གསུང་བ་བརྗོད་དོ། །འདི་ལྟ་སྟེ་སྡུག་བསྔལ་གྱི་བདེན་པ་ནི་གཉིས་ཀྱང་ཡིན་ལ། གཅིག་ཀྱང་གཅིག་གོ། །དེ་བཞིན་དུ་ལམ་གྱི་བདེན་པའི་བར་དུ་གཉིས་ལ་གཅིག་ཀྱང་གཅིག་གོ། །བྲམ་ཟེས་གསོལ་པ། བཅོམ་ལྡན་འདས་
D119.053.0279b05.01བདག་གིས་རྟོགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་ཇི་ལྟ་བུར་རྟོགས། བྲམ་ཟེས་གསོལ་པ། བཅོམ་ལྡན་འདས་སྡུག་བསྔལ་གྱི་བདེན་པ་ཞེས་བགྱི་བ་བྱིས་པ་མ་རབས་ཐམས་ཅད་ལ་གཉིས་ཏེ། འཕགས་པ་རྣམས་ལ་གཅིག་གོ། །དེ་བཞིན་
D119.053.0279b06.01དུ་ལམ་གྱི་བདེན་པའི་བར་དུ་རྟོགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་ལེགས་པར་རྟོགས་སོ། །བྲམ་ཟེས་གསོལ་པ། བཅོམ་ལྡན་འདས་བདག་གིས་ཐོས་ནས་ཡང་དག་པའི་ལྟ་བ་ཐོབ་པར་གྱུར་པས། ད་ནི་སངས་རྒྱས་དང་། ཆོས་དང་། དགེ་འདུན་ལ་
D119.053.0279b07.01