完整藏文原文 · 德格版页 当前仅加载第 53 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
དགྲས་འཇིགས་པའི་ཕྱིར་འཁོར་བའི་ཀླུང་ཆེན་པོ་རྒལ་སྙམ་བསམས་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། སྐྲ་དང་། ཁ་སྤུ་བྲེགས་ནས་ལུས་ལ་ཆོས་གོས་གྱོན་ཏོ། །དེ་ལྟར་རབ་ཏུ་བྱུང་ནས་མི་དགེ་བའི་གྲོགས་དང་བསྟེན་ཏེ། དེའི་ངག་ཉན་ཅིང་ལོག་པའི་
D119.053.0168b01.01ཆོས་འདི་དག་འཛིན་ཏོ། །སེམས་ཅན་གྱི་ལུས་ནི་ལྔ་ཕུང་སྟེ། ལྔ་ཕུང་དེ་ནི་ཆེན་པོ་ལྔའོ། །གལ་ཏེ་སེམས་ཅན་ཤི་ན་ཆེན་པོ་ལྔ་ཡུན་དུ་བཅད་པ་ཡིན་ནོ། །ཆེན་པོ་ལྔ་ཡུན་དུ་བཅད་ན་དགེ་བ་དང་། མི་དགེ་བའི་ལས་རྣམས་བསྒོམ་ཅི་དགོས་ཞེས་ཟེར་ཏེ། དེ་བས་ན་
D119.053.0168b02.01དགེ་བ་དང་། མི་དགེ་བ་དང་། དགེ་བ་དང་། མི་དགེ་བའི་རྣམ་པར་སྨིན་པ་མེད་པར་རིག་གོ་ཞེས་ཟེར་ཏེ། དེ་ལྟ་བུ་ནི་ལོག་སྲེད་ཅན་ཞེས་བྱའོ། །ལོག་སྲེད་ཅན་ཞེས་བྱ་བ་ནི་དགེ་བའི་རྩ་བ་ཐམས་ཅད་གཅོད་པ་ཞེས་བྱའོ། །དགེ་བའི་རྩ་བ་བཅད་པའི་ཕྱིར་འཁོར་
D119.053.0168b03.01བའི་ཀླུང་དུ་ནུབ་སྟེ་འབྱུང་མི་ནུས་སོ། །དེ་ཅིའི་ཕྱིར་ཞེ་ན། མི་དགེ་བའི་ལས་ལྕི་བའི་ཕྱིར་དད་པའི་སྟོབས་མེད་པའི་ཕྱིར་ཏེ། གང་གཱའི་ཀླུང་གི་མི་དང་པོ་དང་མཚུངས་སོ། །རིགས་ཀྱི་བུ་ལོག་སྲེད་ཅན་དག་ནི་རྒྱུ་རྐྱེན་རྣམ་པ་དྲུག་གིས་ངན་སོང་གསུམ་དུ་ནུབ་སྟེ་འབྱུང་
D119.053.0168b04.01མི་ནུས་སོ། །དྲུག་གང་ཞེ་ན། འདི་ལྟ་སྟེ། མི་དགེ་བའི་སེམས་འབར་བ་དང་། འཇིག་རྟེན་ཕྱི་མ་མི་མཐོང་བ་དང་། ཉོན་མོངས་པ་སྤྱོད་པ་ན་དགའ་བ་དང་། དགེ་བའི་རྩ་བ་སྤོང་བ་དང་། མི་དགེ་བའི་ལས་ཀྱིས་བསྒྲིབས་ཤིང་ཆོད་པ་དང་། མི་དགེ་བའི་བཤེས་གཉེན་ལ་བསྟེན་
D119.053.0168b05.01པའོ། །ཡང་དངོས་པོ་རྣམ་པ་ལྔས་ངན་སོང་གསུམ་དུ་ནུབ་བོ། །ལྔ་གང་ཞེ་ན། དགེ་སློང་ལ་ཆོས་མ་ཡིན་པར་བྱེད་པ་དང་། དགེ་སློང་མ་ལ་ཆོས་མ་ཡིན་པར་བྱེད་པ་དང་། དབང་དུ་བྱས་ཏེ་དགེ་འདུན་གྱི་རྫས་ལ་སྤྱོད་པ་དང་། མ་ལ་ཆོས་མ་ཡིན་པ་སྤྱོད་པ་དང་། དགེ་འདུན་སྡེ་
D119.053.0168b06.01མི་འཐུན་པ་ལྔ་ལ་ཡིན་པ་དང་མ་ཡིན་པ་བསྐྱེད་པའོ། །ཡང་དངོས་པོ་རྣམ་པ་ལྔས་ངན་སོང་གསུམ་དུ་ལྟུང་ངོ་། །ལྔ་གང་ཞེ་ན། རྟག་ཏུ་དགེ་བ་དང་། མི་དགེ་བའི་འབྲས་བུ་མེད་དོ་ཞེས་འཆད་པ་དང་། བྱང་ཆུབ་ཏུ་སེམས་བསྐྱེད་པའི་སེམས་ཅན་གྱི་སྲོག་གཅོད་པ་དང་།
D119.053.0168b07.01