完整藏文原文 · 德格版页 当前仅加载第 53 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་བྱེད་པ་དང་། རྩ་བ་བཞི་ཉམས་པ་དང་། མཚམས་མེད་པ་ལྔའི་ཁ་ན་མ་ཐོ་བ་བྱེད་པ་དང་། དགེ་འདུན་གྱི་ནོར་ལ་ཐུགས་ཐུབ་ཏུ་སྤྱོད་པ་དང་། ལོག་སྲེད་ཅན་གྱི་ལས་བྱེད་པ་དང་། དགེ་བའི་རྩ་བ་གཅོད་པ་དང་། མདོ་སྡེ་འདི་ལ་ཡིད་མི་ཆེས་པ་ནི་ཕྱོགས་
D119.053.0194b01.01བཅུའི་འཇིག་རྟེན་གྱི་ཁམས་ཀྱི་ས་དང་འདྲའོ། །རིགས་ཀྱི་བུ་དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་དབང་པོ་རབ་དང་། འབྲིང་དང་། ཐ་མ་ལ་ཤིན་ཏུ་མཁས་ཏེ། དེ་བས་ན་དེ་བཞིན་གཤེགས་པ་ནི་དབང་པོ་ལྔ་ལ་མཁས་པའི་སྟོབས་དང་ལྡན་
D119.053.0194b02.01པ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ནི་དབང་པོ་ལ་མཁས་པའི་སྟོབས་དང་ལྡན་པས་སེམས་ཅན་ཐམས་ཅད་ཀྱི་དབང་པོ་རབ་དང་། འབྲིང་དང་།
D119.053.0194b03.01ཐ་མ་དང་། རྣོ་རྟུལ་གྱི་ཁྱད་པར་ཀུན་མཁྱེན་ཏོ། །ད་ལྟར་གྱི་དུས་ཀྱི་སེམས་ཅན་རྣམས་ཀྱི་དབང་པོ་དང་། མ་འོངས་པའི་དུས་ཀྱི་སེམས་ཅན་གྱི་དབང་པོ་རྣམས་ཀྱང་མཁྱེན་ཏོ། །སེམས་ཅན་དེ་དག་ནི་བཅོམ་ལྡན་འདས་ཡོངས་སུ་མྱ་ངན་ལས་འདས་པའི་འོག་ཏུ་
D119.053.0194b04.01འདི་སྐད་དུ་འཆད་དོ། །ལ་ལ་ནི་དེ་བཞིན་གཤེགས་པ་མཐའ་ཡུན་དུ་ཡོངས་སུ་མྱ་ངན་ལས་འདས་སོ་ཞེས་འཆད། ལ་ལ་ནི་མཐའ་ཡུན་དུ་ཡོངས་སུ་མྱ་ངན་ལས་མ་འདས་སོ་ཞེས་འཆད། ལ་ལ་ནི་བདག་མཆིས་སོ་ཞེས་འཆད། ལ་ལ་ནི་བདག་མ་མཆིས་སོ་ཞེས་
D119.053.0194b05.01འཆད། ལ་ལ་ནི་ལྔ་ཕུང་མཆིས་པར་འཆད། ལ་ལ་ནི་ལྔ་ཕུང་མ་མཆིས་པར་འཆད། ལ་ལ་ནི་སླར་ལྡོག་པ་མཆིས་པར་འཆད། ལ་ལ་ནི་སླར་ལྡོག་པ་མ་མཆིས་པར་འཆད། ལ་ལ་ནི་དེ་བཞིན་གཤེགས་པའི་སྐུ་འདུས་བྱས་ལགས་པར་འཆད། ལ་ལ་ནི་
D119.053.0194b06.01དེ་བཞིན་གཤེགས་པའི་སྐུ་འདུས་མ་བྱས་སོ་ཞེས་འཆད། ལ་ལ་ནི་རྟེན་ཅིང་འབྲེལ་ཏེ་འབྱུང་བ་བཅུ་གཉིས་ལ་འདུས་བྱས་ཀྱི་ཆོས་སོ་ཞེས་འཆད། ལ་ལ་ནི་རྟེན་ཅིང་འབྲེལ་ཏེ་འབྱུང་བ་བཅུ་གཉིས་འདུས་མ་བྱས་པར་འཆད། ལ་ལ་ནི་སེམས་རྟག་གོ་ཞེས་འཆད། །
D119.053.0194b07.01