完整藏文原文 · 德格版页 当前仅加载第 53 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་དད་པ་ཡོད་པས་ཆོས་ཐ་དད་པ་འབྱུང་ངོ་། །ཆོས་ཐ་དད་པ་མེད་ན་ཆོས་ཐ་དད་པ་འགོག་སྟེ། སེམས་ཅན་གྱི་སངས་རྒྱས་ཀྱི་རང་བཞིན་ཡང་དེ་དང་འདྲ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལེན་མི་ནུས་སོ། །རིགས་ཀྱི་བུ་མ་རིག་པ་ཡང་འདུ་བྱེད་རྣམས་ལེན་མི་
D119.053.0172b01.01ནུས་ཤིང་འདུ་བྱེད་ཀྱིས་ཀྱང་རྣམ་པར་ཤེས་པ་ལེན་མི་ནུས་མོད་ཀྱི། མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་ཞེས་བྱ་སྟེ། སངས་རྒྱས་བཞུགས་ཀྱང་རུང་། མི་བཞུགས་ཀྱང་རུང་། ཆོས་ཀྱི་དབྱིངས་ནི་རྟག་ཏུ་གནས་སོ། །རིགས་ཀྱི་བུ་
D119.053.0172b02.01གལ་ཏེ་སངས་རྒྱས་ཀྱི་རང་བཞིན་སེམས་ཅན་གྱི་ནང་ན་གནས་ཞེས་བྱ་བ་ནི་རིགས་ཀྱི་བུ་རྟག་པའི་ཆོས་ནི་གནས་མེད་དེ། གལ་ཏེ་གནས་ཡོད་ན་མི་རྟག་པར་འགྱུར་རོ། །རིགས་ཀྱི་བུ་རྟེན་ཅིང་འབྲེལ་ཏེ་འབྱུང་བ་བཅུ་གཉིས་ནི་ངེས་པར་གནས་པའི་གནས་མེད་དོ། །གལ་ཏེ་
D119.053.0172b03.01གནས་པའི་གནས་ཡོད་ན་རྟེན་ཅིང་འབྲེལ་ཏེ་འབྱུང་བ་བཅུ་གཉིས་རྟག་པ་ཞེས་མི་བྱའོ། །དེ་བཞིན་གཤེགས་པའི་ཆོས་ཀྱི་སྐུ་ཡང་གནས་པའི་གནས་མེད། ཆོས་ཀྱི་ཁམས་དང་། ཆོས་ཀྱི་སྐྱེ་མཆེད་དང་། ཆོས་ཀྱི་ཕུང་པོ་དང་། ནམ་མཁའ་ཡང་གནས་པའི་
D119.053.0172b04.01གནས་མེད་དེ། སངས་རྒྱས་ཀྱི་རང་བཞིན་ཡང་དེ་དང་འདྲ་བར་གནས་པའི་གནས་མེད་དོ། །རིགས་ཀྱི་བུ་དཔེར་ན་ཆེན་པོ་བཞི་ནི་སྟོབས་མཉམ་སྟེ། ཀུན་ལ་སྲ་བ་དང་། དྲོ་བ་དང་། གཤེར་བ་དང་། གཡོ་བ་དང་། ཡང་བ་དང་། ལྕི་བ་དང་། དམར་པོ་དང་། དཀར་
D119.053.0172b05.01པོ་དང་། སེར་པོ་དང་། ནག་པོའི་མཚན་ཉིད་འདྲ་བར་ཡོད་མོད་ཀྱི། ཆེན་པོ་བཞི་ལ་ལས་མེད་དོ། །ཆོས་ཐ་དད་པའི་དབྱིངས་ཀྱིས་སོ་སོར་མི་མཚུངས་པ་ལྟར་སངས་རྒྱས་ཀྱི་རང་བཞིན་ཡང་དེ་དང་འདྲ་བ་སྟེ། ཆོས་ཐ་དད་པའི་དབྱིངས་ཀྱི་ཕྱིར་དུས་དང་ཕྲད་ན་གདོད་མཐོང་
D119.053.0172b06.01ངོ་། །རིགས་ཀྱི་བུ་སེམས་ཅན་ཐམས་ཅད་སངས་རྒྱས་ཀྱི་རང་བཞིན་ལས་ཕྱིར་མི་ལྡོག་པའི་ཕྱིར་ཡོད་པ་ཞེས་བྱའོ། །དེ་ལྟར་ཕྱིར་མི་ལྡོག་པའི་ཕྱིར། ཡོད་པར་འགྱུར་བའི་ཕྱིར། ངེས་པར་ཐོབ་པའི་ཕྱིར། ངེས་པར་མཐོང་བར་འགྱུར་བའི་ཕྱིར། སེམས་ཅན་
D119.053.0172b07.01