完整藏文原文 · 德格版页 当前仅加载第 53 函德格 321a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མེད་པ། ཁམས་གསུམ་ལས་འདས་པ་ཡང་མ་ཡིན། སྲིད་པ་ཀུན་དུ་འཇུག་པ་ཡང་མ་ཡིན་ཏེ། ཐོག་མ་ནས་རྣམ་པར་དག་པ། དྲི་མ་མེད་པ། ཉོན་མོངས་པ་མེད་པ། ནམ་མཁའ་དང་མཉམ་པ། མཉམ་པ་མེད་པ། མི་མཉམ་པ་ཡང་མ་ཡིན་པ།
D119.053.0321a01.01རྟོག་པ་དང་རྣམ་པར་རྟོག་པ་ཟད་པ། རྟོག་པ་ཐམས་ཅད་ཞི་བ་སྟེ། དེ་ལྟར་ཆོས་ཀྱི་མཚན་ཉིད་དེ་ནི་མྱ་ངན་ལས་འདས་པ་ཆེན་པོ་ཞེས་བྱ་སྟེ། ཆོས་འདི་ལ་ཡང་དག་པ་ཇི་ལྟ་བ་བཞིན་དུ་མཐོང་ན་རྣམ་པར་གྲོལ་བ་ཞེས་བྱ་སྟེ། བུས་པ་མ་རབས་ཀྱིས་མི་མཐོང་བས་ན་མ་རིག་པ་
D119.053.0321a02.01ཞེས་བྱའོ། །དེ་སྐད་ཅེས་བཀའ་སྩལ་ནས་ཕྱིར་ཡང་འཕར་བའི་བསམ་གཏན་ལ་ཞུགས་ཏེ། བསམ་གཏན་དང་པོ་ལས་བྱུང་ནས་འགོག་པ་ཟད་པའི་ཏིང་ངེ་འཛིན་གྱི་བར་དང་། འགོག་པ་ཟད་པའི་ཏིང་ངེ་འཛིན་ལས་བྱུང་བ་ནས་བསམ་གཏན་དང་པོ་ལ་འཇུག་པའི་བར་དུ་དེ་
D119.053.0321a03.01བཞིན་དུ་ཡན་མན་འཕར་བའི་བསམ་གཏན་ལ་ཞུགས་ནས། ཡང་འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ། །ངས་སངས་རྒྱས་ཀྱི་སྤྱན་གྱིས་ཁམས་གསུམ་གྱི་ཆོས་ཐམས་ཅད་ལ་བརྟགས་ན། མ་རིག་པའི་ཐོག་མའི་མཐའ་ནི་རང་བཞིན་གྱིས་རྣམ་པར་གྲོལ་བ་
D119.053.0321a04.01སྟེ། ཕྱོགས་བཅུར་བཙལ་ཀྱང་དམིགས་སུ་མེད་པ་ནི་རང་བཞིན་མེད་པའི་ཕྱིར་རོ། །དེའི་རྒྱུར་འགྱུར་བ་ཡལ་ག་དང་ལོ་མ་ཡང་རྣམ་པར་གྲོལ་བ་སྟེ། མ་རིག་པ་རྣམ་པར་གྲོལ་བས་རྒ་ཤིའི་བར་དུ་ཡང་རྣམ་པར་གྲོལ་ལོ། །དེ་བས་ན་ང་ནི་རྟག་ཏུ་རབ་ཏུ་ཞི་བའི་སྣང་བ་ལ་གནས་
D119.053.0321a05.01པས་མྱ་ངན་ལས་འདས་པ་ཆེན་པོ་ཞེས་བྱའོ། །དེའི་ཚེ་དགའ་བོ་མྱ་ངན་གྱིས་ཤིན་ཏུ་ཡིད་གདུངས་ཏེ་མྱོས་འཁྲུགས་ནས་མི་དྲན་པ་ནི་ཇི་ལྟར་ཆང་གིས་མྱོས་པ་དང་འདྲ་སྟེ། འཁོར་རྣམ་བཞི་ཡང་མི་མཐོང་མི་ཤེས་ལ། དེ་བཞིན་གཤེགས་པ་མྱ་ངན་ལས་འདས་སམ་མྱ་ངན་
D119.053.0321a06.01ལས་མ་འདས་པ་མི་ཤེས་མི་རྟོགས་སོ། །དེའི་ཚེ་བཅོམ་ལྡན་འདས་དེ་ལྟར་ལན་གསུམ་གྱི་བར་དུ་འཕར་བའི་བསམ་གཏན་ལ་ཞུགས་ཏེ་ཆོས་ཀྱི་དབྱིངས་ལ་ཐུག་གི་བར་དུ་བརྟགས་ནས་འཁོར་མང་པོ་རྣམས་ལ་ལན་གསུམ་དུ་ཆོས་བསྟན་ཏོ། །དེ་བཞིན་གཤེགས་པས་དེ་བཞིན་
D119.053.0321a07.01