完整藏文原文 · 德格版页 当前仅加载第 53 函德格 319b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པ་འཁོར་མང་པོ་རྣམས་སྲིད་པ་གསུམ་ལ་མྱུར་དུ་འདའ་བའི་ཕྱིར་རྒྱས་པར་ནན་ཏན་དུ་སྤྱོད་པ་ལ་ལེ་ལོ་མེད་པར་བག་ཡོད་གྱིས་ཤིག །དེའི་ཚེ་འཇིག་རྟེན་གྱི་ཁམས་ཐམས་ཅད་ན་ལྷ་དང་། མི་དང་འཁོར་རྣམ་པ་བཞི་ལ་སོགས་པ་མྱ་ངན་ལས་འདའ་བའི་འོད་ཀྱིས་རེག་ནས་སངས་
D119.053.0319b01.01རྒྱས་ལ་ལྟ་བ་ཐམས་ཅད་ཀྱི་ངན་སོང་གསུམ་དང་མི་ཁོམ་པ་བརྒྱད་དང་། འཇིག་རྟེན་གྱི་ལྷ་དང་མིའི་ཉོན་མོངས་པ་དང་། རྩ་བ་བཞི་དང་། མཚམས་མེད་པ་ལྔའི་ཁ་ན་མ་ཐོ་བའི་སྡིག་པ་ཐམས་ཅད་ལྷག་མ་མ་ལུས་པར་ཡོངས་སུ་བྱང་སྟེ་རྣམ་པར་གྲོལ་བ་ཐོབ་པར་གྱུར་ཏོ། །དེའི་ཚེ་
D119.053.0319b02.01བཅོམ་ལྡན་འདས་གསེར་བཙོ་མའི་ཁ་དོག་ལྟ་བུའི་སྐུ་ཕྱུང་སྟེ་ཡང་དང་ཡང་ལྟོས་ཤིག་ཅེས། འཁོར་མང་པོ་རྣམས་ལ་བཀའ་སྩལ་ནས་སླར་ཆོས་གོས་སྦྱར་མ་སྐུ་ལ་གསོལ་ཏོ། །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས། བསྟན་པ་གཞག་པའི་ལེའུའོ།། །།
D119.053.0319b03.01བཅོམ་ལྡན་འདས་ཀྱིས་ཡང་འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ། །ང་ནི་ད་དུས་ལ་བབ་སྟེ། སྐུ་ཀུན་དུ་གཙེ་ཞིང་ནའོ་ཞེས་བཀའ་སྩལ་ནས་བསམ་གཏན་དང་པོ་ལ་འཇུག་ཅིང་མྱ་ངན་ལས་འདའ་བའི་འོད་ཀྱིས་འཇིག་རྟེན་གྱི་ཁམས་ཀུན་བརྟགས་ཏེ་ཞི་ཞིང་འགོག་པའི་ཏིང་
D119.053.0319b04.01ངེ་འཛིན་ལ་འཇུག་གོ། །དེའི་ཚེ་བཅོམ་ལྡན་འདས་དེ་སྐད་གསུངས་མ་ཐག་ཏུ་བསམ་གཏན་དང་པོ་ལ་ཞུགས་སོ། །བསམ་གཏན་དང་པོ་ལས་བྱུང་ནས་བསམ་གཏན་གཉིས་པ་ལ་ཞུགས་སོ། །བསམ་གཏན་གཉིས་པ་ལས་བྱུང་ནས་བསམ་གཏན་གསུམ་པ་ལ་ཞུགས་སོ། །བསམ་
D119.053.0319b05.01གཏན་གསུམ་པ་ལས་བྱུང་ནས་བསམ་གཏན་བཞི་པ་ལ་ཞུགས་སོ། །བསམ་གཏན་བཞི་པ་ལས་བྱུང་ནས་ནམ་མཁའ་མཐའ་ཡས་སྐྱེ་མཆེད་སྟེངས་ལ་ཞུགས་སོ། །ནམ་མཁའ་མཐའ་ཡས་སྐྱེ་མཆེད་སྟེངས་ལས་བྱུང་ནས་རྣམ་ཤེས་མཐའ་ཡས་སྐྱེ་མཆེད་སྟེངས་ལ་ཞུགས་སོ། །རྣམ་
D119.053.0319b06.01ཤེས་མཐའ་ཡས་སྐྱེ་མཆེད་སྟེངས་ལས་བྱུང་ནས་ཅུང་ཟད་མེད་མིན་སྐྱེ་མཆེད་སྟེངས་ལ་ཞུགས་སོ། །ཅུང་ཟད་མེད་མིན་སྐྱེ་མཆེད་སྟེངས་ལས་བྱུང་ནས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་སྟེངས་ལ་ཞུགས་སོ། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་སྟེངས་ལས་བྱུང་ནས་འགོག་
D119.053.0319b07.01