完整藏文原文 · 德格版页 当前仅加载第 53 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
སྒོམ་པར་བྱེད་དོ། །དེ་ལྟར་དབང་པོ་རྣོ་བར་གྱུར་པའི་ཕྱིར་དད་པ་དང་ཤེས་རབ་བརྟན་པར་གྱུར་ནས་ཕྱིར་ལྡོག་པའི་སེམས་མེད་པར་གྱུར་ཏོ། །དེ་ལྟར་ཕྱིར་ལྡོག་པ་མེད་པས་གོང་ནས་གོང་དུ་འཕར་རོ། །དེ་ལ་གོང་ནས་གོང་དུ་འཕར་བ་ནི་རང་སངས་རྒྱས་ཏེ།
D119.053.0170a01.01དེ་ལྟར་བདག་གྲོལ་མོད་ཀྱི། སེམས་ཅན་ཐམས་ཅད་ལ་མ་ཡིན་པས་དེ་ནི་སོང་བ་ཞེས་བྱ་སྟེ། ཇི་ལྟར་གང་གཱའི་ཀླུང་གི་མི་ལྔ་དང་མཚུངས་སོ། །དེ་ལ་གཅིག་ནི་འཁོར་བའི་ཀླུང་ཆེན་པོ་རྒལ་འདོད་པ་ལས་དགེ་བའི་རྩ་བ་བཅད་པས་དེར་ནུབ་ཀྱང་དགེ་བའི་བཤེས་གཉེན་དང་བསྟེན་
D119.053.0170a02.01པས་དད་པའི་སེམས་དང་ལྡན་པར་གྱུར་ཏོ། །དད་པའི་སེམས་དང་ལྡན་པའི་ཕྱིར་འབྱུང་བ་ཞེས་བྱའོ། །དེ་ལྟར་དད་པའི་སེམས་དང་ལྡན་པའི་ཕྱིར་མདོ་སྡེ་སྡེ་བཅུ་གཉིས་གཟུངས་སུ་འཛིན་ཅིང་ཀློག་པ་དང་། འདོན་པ་དང་། ཡི་གེར་བྲིས་ཤིང་རྣམ་པར་ཕྱེ་སྟེ། སེམས་ཅན་
D119.053.0170a03.01ཐམས་ཅད་ལ་རྒྱས་པར་སྟོན་ཏོ། །སྦྱིན་པ་ལ་དགའ་ཞིང་ཤེས་རབ་སྒོམ་པར་བྱེད་དོ། །དེ་ལྟར་དབང་པོ་རྣོན་པོར་གྱུར་པའི་ཕྱིར་དད་པ་དང་ཤེས་རབ་བརྟན་པར་གྱུར་ནས་ཕྱིར་ལྡོག་པའི་སེམས་མེད་དོ། །ད་ལྟར་ཕྱིར་ལྡོག་པ་མེད་པས་གོང་ནས་གོང་དུ་འཕར་ཏེ་གཏིང་ཚུགས་
D119.053.0170a04.01པར་ཕྱིན་ཏོ། །གཏིང་ཚུགས་པར་ཕྱིན་ནས་དེར་སྡོད་དེ་མི་འགྲོའོ། །དེར་སྡོད་ཅིང་མི་འགྲོ་ཞེས་བྱ་བ་ནི་འདི་ལྟ་སྟེ། བྱང་ཆུབ་སེམས་དཔའ་སེམས་ཅན་རྣམས་སྒྲོལ་བའི་ཕྱིར་ཉོན་མོངས་པ་ལ་རྟོག་པའོ། །དེ་ནི་ཇི་ལྟར་གང་གཱའི་ཀླུང་གི་མི་དྲུག་པ་དང་མཚུངས་སོ། །དེ་ལ་
D119.053.0170a05.01གཅིག་ནི་འཁོར་བའི་ཀླུང་ཆེན་པོ་རྒལ་འདོད་པ་ལས་དགེ་བའི་རྩ་བ་བཅད་དེ་དེར་ནུབ་པར་གྱུར་ཀྱང་དགེ་བའི་བཤེས་གཉེན་དང་བསྟེན་པས་ན་དད་པའི་སེམས་དང་ལྡན་པར་གྱུར་ཏོ། །དད་པའི་སེམས་དང་ལྡན་པས་ན་བྱུང་བ་ཞེས་བྱ་སྟེ། དད་པའི་སེམས་ཀྱིས་མདོ་སྡེ་སྡེ་བཅུ་གཉིས་
D119.053.0170a06.01གཟུངས་སུ་འཛིན་ཅིང་ཀློག་པ་དང་། འདོན་པ་དང་། ཡི་གེར་བྲིས་ཤིང་རྣམ་པར་འབྱེད་དེ། སེམས་ཅན་ཐམས་ཅད་ལ་རྒྱས་པར་སྟོན་ཏོ། །སྦྱིན་པ་ལ་དགའ་ཞིང་ཤེས་རབ་སྒོམ་པར་བྱེད་དོ། །ད་ལྟར་དབང་པོ་རྣོན་པོར་གྱུར་པའི་ཕྱིར་དད་པ་དང་། ཤེས་རབ་བརྟན་པར་གྱུར་ནས་ཕྱིར་
D119.053.0170a07.01