完整藏文原文 · 德格版页 当前仅加载第 53 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཐོབ་ཅིང་ངན་པ་ཐོབ་པར་མི་འགྱུར་བ་དང་། མང་དུ་རྙེད་ཅིང་ཉུང་ངུར་མི་འགྱུར་བ་དང་། མྱུར་དུ་ཐོབ་ཅིང་ཐོགས་པར་མི་འགྱུར་བར་སྨོན་ལམ་འདེབས་ན་དགེ་སློང་དེ་ནི་ཁ་ཟས་ལ་ཡོངས་སུ་སྤོང་བའི་འདུ་ཤེས་ཐོབ་པ་མ་ཡིན་ཏེ། དགེ་བའི་
D119.053.0268a01.01ཆོས་སྤྱོད་པ་ཡང་ཉིན་མཚན་དུ་འགྲིབས་ཤིང་། མི་དགེ་བའི་ཆོས་ནི་སྐྱེ་ཞིང་འཕེལ་བར་འགྱུར་རོ། །རིགས་ཀྱི་བུ་དགེ་སློང་གང་ཞིག་བསོད་སྙོམས་ལ་འགྲོ་བར་གཟས་པ་ན་ཐོག་མ་འདི་སྙམ་དུ་གང་བདག་ལ་བསོད་སྙོམས་སྦྱིན་པ་དེ་དག་ཁ་ཟས་ཀྱིས་
D119.053.0268a02.01ཆོག་པར་གྱུར་ཅིག །ཅེས་སྨོན་ལམ་འདེབས་པ་དང་གང་དག་ལ་བསོད་སྙོམས་སྦྱིན་པ་དེ་བསོད་ནམས་ཚད་མེད་པ་ཐོབ་པར་གྱུར་ཅིག །བདག་གིས་བསོད་སྙོམས་འདི་ཡང་གདུག་པ་དང་བཅས་པའི་ལུས་འདི་གསོ་ཞིང་། དགེ་བའི་ཆོས་ལ་ནན་
D119.053.0268a03.01ཏན་བྱེད་པར་འགྱུར་བ་དང་། སྦྱིན་བདག་གི་ཕན་པ་དང་བདེ་བའི་དོན་དུ་འགྱུར་བར་སེམས་པ་དེ་ནི་དགེ་བའི་སྤྱོད་པ་ཡང་ཉིན་མཚན་དུ་སྐྱེ་ཞིང་འཕེལ་ལ་མི་དགེ་བའི་ཆོས་ཀྱང་ཁད་ཀྱིས་བྱང་བར་འགྱུར་རོ། །རིགས་ཀྱི་བུ་དགེ་སློང་གང་ཞིག་དེ་ལྟ་བུར་ནན་ཏན་
D119.053.0268a04.01བྱེད་ན། གང་ཟག་དེ་ནི་ཡུལ་གཅིག་གི་སྦྱིན་པ་ལེན་པ་མ་ཡིན་པར་རིག་པར་བྱའོ། །རིགས་ཀྱི་བུ་མཁས་པ་ཤེས་རབ་ཅན་ནི་དེ་ལྟར་འདུ་ཤེས་རྣམ་པ་བཞི་དང་ལྡན་པས་འཇིག་རྟེན་ལ་མ་ཆགས་པའི་འདུ་ཤེས་ལ་ནན་ཏན་བྱེད་པར་འགྱུར་ཏེ། ཡང་
D119.053.0268a05.01འདི་སྙམ་དུ་འཇིག་རྟེན་ཐམས་ཅད་ན། སྐྱེ་བ་དང་། རྒ་བ་དང་། ན་བ་དང་། ཤི་བའི་གནས་མ་ཡིན་པ་མེད་དེ། བདག་གི་ལུས་འདི་ནི་གང་དུ་ཡང་མ་སྐྱེས་པའི་གནས་མེད་དོ། །གལ་ཏེ་འཇིག་རྟེན་ན་གནས་གཅིག་ཙམ་ཡང་སྐྱེ་བ་དང་། རྒ་བ་དང་།
D119.053.0268a06.01ན་བ་དང་། ཤི་བ་མ་ཡིན་པའི་གནས་མེད་ན་བདག་གིས་ཅིའི་ཕྱིར་འཇིག་རྟེན་ལ་ཆགས་པར་བྱ། འཇིག་རྟེན་པ་ཐམས་ཅད་ནི་གོང་ནས་གོང་དུ་འཕར་བ་ཡང་མེད་ལ། ཕྱིར་མི་ལྡོག་པ་ཡང་མེད་དེ། དེ་བས་ན་འཇིག་རྟེན་ནི་ངེས་པར་མི་རྟག་པའོ། །
D119.053.0268a07.01