完整藏文原文 · 德格版页 当前仅加载第 53 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
དགོས་སོ། །བསྐལ་པ་ཐོག་མ་ཆགས་པ་ན་སེམས་ཅན་ཐམས་ཅད་རྫུས་ཏེ་སྐྱེས་པས་ཉོན་མོངས་པ་དང་བཅས་མོད་ཀྱི་ཉོན་མོངས་པའི་ནད་མ་ལངས་པས། དེ་བཞིན་གཤེགས་པ་འཇིག་རྟེན་དུ་མ་གཤེགས་སོ། །རིགས་ཀྱི་བུ་བསྐལ་པ་ཐོག་མ་
D119.053.0184a01.01ཆགས་པའི་སེམས་ཅན་ནི། ལུས་དང་། སེམས་སྣོད་དུ་མ་གྱུར་པས། དེ་བཞིན་གཤེགས་པ་འཇིག་རྟེན་དུ་མ་གཤེགས་སོ། །རིགས་ཀྱི་བུ་སངས་རྒྱས་བཅོམ་ལྡན་འདས་ཀྱི་གདུང་རིགས་དང་། འཁོར་དང་ཕ་མ་ནི་མཆོག་ཏུ་གྱུར་པས་ཆོས་གསུང་བ་
D119.053.0184a02.01ཐམས་ཅད་ཀྱིས་ཡིད་ཆེས་ཏེ། དེ་བས་ན་དེ་བཞིན་གཤེགས་པ་ནི་རྫུས་ཏེ་མི་སྐྱེའོ། །རིགས་ཀྱི་བུ་སེམས་ཅན་ཐམས་ཅད་ནི་བུའི་ལས་ཀྱང་ཕ་བྱེད་ལ། ཕའི་ལས་ཀྱང་བུ་བྱེད་དེ། སངས་རྒྱས་བཅོམ་ལྡན་འདས་གལ་ཏེ་རྫུས་ཏེ་སྐྱེས་ན་ཕ་མ་མེད་པར་འགྱུར་རོ། །གལ་ཏེ་
D119.053.0184a03.01ཕ་མ་མེད་ན་སོ་སོའི་སྐྱེ་བོ་ཐམས་ཅད་ཀྱི་དགེ་བའི་ལས་མང་པོ་ཡང་ཇི་ལྟར་མཛད་པར་འགྱུར། དེ་བས་ན་དེ་བཞིན་གཤེགས་པ་ནི་རྫུས་ཏེ་མི་སྐྱེའོ། །རིགས་ཀྱི་བུ་སངས་རྒྱས་ཀྱིས་བསྟན་པའི་དམ་པའི་ཆོས་ལ་སྲུང་བ་རྣམ་པ་གཉིས་ཏེ། ནང་དང་ཕྱི་རོལ་ལོ། །ནང་གི་
D119.053.0184a04.01སྲུང་བ་ནི་ཚུལ་ཁྲིམས་སོ། །ཕྱི་རོལ་གྱི་སྲུང་བ་ནི་གཉེན་བཤེས་དང་འཁོར་རོ། །གལ་ཏེ་སངས་རྒྱས་བཅོམ་ལྡན་འདས་རྫུས་ཏེ་སྐྱེས་ན་ཕྱི་རོལ་གྱི་སྲུང་བ་མེད་པར་འགྱུར་ཏེ། དེ་བས་ན་དེ་བཞིན་གཤེགས་པ་ནི་རྫུས་ཏེ་སྐྱེ་བའི་སྐུ་ནི་མི་འདོད་དོ། །རིགས་ཀྱི་བུ་སྐྱེ་
D119.053.0184a05.01བོ་ཁ་ཅིག་ནི་ཆོ་རིགས་བསྙེམས་པས་ང་རྒྱལ་སྐྱེའོ། །དེ་བཞིན་གཤེགས་པས་དེ་དག་གི་ང་རྒྱལ་གཞོམ་པའི་ཕྱིར་ཆོ་རིགས་བཙུན་པར་སྐྱེས་ཀྱི་རྫུས་ཏེ་སྐྱེ་བའི་སྐུ་མི་འདོད་དོ། །རིགས་ཀྱི་བུ་སངས་རྒྱས་བཅོམ་ལྡན་འདས་ལ་ཡང་དག་པར་ཕ་དང་མ་ཡོད་དེ། ཕ་ནི་
D119.053.0184a06.01ཟས་གཙང་མ་ཞེས་བྱ། མ་ནི་ལྷ་མཛེས་ཞེས་བྱ་སྟེ། འོན་ཀྱང་སེམས་ཅན་དེ་དག་ནི་སྒྱུ་མ་ཡིན་ནོ་ཞེས་བརྗོད་ན། ཇི་ལྟར་རྫུས་ཏེ་སྐྱེ་བའི་སྐུ་འདོད་པར་བྱ། གལ་ཏེ་རྫུས་ཏེ་སྐྱེ་བའི་སྐུ་བླངས་ན་རིང་བསྲེལ་མང་པོ་ཅི་ལས་འབྱུང་བར་འགྱུར། དེ་བཞིན་གཤེགས་པ་ནི་
D119.053.0184a07.01