完整藏文原文 · 德格版页 当前仅加载第 53 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་འདི་ལྟར་རྟོག་གོ། །བདག་གིས་ཐོས་ན་མཐོ་རིས་ཀྱི་ལྷ་རྣམས་ཀྱང་ཤིན་ཏུ་བདེ་བའི་ལོངས་སྤྱོད་ཕུན་སུམ་ཚོགས་པ་དང་ལྡན་ཏེ། མངོན་པར་ཤེས་པ་དང་དབང་དུ་ལྡན་ཡང་ལྟས་ལྔ་མངོན་པར་བྱུང་བས་དེ་བས་ན་མི་རྟག་པར་རིག་གོ། །གཞན་
D119.053.0265a01.01ཡང་བསྐལ་པ་ཐོག་མའི་ཚེ་སེམས་ཅན་ཐམས་ཅད་ཀྱང་སོ་སོ་ནས་ཡོན་ཏན་མཆོག་དམ་པ་དང་ལྡན་ཏེ། སོ་སོའི་ལུས་ཀྱི་འོད་ཀྱིས་སྣང་བར་བྱེད་ཀྱི་ཉི་མ་ཟླ་བའི་འོད་ལ་རག་མ་ལུས་སོ་ཞེས་ཐོས་ཏེ། མི་རྟག་པའི་མཐུས་འོད་ཀྱང་ཉམས་ནས་ཡོན་ཏན་ཡང་མེད་པར་གྱུར་ཏོ། །
D119.053.0265a02.01གཞན་ཡང་འཁོར་ལོས་སྒྱུར་བའི་རྒྱལ་པོ་ལྟ་བུ་གླིང་བཞི་ལ་དབང་སྟེ། རིན་པོ་ཆེ་སྣ་བདུན་དང་ལྡན་པའི་དབང་ཆེན་པོ་ཐོབ་ཀྱང་མི་རྟག་པ་བཅོམ་མ་ནུས་སོ་ཞེས་ཐོས་སོ། །གཞན་ཡང་ས་ཆེན་པོ་འདི་ལ་སྔོན་ནི་སེམས་ཅན་ཚད་མེད་པ་སྙེད་བདེ་བར་གནས་ཏེ། ཤིང་རྟའི་ཕང་
D119.053.0265a03.01ལོ་ཙམ་གྱི་ས་སྟོངས་མེད་པར་སྨན་དམ་པ་སྣ་ཚོགས་དང་། ནགས་ཚལ་དང་། བཟའ་ཤིང་གི་ར་བ་དང་། འབྲས་བུ་ལ་སོགས་པ་ཤིན་ཏུ་རྒྱས་པ་ལས་ད་ནི་སེམས་ཅན་བསོད་ནམས་{ཆུངས་,ཆུང་}པས་ས་ཆེན་པོ་འདིའི་མཐུ་སྟོབས་མེད་པར་གྱུར་ཏེ། ས་ལས་སྐྱེས་པའི་རྣམས་ཀྱང་
D119.053.0265a04.01རོ་མེད་ཅིང་ཡ་མ་བརླར་གྱུར་ཏེ། དེ་བས་ན་ཕྱི་ནང་གི་ཆོས་ཐམས་ཅད་ནི་མི་རྟག་པ་ཡིན་ཏེ། དེ་ནི་མི་རྟག་པ་སྦོམ་པོ་ཞེས་བྱའོ། །དེ་ལྟར་སྦོམ་པོ་རྟོགས་ནས་མཐར་གྱིས་ཕྲ་མོ་ལ་རྟོག་གོ། །དེ་ལ་ཕྲ་མོ་ཞེས་བྱ་བ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོས་
D119.053.0265a05.01ཕྱི་ནང་གི་ཆོས་ཐམས་ཅད་ནས་རྡུལ་ཕྲ་རབ་ཀྱི་བར་དུ་མ་འོངས་པའི་དུས་ན་མི་རྟག་པར་རྟོག་གོ། །དེ་ཅིའི་ཕྱིར་ཞེ་ན། མཚན་མ་ཡོངས་སུ་བཅོམ་པ་དང་ལྡན་པའི་ཕྱིར་རོ། །གལ་ཏེ་མ་འོངས་པའི་གཟུགས་དེ་མི་རྟག་པ་མ་ཡིན་ན། གཟུགས་ལ་ཁྱད་པར་གྱི་དུས་རྣམ་པ་འདི་
D119.053.0265a06.01བཅུ་ཡོད་དོ་ཞེས་སྨྲ་བ་མི་རུང་ངོ་། །བཅུ་གང་ཞེ་ན། འདི་ལྟ་སྟེ། ནུར་ནུར་པོའི་དུས་དང་། མེར་མེར་གྱི་དུས་དང་། མཁྲེགས་པའི་དུས་དང་། ཤ་གོང་གོང་པོར་གྱུར་པའི་དུས་དང་། ཡན་ལག་སྐྱེས་པའི་དུས་དང་། བུས་པ་ཆུང་ངུའི་དུས་དང་། གཞོན་ནུའི་དུས་དང་།
D119.053.0265a07.01