完整藏文原文 · 德格版页 当前仅加载第 53 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་དེ་དང་འདྲའོ། །རིགས་ཀྱི་བུ་མཁས་པ་ཤེས་རབ་ཅན་གྱིས་འཇིག་རྟེན་ཐམས་ཅད་ལ་སྐྱབས་སུ་འགྱུར་བ་མ་ཡིན་པ་དང་། རྣམ་པར་གྲོལ་བའི་གནས་མ་ཡིན་པ་དང་། རབ་ཏུ་ཞི་བའི་གནས་མ་ཡིན་པ་དང་། ཡིད་དུ་འོང་བའི་གནས་
D119.053.0269a01.01མ་ཡིན་པ་དང་། ཕ་རོལ་ཏུ་ཕྱིན་པའི་གནས་མ་ཡིན་པ་དང་། རྟག་པ་དང་། བདེ་བ་དང་། བདག་དང་། ཡོངས་སུ་དག་པའི་ཆོས་མ་ཡིན་པར་ཤིན་ཏུ་བརྟག་གོ། །གལ་ཏེ་བདག་གིས་དེ་ལྟར་འཇིག་རྟེན་ལ་ཆགས་པར་གྱུར་ན་བདག་གིས་ཇི་ལྟ་བུར་ཆོས་དེ་དག་
D119.053.0269a02.01ཡོངས་སུ་སྤོང་བར་འགྱུར། དཔེར་ན་མི་ཞིག་མུན་པ་མི་འདོད་དེ་སྣང་བ་ཚུལ་བ་ལས་ཕྱིར་མུན་པའི་ནང་དུ་འགྲོ་བ་དང་འདྲའོ། །མུན་པ་ཞེས་བྱ་བ་ནི་འཇིག་རྟེན་ནོ། །སྣང་བ་ཞེས་བྱ་བ་ནི་འཇིག་རྟེན་ལས་འདས་པའོ། །གལ་ཏེ་བདག་གིས་འཇིག་རྟེན་ལ་ཆགས་
D119.053.0269a03.01ཏེ་མུན་པ་བསྐྱེད་ན་འོད་སྣང་བ་དང་ཡོངས་སུ་བྲལ་བར་འགྱུར་རོ། །མུན་པ་ནི་མ་རིག་པའོ། །སྣང་བ་ནི་ཤེས་རབ་བོ། །ཤེས་རབ་དང་སྣང་བའི་རྒྱུ་ནི་འཇིག་རྟེན་ལ་མ་ཆགས་པའི་འདུ་ཤེས་ཡིན་ཏེ། འདོད་པ་ནི་ཀུན་ནས་བཅིངས་པ་ཡིན་མོད་ཀྱི་འོན་ཀྱང་བདག་ནི་
D119.053.0269a04.01ཤེས་རབ་ཀྱི་སྣང་བ་འདོད་ཀྱི། འཇིག་རྟེན་གྱི་ཆགས་པ་ནི་མི་འདོད་དོ། །མཁས་པ་ཤེས་རབ་ཅན་གྱིས་ཤིན་ཏུ་བརྟགས་ཏེ། དེ་ལྟར་རྟོགས་ནས་འཇིག་རྟེན་ལ་མི་ཆགས་པའི་འདུ་ཤེས་དང་ལྡན་པར་བྱའོ། །རིགས་ཀྱི་བུ་མཁས་པ་ཤེས་རབ་ཅན་ནི་འཇིག་
D119.053.0269a05.01རྟེན་ལ་མ་ཆགས་པའི་འདུ་ཤེས་ལ་ནན་ཏན་བྱས་ནས་རིམ་གྱིས་ཤི་བའི་འདུ་ཤེས་ལ་ནན་ཏན་བྱེད་དོ། །འཚོ་བའི་སྲོག་འདི་ལ་བརྟགས་ན། རྟག་ཏུ་དགྲ་སྡང་བ་ཚད་མེད་པ་སྙེད་ཀྱིས་ཡོངས་སུ་བསྐོར་ཏེ། སྐད་ཅིག་སྐད་ཅིག་གིས་ཉམས་པར་བྱེད་ཀྱི། སྐྱེ་ཞིང་
D119.053.0269a06.01འཕེལ་བར་མི་བྱེད་དོ། །དཔེར་ན་ཆུ་གཟར་པོ་ལྟར་མི་གནས་པའམ། རྩྭའི་ཁ་ན་ཟིལ་པ་ལྟར་རིང་དུ་མི་གནས་པའམ། གསོད་དུ་ཁྲིད་པ་དག་ཤི་བ་ལ་ཉེ་བའམ། བ་ལང་ངམ་ལུག་གཤེད་མའི་དྲུང་དུ་ཁྲིད་པ་དང་འདྲའོ། །བྱང་ཆུབ་སེམས་དཔའ་འོད་
D119.053.0269a07.01