完整藏文原文 · 德格版页 当前仅加载第 53 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྟག་པའོ། །དེ་ཅིའི་ཕྱིར་ཞེ་ན། གཟུགས་ཀྱི་རྒྱུ་དང་རྐྱེན་མི་རྟག་པའི་ཕྱིར་རོ། །མི་རྟག་པའི་རྒྱུ་ལས་གཟུགས་སྐྱེས་ན་གཟུགས་ལ་རྟག་པ་ཞེས་བྱ་བར་རུང་ངམ། དེ་བཞིན་དུ་རྣམ་པར་ཤེས་པའི་བར་དུ་ཡང་རྒྱས་པར་རིག་པར་བྱའོ། །དེ་ནས་དྲང་སྲོང་དེ་ཆོས་དེ་དག་ཐོས་
D119.053.0198b01.01ནས་མོད་ལ་དགྲ་བཅོམ་པའི་འབྲས་བུ་ཐོབ་པར་གྱུར་ཏོ། །རིགས་ཀྱི་བུ་གྲོང་ཁྱེར་རྩྭ་མཆོག་ན་སྟོབས་པོ་ཆེ་སྟོང་ཕྲག་སུམ་ཅུ་སྙེད་ཡོད་པ་གཞན་གྱི་དབང་དུ་མ་གྱུར་ཏེ། གཟུགས་དང་སྟོབས་དང་། ཚེ་དང་། ནོར་སྙེམས་ཤིང་དྲེགས་པས་རབ་ཏུ་མྱོས་སོ། །རིགས་ཀྱི་བུ་ང་
D119.053.0198b02.01སྟོབས་པོ་ཆེ་དེ་དག་གདུལ་བའི་ཕྱིར་མཽད་གལ་གྱི་བུ་ལ་ཁྱོད་སྟོབས་པོ་ཆེ་དག་ཐུལ་ཅིག་ཅེས་བཀའ་སྩལ་ཏོ། །དེ་ནས་མཽད་གལ་གྱི་བུས་ངའི་བཀའ་བཞིན་དུ་ལོ་ལྔའི་བར་དུ་ཐབས་རྣམ་པ་སྣ་ཚོགས་ཀྱིས་བཏུལ་ན། སྟོབས་པོ་ཆེ་གཅིག་ཀྱང་ཆོས་མཉན་པའམ་ཐུལ་བར་མ་
D119.053.0198b03.01གྱུར་ཏོ། །དེ་ནས་ངས་སྟོབས་པོ་ཆེ་དེ་དག་གི་ཕྱིར་དགའ་བོ་ལ་ད་སྟེ་ཟླ་བ་གསུམ་ནང་ཡོངས་སུ་མྱ་ངན་ལས་འདའོ་ཞེས་བཀའ་སྩལ་ཏོ། །རིགས་ཀྱི་བུ་སྟོབས་པོ་ཆེ་དེ་དག་དེ་སྐད་ཅེས་བཀའ་སྩལ་པ་ཐོས་ནས་འདུས་ཏེ་ལམ་འཆོས་སོ། །ཟླ་བ་གསུམ་འདས་ནས་ང་དེའི་ཚེ་ཡུལ་
D119.053.0198b04.01ཡངས་པ་ཅན་ནས་གྲོང་ཁྱེར་རྩྭ་མཆོག་ཏུ་གཤེགས་ཏེ་ལམ་ཕྱེད་ཙམ་དུ་ཕྱིན་པ་དང་། རྒྱང་ནས་སྟོབས་པོ་ཆེ་རྣམས་མཐོང་ནས་དགེ་སློང་གི་གཟུགས་ཤིག་ཏུ་སྤྲུལ་ཏེ། སྟོབས་པོ་ཆེ་ཐམས་ཅད་ཀྱི་ནང་དུ་སོང་ནས་འདི་སྐད་ཅེས་སྨྲས་སོ། །བུས་པ་དག་ཁྱེད་ཅག་ཅི་ཞིག་བྱེད། སྟོབས་
D119.053.0198b05.01པོ་ཆེ་རྣམས་ཀྱིས་དེ་སྐད་ཅེས་སྨྲས་པ་ཐོས་ནས། ཐམས་ཅད་ཁྲོས་ཏེ། འདི་སྐད་དུ་དགེ་སློང་ཁྱོད་ཇི་སྟེ་ངེད་ལ་བུས་པ་ཞེས་ཟེར། ངས་སྨྲས་པ། ཁྱེད་བུས་པ་ཡིན་མོད། སྟོང་ཕྲག་སུམ་ཅུ་སྙེད་འདུས་ཏེ་སྟོབས་ཅི་ཡོད་པ་གཏུགས་ཀྱང་རྡོ་ཆུང་ངུ་འདི་ཙམ་ཅིག་བསྐྱོད་མི་ནུས་ན་བུས་པ་
D119.053.0198b06.01ཞེས་བྱར་མི་རུང་ངམ། སྟོབས་པོ་ཆེ་རྣམས་ཀྱིས་སྨྲས་པ། ཁྱོད་ཀྱིས་ངེད་ལ་བུས་པ་ཞེས་ཟེར་ན་ཁྱོད་ནི་མི་ཆེན་པོ་ཡིན་པར་ཤེས་སོ། །རིགས་ཀྱི་བུ་ངས་དེའི་ཚེ་ཞབས་ཀྱི་སོར་མོ་གཉིས་ཀྱིས་རྡོ་དེ་ཕྱུང་ངོ་། །སྟོབས་པོ་ཆེ་དག་དེ་ལྟ་བུའི་དངོས་པོ་མཐོང་ནས་བདག་ཉིད་ཀྱི་
D119.053.0198b07.01